yasamoq

fl. 1. Ish-faoliyat, oʻyin va shu kabilarga oid narsa (qurol, buyum kabilar) tayyorlamoq, ishlamoq.

Hushtak yasamoq. Arava yasamoq. Dutor yasamoq. Tandir yasamoq. Ket-mon yasamoq.

Sizlar uchun yasadik jajji uychalar. — I. Muslim

Dehqonchilik mashinalarin bu yasab, Poʻlatga zoʻrlik qib, yoʻlga soladi. — Fozil Yoʻldosh oʻgʻli

Oʻroz oʻzi yasagan kichkina doʻmbirasini chala ketdi. — Oybek, Tanlangan asarlar

Bobojonim qoʻgʻirchoqlar yasab berardi — X. Toʻxtaboyev, Shirin qovunlar mamlakati

2. ayn. Tuzamoq.

Sholcha ustiga esa koʻrpachalarni solib, dasturxon tuzabdi. — Ertaklar

Jondor vagonchi shu uyga yopishgan ikkinchi bir kichik uydan patnis yasab chiqdi. — Oybek, Tanlangan asarlar

3. Hosil qilmoq (koʻrinish, shakl va shu kabilar haqida).

Yuksak daraxtlarning uchlari quchoqlashib, muazzam yashil chodir yasagan. — Oybek, Quyosh qoraymas

Katta maydonda yuz-lab aravalar davra yasagan. — T. Obidov, Yusufjon qiziq

4. Bezatmoq, yasantirmoq.

Nima uchun ham-ma yoqni palaklar, soʻzanalar bilan yasamadinglar? — M. Ismoiliy, Fargʻona tong otguncha

5. s. t. Pishirmoq, tayyorlamoq.

Kurkadan ikkitasini soʻy, bir kobili qilib dimlama yasa. — E. Raimov, Ajab qishloq

Lolaxon, boplab bitta palov yasay qol. — S. Zunnunova, Yangi direktor

6. s.t. kam qoʻll. Oʻzi birikib kelgan soʻz bildirgan ish-harakatni qilmoq, amalga oshirmoq maʼnosini bildiradi.

Bu hodisa oʻzbek xalqi hayotida tub burilish yasadi.

Choʻlga qarshi bir ataka yasaylik. — Oybek, Tanlangan asarlar

Kumush goʻyo Zaynab ustiga hujum yasaydigandek hurpaydi. — A. Qodiriy, Oʻtgan kunlar

7. s. t. Gap-soʻz va shu kabilar bilan boplamoq, adabini bermoq.

Quruq aravani olib qochavergan edi, koʻpchilik oldida rosa yasadi. — Yoshlik

Biror narsani yuzaga keltirmoq, hosil qilmoq.YAPMAK, İMAL ETMEK

делать, мастерить, изготовлять, строить

v 1. make

2. produce, manufacture

1. jasaw, dóretiw, tayarlaw

2. jasaw, jayıw

3. payda etiw

4. bezew, jasandırıw

5. pisiriw, tayarlaw

6. ámelge asırıw

7. sazayın beriw

• dasturxon yasamoq den Tisch bedecken
• pashshadan fil yasamoq aus einer Mücke einen Elefanten machen

узбекскийyashamoq, hayot kechirmoqрусскийжитьанглийскийlive

Keräk miŋ yašayïl keräk on sekiz Xoh ming yil yashagin, xoh oʻn sakkiz yil – Надо – живи тысячу [лет], надо – восемнадцать – Whether you live a thousand years, or eighteen