fl. 1. Oq tusga kirmoq, oq tus olmoq.
Qor yogʻib, yerlar oqarib qolibdi.
Biz mehnatda topdik baxtimiz, Mehnatda soch oqarsa, mayli! — Yo. Mirzo, Oʻgʻil mehri
Turgʻun: Yoʻq. Aksincha, oqaribsiz. Jindek ozib, yana ham chiroyli boʻlibsiz. — N. Safarov, Hayot maktabi
Chinni piyolasimon chanoqlar oqarib koʻzga tashlanadi. — S. Qodirov, Tong yulduzlari
2. Qonsizlanib yoki qoni qochib, qizillikni yoʻqotmoq, rangi oʻchmoq, boʻzarmoq.
Uning rangi oqarib ketdi.
Umri bir oqardi, bir qizardi-yu, meni quchoqlab yigʻladi. — A. Qahhor, Xotinlar
Sobirga qaragan edi, u bir oqardi-yu, engashib, portfelini titkilashga tushdi. — A. Koʻchimov, Halqa
3. Oʻngmoq, rangini yoʻqotmoq, aynimoq (koʻpincha, boʻyalgan narsalar haqida).
Ustidagi gimnastyorkasi yomgʻirda yuvilib, oftobda oʻngib, oqarib ketgan edi. — I. Rahim, Chin muhabbat
Dehqon nigohi jiddiy, oliyjanob, ustida chakmon, oyogʻida oqarib ketgan mahsi. — Fan va turmush
4. Yorugʻ boʻlmoq, yorishmoq.
Kechasi soat toʻrtdanoq sharq tomon oqara boshladi. Hademay tun oqaradi.
Adir tomondan ufq, xuddi parda orqasidan chiroq yoqqandek, oqarib kelyapti. — S. Ahmad, Hukm
Mashhar tongi asta-sekin oqarib kelar, Koʻz oldimda sodir boʻldi Ulugʻ Qiyomat. — A. Oripov, Yillar armoni
- Kosasi oqarmagan 1. Uyida sogʻin sigiri boʻlmagan; kosasi sut koʻrmagan; Ikromjon bundoq oʻylab qarasa, bu artist-mijoz sherigi bilan ishlaydigan boʻlsa, sira kosasi oqarmaydigan. — S. Ahmad, UfqOʻz ota-onasining raʼyini qaytargan bulaning hech qachon kosasi oqarmaydi! — Mirmuhsin, Chiniqish
- Ogʻzi oqarib qoldi Sigiri tugʻdi yoki uyida sogʻin sigir paydo boʻldi; doim sut-qatiq ichadigan boʻlib qoldi. Ola buzoq tugʻib oldi, Ogʻzimiz ham oqarib qoldi. — Gʻ, GʻulomXudo xohlasa, ayni qish chillasida bolalarning ogʻzi oqarib qoladi, birodar! — Yoshlik.