табиат

от 1. Бутун мавжудотни ўз ичига олган олам, борлиқ.

Табиат зап қизиқ нарса-да. Унда ҳамма нарса мавжуд, ҳамма нарсанинг ўз ўрни, ўз мавқейи бор. — Н. Фозилов, Дийдор

Табиатнинг ҳеч кимга бўйсунмайдиган, бировдан рухсат ҳам сўраб ўтирмайдиган қонунлари бор. — Ў. Ҳошимов, Қалбингга қулоқ сол

Кузда табиатнинг жонли ва фаол вакили — одам организми ҳам тиниқади. — Газетадан

2. Инсоният ва ҳайвонотдан ўзга олам.

Табиат билан одам боласи қиёсланса, бир-бирига ўхшаши ақлни ҳайратга солади. — Газетадан

Кетди қирдан турна ҳам, Бўшаб қолди табиат — А. Орипов, Юртим шамоли

Табиатда учрайдиган минералларнинг баъзилари саноат аҳамиятига эга. — Газетадан

3. Ўт-ўлан, ўсимлик ва бошқалар нарсалар банд этган теварак-атроф, қир-адир, ўрмон ва шу кабилар.

Отабек табиатнинг шу кўркам ва латиф кўринишига мафтун бўлиб, бир оз ётгандан кейин, Ул ҳам бўлса эди, деб ўйлади ва узоқ тин олиб қўйди. — А. Қодирий, Ўтган кунлар

Табиат сокин, уфқ жимирлайди — А. Мухтор, Чинор

Табиат ўз тилида роз айтиб шивирлар экан, йигит бундан ўз қувончининг мадҳини ўқирди. — М. Исмоилий, Фарғона тонг отгунча

Кечаги чангбости ёмғир табиатга ҳусн бериб кетганидек, одамларнинг ҳам баҳридилини очиб юборди. — Н. Фозилов, Дийдор

4. Ер сатҳининг маълум бир жиҳатини акс эттирувчи белги, хусусият ёки ҳолати.

Бу ернинг гўзал табиати ва зилол сув манбалари одамларга ором бағишлайди. — Газетадан

Бобурномани варақлар экансиз табиат манзаралари чизилган лавҳаларга дуч келасиз. — Фан ва турмуш

5. Инсон руҳиятига хос асосий, турғун хусусиятлар мажмуи; характер, феъл.

— Ўзи жуда оғир ва ақлли йигит, бунинг устига қизиқ табиати ҳам бор, — деди Уста Олим. — А. Қодирий, Ўтган кунлар

У [Вали ака] табиатининг оғирлигига қарамай, ўрнидан сапчиб туриб кетди. — М. Исмоилий, Фарғона тонг отгунча

Мирзакаримбойнинг қизи Нуринисонинг табиатида енгиллик билан макр устун турар эди. — Ойбек, Танланган асарлар

Доим захда ўтириб ишлаганимданми ёки ўзимнинг табиатимда заифлик борми — ишқилиб, кўп вақтдан бери бедармон тортиб юрибман. — А. Қодирий, Ўтган кунлар

6. кўчма Нарсага хос бирор белги, хусусият.

Планеталарнинг физик табиати.

Туркий тилларда чўзиқ унлиларнинг табиати кўпдан мутахассисларнинг диққатини жалб қилиб келади. — ЎТА

7. Кайфият, руҳий ҳолат.

Тожибойнинг Гулсумга жазманлиги тўғрисидаги гаплар эсига тушиб, табиати бир оз хира бўлди. — П. Турсун, Ўқитувчи

Аҳмад ўз хонасига кирса, Толиб ака ёʻқ экан. Унинг табиати равшан эди. — Ф. Мусажонов, Ҳиммат

8. Дид, фаросат.

Табиати нозик одам. У одамнинг табиатини қарангки

9. Яратувчи, ато этувчи, бошқарувчи илоҳий куч-қудрат тимсоли.

Табиат бу диёрга шундай сеҳрли куч ато этганки, унинг туп-роғида ҳар қандай ўсимлик баҳра олади. — Газетадан

Аслида тупроқни одил табиат Тақсим айлаган-ку ер юзига тенг. — А. Орипов, Йиллар армони

1. Оламдаги нарсаларнинг ҳаммаси, бутун борлиқ; мавжудот.TABİAT

2. Феъл, хулқ-атвор; характер.

1. природа

2. натура, характер, нрав

• табиати енгил одам легкомысленный человек
• табиатини хира (тирриқ) қилмоқ испортить (кому-л.)

н 1. nature

2. character

1. tábiyat, álem, bolmıs

2. xarakter, peyil

4. kewil-keypiyat, ruwxıy jaģday

5. talģam, aqıl-parasat, túsimpazlıq

Natur f

nature, disposition, character, temper, type

русчаприрода, натура, характер, вкусинглизчаnature, character, mood, tasteфрансузчаnature, caractère, personnalité, goûtарабчаطَبِيعَة

ўзбекчатабиат (инсон), хусусиятрусчанатура, природа (человека)инглизчаpeculiarity

Kiši qïrq yašab öz tabï bilmäsä tükäl yïlqï-ul Киши қирқ йил яшаб ўз табиатини билмаса, унинг ҳайвондан фарқи ёʻқ – Если человек, прожив сорок лет, не знает своей натуры, он подлинно скотина –Иф а персон, афтер ливинг фортй еарс, доес нот кнов ҳис натуре, ҳе ис трулй а беаст