tokcha

токча

6 ta lugʻatda uchraydi JSON Shevalarda Barcha qidiruv natijalari

Izohli lugʻat

tokcha

ot 1. Mahalliy uylarda idish-tovoq va boshqalar anjomlar qoʻyish uchun devorda kvadrat yoki boshqa shaklda ishlangan maxsus joy.

Elmurod koʻrpachaga oʻtirdi. Soʻngra yon-beriga kuz yugur-tirdi. Kichkina tokchalarga rang-barang chinni va sopol kosalar terilgan edi. — P. Tursun, Oʻqituvchi

Tokchalarga miskoʻza, samovar, qumgʻon, jom, chinni piyolalar tartib bilan terib qoʻyilibdi. — K. Yashin, Hamza

Tokchalari ganchdan ajoyib gullar bilan ishlangan katta uyda bir talay odam oʻtirgan edi. — Oybek, Navoiy

2. Umuman, vazifasi, shakli yoki boshqa biror jihati bilan tokchaga oʻxshash narsa, joy.

Tokilar ostidagi doʻkonlarning tokchalariga uyilgan harir mollar shoyi, atlas va boshqa rango-rang bazzozlik mollari bu yerga kelganlarning koʻzini oʻynatadi. — Mirmuhsin, Meʼmor

Shkaf tokchalariga terib qoʻyilgan turli ichimliklar yaqqol koʻrinib turibdi. — S. Azimov, O, Laylo

Abduvali aka deraza tokchasiga omonatgina oʻtirdi. — S. Zunnunova, Yangi direktor

Ular [kiyiklar] besh-olti gaz pastda — tokchada, ikki tomon esa tik devor. — Sh. Xolmirzayev, Bodom qishda gulladi

Kir tokcha Odatda, taxmonlar orasi, eshik yoki deraza yoniga ishlangan, boshqa tokchalarga nisbatan kichik, yuqoriga tomon uzun boʻlgan tokcha (turli mayda-chuyda narsalar qoʻyiladi). Ikki taxmon oʻrtasidagi kir tokcha tepasida choy qutisining zar qogʻozlaridan qirqib yopishtirilgan Madinaning tasviri. — S. Ahmad, Saylanma

Oʻzbekcha-turkcha izohli lugʻat

TOKCHA

Mahalliy uylarda idish-tovoq va boshqa anjomlar qoʻyish uchun devorda oʻyib ishlangan maxsus joy.RAF

Ruscha-oʻzbekcha va oʻzbekcha-ruscha lugʻat

tokcha

полка