елка

yelka

7 та луғатда учрайди ЖСОН Шеваларда Барча қидирув натижалари

Изоҳли луғат

елка

от 1. Қўлнинг танага яқин қисми.

Аҳмаджон уни дарҳол тортиб олиб қараса, ўнг қўли елкасидан узилган. — А. Қаҳҳор, Олтин юлдуз

Аравакаш елкасини гупчакка тираб итарса ҳам, от тўрт оёғи ерга михлангандай, қимир этмасди. — Ойбек, Танланган асарлар

Ҳар елкасида мендай болалардан иккитаси ўтирса бўлар. — С. Сиёев, Ёруғлик

2. Тананинг икки елка, курак қисми, кифт.

Салимбойвачча ўз ёнига бир хотинни ўтқазди У елкаси кенг, кўкракдор, лўппи юзли эди. — Ойбек, Танланган асарлар

3. кўчма Кийимнинг елка устида турадиган қисми.

Кўйлакнинг елкаси тўғри келмади.

4. кўчма Зимма, гардан.

Теримни машиналар елкасига юклаганмиз. — А. Аҳмаджонов, Иш боши

5. тех. Ричагнинг таянч нуқтасидан куч қўйилган нуқтасигача бўлган қисми.

Елкасини тўғрилаб олмоқ.

Елкаси ерга тегмаган
Елкага миниб олмоқ Елкамга [хўжайинлар] хўп минишди. Энди бас! — Ойбек, Танланган асарларМусулмонқул эл елкасига минди — А. Қодирий, Ўтган кунлар
Елка(си)га ортмоқ (ёки юкламоқ) Иш ёки вазифани бирор кимса ёки нарса зиммасига ўтказмоқ. Ҳамма ишни ўринбосари елкасига юклабди.
Елкамнинг чуқури кўрсин Бундан кейин умрбод кўрмай. Зуннунхўжанинг уйини елкамнинг чуқури кўрсин. — А. Қаҳҳор, Қўшчинор чироқлари
Елкасини қисмоқ 1. Совуқдан ёки руҳий азобдан бошини елкалари орасига олмоқ. Ёрмат кўчадан келди, елкасини қисиб, танчага ўтирди. — Ойбек, Танланган асарлар;— Аканг уйга кетдимикин? — деб сўрашди Давлатёрдан. У елкасини қисди, чунки билмас эди. — П. Турсун, Ўқитувчи
Елкасидан сафар ойи кўринмоқ Жуда ночор аҳволга тушмоқ, путурдан кетмоқ, хароб бўлмоқ. Э, сен, елкангдан сафар ойи кўриниб қопти-ю, яна менга тик гапирасан-а, гадойвачча! — К. Яшин, Ҳамза

Ўзбекча-туркча изоҳли луғат

ЕЛКА

Тананинг бўйиндан қўлгача бўлган қисми.OMUZ

Русча-ўзбекча ва ўзбекча-русча луғат

елка

плечо

елка дан тоғ ағдарилгандай бўлди как гора с плеч свалилась

юкни елкага ташламоқ взвалить груз (мешок) на спину

елкасининг чуқури кўрсин букв. чтобы ложбинка у его плеча (ключицы) видела бы (эти места или этого человека), т.е. чтобы вовек ему не видеть всего этого; соотв. моей ноги не будет там
елкаси ерга тегмаган полвон борец, не знающий поражений

Қаранг: кифт

Инглизча-ўзбекча, ўзбекча-инглизча луғат

елка

н 1. shoulder

2. arm

3. humeral

елка суяги humerus

Ўзбекча-қорақалпоқча луғат

ЕЛКА

jelke

Ўзбекча-немисча луғат

елка

Schulter f, Achsel f

елка қисмоқ mit den Achseln zücken
елкадан тоғ қулагандай eine Last ist von mir abgefallen
елкама елка Schulter an Schulter

Ўзбекча-арабча-русча-инглизча ўқув луғати

Елка

арабчаكتف, KitfрусчаплечаинглизчаShoulder

Мақоладаги хато ҳақида хабар бериш