Hayot Foundation loyihasi
Loyiha haqida
Oʻz
Oʻz

Qidiruv

«XUN» boʻyicha 42 ta natija: Lugʻatlar

Filtr
Boʻlim
Lugʻatlar Ertaklar Shevalar
Lugʻat turi
Izohli Tarjima Terminologik
Tildan
Oʻzbekcha Ruscha
Tilga
Oʻzbekcha Ruscha Inglizcha Qoraqalpoqcha Nemischa Fransuzcha Arabcha Turkcha

Lugʻat maqolalari

32 ta
xun
Izohli lugʻat · yana 3 ta lugʻatda

ot 1. ayn. Qon.

Ming jafo birlan ezib qalbimni, toʻkdilar xunim. — M. Ismoiliy, Fargʻona tong otguncha

Daryo boʻlib oqdi daryoda xunlar, Doʻzax olovida bamisli dunyo. — E. Vohidov

— Har kim shahid — oʻz xuniga boʻyalar, El-u xalqqa ozor berma, Avazjon, — dedi Qulmaloyik bobo. — Zulfizar bilan Avazxon

2. Urugʻdoshlik tuzumi davrida vujudga kelgan odat; oʻldirilgan shaxs uchun olinadigan qonli oʻch.

Qoʻyvor, deyapman senga Bari bir ukamning xunini olaman Qoʻyvor, qayoqqa sudrayapsan! — Yoshlik

Ulikni tobutga solayotganda, xizmatkorlardan bittasi: — Bu odamxoʻrlarni qoziga berib, bechora goʻdakning xunini olish kerak, — dedi. — Oydin, Hazil emish

3. Umuman, oʻldirilgan kimsa, yoʻqotilgan yoki tortib olingan narsa uchun toʻlanadigan haq; tovon.

— Tom tagida qolib oʻlsak, san bilan maning xunimni ulardan kim daʼvo qiladi?— qaygʻuli tovush bilan dedi Oʻroz. — Oybek, Tanlangan asarlar

Oʻlgan sigir qoziniki boʻlsa, nima qilish kerak? — Suzgan sigir egasidan xunini toʻlatib olish kerak, — dedi afandi. — Latifalar

  • Jigari (yoki bagʻri, yuragi) xun boʻlmoq Biror narsadan qattiq taʼsirlanib iztirob chekmoq, ruhan qattiq ezilmoq. — Onamga bildirmanglar, — dedi ayol bagʻri xun boʻlib. — A. Nurmurodov, Urush bevalariYolgʻiz seni, men yolgʻiz kutdim, Kuta berib xun boʻldi jigar. — R. Parfi[Abdulaziz] Shu vaqt ichida qancha foydadan qolganini ham taxminan hisoblab koʻrib, yuragi xun boʻlib ketdi. — S. Anorboyev, Oqsoy
  • Xun boʻlmoq Ruhan qattiq ezilmoq. Yigʻlayverib, xun boʻlib ketdim, deb yozgan edi Mastura. — Sh. Xolmirzayev, Bodom qishda gulladi
  • Xun yigʻlamoq Ezilib yigʻlamoq. [Qoʻngʻiz bola] Ariqdan oʻtolmay, yigʻlamoqda xun, Koʻz yoshi yuzini yuvibdi butun. — S. Abduqahhor
  • Xun dovlamoq Qonli oʻch olishni talab qilmoq. Xun dovlayman, nima javob berasan, Bolalarim nobud boʻlgan — bilasan. — Alpomish
  • Otasining xunini soʻramoq Biror narsa uchun haddan ziyod pul yoki haq soʻramoq, biror narsaga juda qimmat baho qoʻymoq.
  • Xunini toʻlamoq 1. Oʻldirgani uchun tovon toʻlamoq. Agar qoʻlga kelsa Boysunning xoni, Oʻldirsam, toʻlanar oʻgʻlimning xuni. — AlpomishHazratning nomlariga dogʻ tushmasin uchun shariat amriga muvofiq sizga xun toʻlanadi. — M. Joʻraboyev, M. B. martabasi
Toʻliq maqola →
xunob
Izohli lugʻat · yana 6 ta lugʻatda

sft. 1. Toqati toq; diqqat, boʻgʻilgan, tajang.

Ikki haftadan beri suv ololmay [moʻysafid] xunob ekan. — Oybek, Tanlangan asarlar

[Anvar:] Mayli. Men ham tezroq qaytishim kerak. Alimardon ham xunob boʻlib oʻtirgandir. — Oʻ. Hoshimov, Bahor qaytmaydi

2. koʻchma Qiyin, ogʻir, mushkul, sermashaqqat, serdiqqat.

Xunob vazifa.

Olamda zargarlikdek xunob ish boʻlmas derdim, bularniki yana sermashaqqat ekan. — Oybek, Navoiy

  • Xunob qilmoq Asabiylashtirmoq. [Zebi Akromxonga:] Joningizga tegib, xunob qildim. — Sh. Rashidov, Qudratli toʻlqin
  • Xunobi oshmoq (yoki chiqmoq) Oʻta diqqat boʻlmoq. — Yuring, ketdik! — dedi past ovoz bilan xunobi oshgan Koʻchqorvoy aka. — Mirmuhsin, Ildizlar va yaproqlarQoʻchqor xunobi chiqib, qoʻlini siltadi. — O. Yoqubov, Er boshiga ish tushsa
Toʻliq maqola →
xunuk
Izohli lugʻat · yana 6 ta lugʻatda

sft. 1. Koʻrinishi yoqimsiz; koʻrimsiz, chiroyli emas.

Fransuzlar dunyoda xunuk ayollar yoʻq, faqat oʻziga oro bermagan, parvarishsiz ayollargina bor, deb hisoblashadi. — Saodat

Voy-vuy, qishlogʻimiz shunaqa xarob, shunaqa xunukmi! — A. Qahhor, Qoʻshchinor chiroqlari

2. koʻchma Yoqimsiz; noxush, jirkanch.

Xunuk voqea.

Har qalay, kecha xunuk ish boʻldi. — S. Ahmad, Ufq

Bechora xotinning insonlik qadr-u qiymatini yerga uradigan nihoyat-da xunuk yoʻl bu. — M. Ismoiliy, Fargʻona tong otguncha

3. koʻchma Qoʻrqinchli.

Uning [Anvarning] koʻzlari qorongʻida charaqlar, vajohati xunuk edi. — Oʻ. Hoshimov, Qalbingga quloq sol

4. koʻchma Quloqqa yoqmaydigan, yoqimsiz eshitiladigan.

Xunuk tovush.

Tuni bilan boʻlgan gʻazabli boʻkirishlar, xunuk alahlashlar, yirtqichday uvlab yigʻlashlar tindi. — A. Muxtor, Opa-singillar

Jimjit qabriston tepasidagi chinorda boyqush xunuk sayradi. — S. Ahmad, Ufq

  • Xunuk koʻrinmoq Yoqimsiz taassurot qoldirmoq. Voy, ilm uvol emasmi, nega indamaysiz? Hozirgi zamonda sichqon tutaman degan mushuk hamma odamning koʻziga xunuk koʻrinadi-ya! — A. Qahhor, Ogʻriq tishlar
Toʻliq maqola →
xunasa
Izohli lugʻat · yana 2 ta lugʻatda

ot 1. Ham erkak, ham ayollik jinsiy belgilari boʻlgan odam yoki hayvon.

“Baligʻingiz erkakmi, urgʻochimi? Afandi vazirning makrini tushunib, javob berdi: Xunasa. — Latifalar

2. soʻk. Yaramas, ablah, razil.

— Shu xunasa qimor oʻynamasa, bu gʻavgʻolar yoʻq edi, — dedi Islom. — Yoshlik

Oq podsho degan xunasa formoy chiqarib, mardikor soʻrab qoldi. Urushda qoʻli baland emas shekilli. — Oybek, Tanlangan asarlar

Toʻliq maqola →
xundor
Izohli lugʻat · yana 1 ta lugʻatda

ot Xun talab qiladigan; qasoskor.

[Husayn:] Iblis Majdiddin Moʻmin Mirzoni oʻldirish haqida farmon yozib, menga mastligimda qoʻl qoʻydirib olibdi. Kecha tongda u meni ham nabiramdan, ham oʻgʻlimdan judo qildi. Endi Badiuzzamon menga farzand emas, xundor dushman. Uygʻun va I. — Sulton, Alisher Navoiy

Toʻliq maqola →

Hammasini koʻrish · 32 →

Taʼriflar ichida

10 ta
yuztuban

yuztuban Yuzini pastga qaratib. Sekin eshikni ochib, hujraga qaradi, yuztuban yotgan Hamzaning boshiga bordi. K. Yashin, Hamza Shart qoʻymoqchi, yuztuban tiz choʻktirmoqc

yigʻlamoq

плакать, рыдать; yig'lab-yig'lab marza olsang, o'ynab-o'ynab sug'orasan посл. плакал да плакал, копая канал, но пел, ликовал, когда поливал; ◊ yig'layverib xun bo'lmoq вы

voh

voh und. s. Gʻam, qaygʻu, alam, afsus yoki ogʻriqni ifodalaydi; oh, voy. Turfa savdolar boshima tushdi, ketdi ixtiyor, Voh, oʻtarga oʻxshadi endi umr zanjirda. Hamza Qizi

oʻlarmon

o‘larmon Nafsini tiya olmaydigan; ochkoʻz. Oʻlarmon hoʻkiz boltadan toymas. Maqol Yomon otga yol bitmas, Oʻlarmonga mol bitmas. Maqol Oʻta berilgan; mukkasidan ketgan. Ic

ezilmoq

ezil Ezmoq feʼlining majhul va oʻzlik nisbati. Ezilgan meva. Ezilib pishgan guruch. Ezilgan xalqlar. Kuyinmoq, achinmoq; qiynalmoq, dili xun boʻlmoq; tashvish tortmoq. Ru

raund

raund Boksda bir qur jangning oʻzi uchun ajratilgan va uch daqiqa davom etadigan muddat (havaskor va professional bokschilar jangida raundlar soni oʻzaro farqlanadi). Qit

Hammasini koʻrish · 10 →