toʻxtamoq

fl. 1. Davom etmay qoʻymoq, davomdan qolmoq.

Ish toʻxtadi. Gap toʻxtadi. Otishma toʻxtadi. Shamol toʻxtadi. Yomgʻir toʻxtadi. Suv toʻxtadi.

Oyoq tovushi toʻxtab, narigi yoqdan usta Olimning tovushi keldi. — A. Qodiriy, Oʻtgan kunlar

Vujudini qaqshatib turgan tish ogʻrigʻi birdan toʻxtaganday, Sidiqjonning koʻzi yalt etib ochilib ketdi. — A. Qahhor, Qoʻshchinor chiroqlari

Toʻxtab qolgan, qovjiragan buloqlar Sharaq-sharaq yana qaynab chiqmishdir. — Gʻayratiy

2. Oʻz ishini, harakatini, faoliyatini bas qilmoq, yurmay, ishlamay qoʻymoq.

Soat toʻxtadi. Ventilyator toʻxtab qoldi.

[Otabek] Ikki yildan beri toʻxtab qolgan savdogarchilik ishini qaytadan boshlamoqchi edi. — A. Qodiriy, Oʻtgan kunlar

Yoʻlchi sanqib yurib, anhor yoqasida toʻxtadi. — Oybek, Tanlangan asarlar

3. Ish-faoliyat, harakatda uzilish qilmoq, toʻxtam hosil boʻlmoq.

Elmurod otin-oyining doʻqi bilan yigʻidan toʻxtadi. — P. Tursun, Oʻqituvchi

Sharofatxon, bir zum toʻxtab, atrofga qaradi, soʻng tovushini pasaytirib davom etdi. — Oybek, Tanlangan asarlar

Orada yotsirashga oʻxshash bir hol, nima uchundir bir soʻzlab, ikki toʻxtar edilar. — A. Qodiriy, Oʻtgan kunlar

4. Safarda, yoʻlda biror yerga qoʻnmoq, tushmoq; qoʻngan, tushgan, borgan yerida maʼlum vaqt boʻlmoq, turmoq.

Batalon yarim kechada xaroba bir qishloqqa kelib toʻxtadi. — Oybek, Quyosh qoraymas

U [Otabek] Margʻilonda koʻp toʻxtamas, bir kun, uzoqqa tor-tilsa, ikki-uch kun turib qaytar edi. — A. Qodiriy, Oʻtgan kunlar

5. Turib qolmoq, saqlanmoq.

Uning qoʻlida pul hech toʻxtamaydi. Kerakli mol magazinda toʻxtab qolmaydi. Suv qattiq yerda toʻxtar. — Maqol

6. Qaror qilmoq, qarorga, toʻxtamga kelmoq.

Shunday qilib nimaga toʻxtadinglar?

Biz shu yerdagi ogʻaynilar bilan kengashib, bir gapga toʻxtab qoʻydik. — A. Qodiriy, Oʻtgan kunlar

7. koʻchma Ogʻizga, tilga olib oʻtmoq, toʻxtalmoq.

Men bir masala ustida mufassal toʻxtamoqchiman.

Lekin, oʻrtoqlar, men ham qisqacha toʻxtab oʻtmasam, tars yorilib ketaman. — A. Qahhor, Toʻy

Roʻznomadagi asosiy dokladlar ustida soʻzlagan notiqlar koʻproq ijodiy masalalar ustida toʻxtadilar. — N. Safarov, Olovli izlar

8. maxs. Homilador boʻlmoq, qochmoq (chorva mollari haqida).

9. Sabr qilmoq, kutmoq.

Mayli, yana bir-ikki kun toʻxtab turing!

— Toʻxtang boʻlmasa, — dedi, — men bir ish qilayki ammo shu daqiqadan boshlab ixtiyoringizni menga topshiring! — A. Qodiriy, Oʻtgan kunlar

Davom etmay qoʻymoq, turmoq.DURMAK

1. stehen bleiben vi s, halten vi, haltmachen vi

2. (tugamoq)aufhören vi

3. (tunamoq)absteigen vi s, einkehren vi s bei D

загадка останавливаться, переставать, прекращаться

yurganda shaqirlab kuladi, toʻxtaganda jim turadi побежит — раскатисто засмеётся, а остановится — замолчит (Арба).

1. toqtaw, turıw, irkilip qalıw

2. irkiliw, gidiriw, júrmew

3. qonıw, toqtap ótiw

4. turıp qalıw, saqlanıw

5. toqtamg‘a keliw, juwmaqqqa keliw

6. awıs. toqtalıp ótiw, tilge alıw

7. kútiw, sabır etiw