urugʻ

ot 1. Oʻsimlikning murtak, oziq moddalari va qobiqdan iborat hosili; don, tuxum.

Sochilgan urugʻ unib chiqdi. Bemaza qovunning urugʻi koʻp. — Maqol

Ter toʻkib, sochsang urugʻ, yer seni qoʻymas quruq. — Maqol

Koʻklam-da ona-bola togʻ etagidagi qoʻriqqa chiqib, belkurak bilan yer agʻdarib, lalmi bugʻdoy ekishdi, lekin qurgʻoqchilik boʻlib, urugʻga ham chuv tushishdi. — P. Qodirov, Uch ildiz

2. Jonivorlar, hasharotlarning jinsiy hujayrasi; tuxum.

Bir chugʻurchuq bir kunda oʻn mingtagacha hasharotni yeydi. Hasharot esa, yoʻq boʻlib ketmasligi uchun, millionlab tuxum qoʻyadi. — S. Nurov, Narvon

3. Ipak qurti kapalagining tuxumi, qurt urugʻi.

Samarqand qurt urugʻi zavodi faqat oq pilla oʻraydigan ipak qurti urugʻlari tayyorlay boshladi. — Gazetadan

4. biol. Erkaklar jinsiy bezi ishlab chiqaradigan, jinsiy hujayralardan iborat suyuqlik; sperma, maniy.

5. koʻchma Koʻpaytiradigan, koʻpayadigan, urchiydigan narsa.

Bolaligida uning miyasiga ilm urugʻi qadalsa, keyin sermeva daraxt boʻlib unib chiqqay. — M. Osim, Ibn Sino qissasi

Nizomulmulk fitna urugʻini uzoqni moʻljallab, juda maxfiy sepmoqda. — Oybek, Navoiy

6. (3-shaxs birlik shaklida: urugʻi) Ayrim soʻzlar bilan qoʻllanib, shu soʻz anglatgan narsa yoki shaxs toifasi, koʻpligi maʼnosini bildiradi; zoti.

Boʻlsa boʻlar, boʻlmasa — xotinning urugʻi Hirotdan kelgan emas! — A. Qahhor, Asarlar

Dunyoda kitob urugʻi borki, hammasini oʻqib boʻldim. — Mushtum

7. Bir ota-bobodan, bir ajdoddan kelib chiqqan kishilar guruhi; avlod.

Bir urugʻidanmiz aloqalarimiz buzilmasin. — Sh. Xolmirzayev, Ogʻir tosh koʻchsa

Sulton Ahmadbek oraga odam qoʻygan. Butun urugʻlari bilan sizning marhamatingizga muntazir. — P. Qodirov, Yulduzli tunlar

8. Ibtidoiy jamoa tuzumida: oʻzaro qon-qardosh boʻlgan kishilardan iborat dast-labki asosiy tashkilot, uyushma, jamoa.

Ilgari oqsoqollar boshchiligidagi har bir urugʻ oʻzini bir-biridan yuqori qoʻyar, bir-birining odatidan, tilidan kular edi. — P. Tursun, Oʻqituvchi

Shiroq, bizning urugʻdan. Oʻzi ertakchi, dostonchi dono chol. — M. Osim, Shiroq

Oʻsimlikning murtak, oziq moddalari va qobiqdan iborat hosili; don, tuxum.TOHUM

1. семя, семена

2. род, племя

n 1. seed, semen, sperm

2. progeny, relatives, kin, clan

3. tribe

Same m, Saatgut n

русскийсемья, род, племя, родственниканглийскийfamily, house, tribe, kin, relativeфранцузскийsemence, graine, tribu, clan, parentарабский1) بَذْرٌ (بُذُورٌ), 2) قَبِيلَةٌ (قَبَائِلُ), قَرِيبٌ (أَقْرِبَاءُ)