Қидирув

фл. 1. Оғримоқ феълининг орттирма нисбати.

Намгарлик аъзойи баданимни зирқиратиб оғритяпти. Этик оёғимни оғритди.

Йиғлама, Турсуной, йиғлама. Йиғи бошни оғритиб, кишини лоҳас қилади. — А. Қаҳҳор, Мастон

2. Хафа қилмоқ, ранжитмоқ, дилига озор бермоқ.

Кўнглини оғритмоқ.

Дилдор шу ёшга кириб, бировнинг дилини оғритмаган. — С. Аҳмад, Уфқ

[Кумуш Отабекка:] Шу яқин орадаги унинг [Зайнаб] билан бўладиган масъуд дақиқаларингизда худо ёʻлига ваъда олингиз — мени оғритмасин, рақибам келди, деб ўйламасин. — А. Қодирий, Ўтган кунлар

Ука, ман уч-тўрт кундан кейин Фарғонага жўнайман. Лекин, сан чолнинг кўнглини заррача оғритма, дурустми? — Ойбек, Танланган асарлар

фл. 1. Касал бўлмоқ, бирор касалликка ёʻлиқмоқ, дардга чалинмоқ.

Ишламай еган, оғримай ўлар. — Мақол

Буюк аллома Абу Али ибн Сино мия, қонтомир, ўпка касалликлари билан оғриган кишиларни даволашда ёнғоқ мағзидан самарали фойдаланган. — Фан ва турмуш

Бирдан Зеби хола оғриб қолди-ю, ўша ётганча ўрнидан турмади. — Ҳ. Назир, Сўнмас чақмоқлар

2. Касалланиб, шикастланиб, жароҳатланиб ёки чарчаб оғриқ бермоқ, оғриққа кирмоқ.

Оёғим оғрияпти. Пичоқни аввал ўзингга ур, оғримаса, бировга ур! — Мақол

Унинг тани зирқираб оғрир, айниқса, бели шундай оғрирдики, асло чидаб бўлмасди. — С. Аҳмад, Уфқ

Бутун баданим зирқираб оғрийди, энди жуда кучайди оғриқ. — Ойбек, Танланган асарлар

3. Касалланиб ёки қурт еб тўкилмоқ (ҳўл мевалар ҳақида).

Оғриган олма.

от Ўғирловчи, ўғрилик билан шуғулланувчи шахс.

Ўғрини қароқчи урди. — Мақол

Бир кеча қўрага иккита ўғри тушиб, қоровулнинг оёқ-қўлини боғлаб, оғзига тўппи тиқиб, учта сигир, иккита от, тўртта қўйни ҳайдаб кетди. — А.Қаҳҳор, Қўшчинор чироқлари

Ўғриларни ўлдирганда, Отабекнинг ёнида неча кишиси бўлган? — А.Қодирий, Ўтган кунлар

от 1. Касалланиш, шикастланиш, жароҳат ёки чарчаш натижасида сезиладиган жисмоний азоб, дард.

Оёғининг оғриғи босилди. Ярам яна оғриққа кирди.

Бир оздан кейин Малик муаллимнинг биқинидаги оғриқ хиёл босилди. — А. Кўчимов, Ҳалқа

У ўз азобига, куюк оғриғига чидаб, бардош қилиб, ўзига-ўзи далда берарди. — Н. Сафаров, Водиллик қаҳрамон

2. Касаллик, хасталик, дард.

Бел оғриғи. Кўз оғриғи. Оёқ оғриғи. Оғриққа чалинмоқ.

Оғриқнинг биринчи куни Кумуш ҳеч кимга сездирмай юрди. — А. Қодирий, Ўтган кунлар

3. Бемор, касал, хаста.

Ўлар оғриқнинг ўлгани яхши, уйдагиларнинг тингани яхши. — Мақол

Оғриқнинг тузалгиси келса, эмчи ўз оёғи билан келар. — Мақол

Бу воқеанинг учинчи куни Кумушбиби йиллаб ётувчи оғриқлардек сарғайиб озган. — А. Қодирий, Ўтган кунлар

Ҳар иккала оғриқнинг номи битта — муҳаббат. — Э. Самандар, Дарёсини ёʻқотган қирғоқ

Бирон жойда ишлаш у ёқда турсин, кўчага чиқай деган ўйнинг ўзи унинг учун оғриқ кўз билан офтобга қарашдай ёқимсиз эди. — А. Қаҳҳор, Сароб

4. кўчма Руҳий азоб, дард, алам.

Элмурод Фотима билан тенглашиб олгач, бир энтикди-да, гўё қалбини жизиллатиб турган оғриқни битталаб олиб ташлаётгандай гапирди. — П. Турсун, Ўқитувчи

Чолнинг қалбини аллақандай совуқ бир қўл омбур орасига олиб сиқар, оғриғи юзига уриб борар эди. — М. Исмоилий, Фарғона тонг отгунча

5. кам қўлл. Ташвиш, ғам.

— Ажабо, маккажўхоридан бошқа оғриғим ёʻқми,— деди раис ўзига-ўзи. — Ш. Рашидов, Бўрондан кучли

Мўминлар бир-бирларининг оғриғига шерик бўлиши керак. — Фан ва турмуш

6. кўчма Иллат, камчилик. —

Бу оғриқ янгигина тузилган колхоз шароитида юқумли бир офат. — А. Қодирий, Кичик асарлар

от 1. Ўғри иши, ўғирлаш.

Ўғрилик қилмоқ.

Ўғрилик қилган учун қўл кесиладир ва ё дорга осиладир. — А. Қодирий, Ўтган кунлар

2. Ўғирлаш иши билан шуғулланиш.

[Ҳайдар:] Бу ўғриликкина эмас, қароқчилик — кундузлай халқнинг кўзи олдида ёʻлбосарлик. — С. Айний, Қуллар

Ўғриликка ўрганган бўлманг тағин, яйловда юриб. — А. Мухтор, Чинор

сфт. 1. Оғриқ мавжуд бўлган, жисмоний азоб берувчи.

Оғриқли яра.

2. Руҳий оғриқ берувчи, дардли.

Болалигимдан бери бир оилани кузатаман. Шу уйнинг она бўлгич аёли мен учун оғриқли дунёдир. — Ёшлик