tokcha
токчаtokcha
ot 1. Mahalliy uylarda idish-tovoq va boshqalar anjomlar qoʻyish uchun devorda kvadrat yoki boshqa shaklda ishlangan maxsus joy.
Elmurod koʻrpachaga oʻtirdi. Soʻngra yon-beriga kuz yugur-tirdi. Kichkina tokchalarga rang-barang chinni va sopol kosalar terilgan edi. — P. Tursun, Oʻqituvchi
Tokchalarga miskoʻza, samovar, qumgʻon, jom, chinni piyolalar tartib bilan terib qoʻyilibdi. — K. Yashin, Hamza
Tokchalari ganchdan ajoyib gullar bilan ishlangan katta uyda bir talay odam oʻtirgan edi. — Oybek, Navoiy
2. Umuman, vazifasi, shakli yoki boshqa biror jihati bilan tokchaga oʻxshash narsa, joy.
Tokilar ostidagi doʻkonlarning tokchalariga uyilgan harir mollar shoyi, atlas va boshqa rango-rang bazzozlik mollari bu yerga kelganlarning koʻzini oʻynatadi. — Mirmuhsin, Meʼmor
Shkaf tokchalariga terib qoʻyilgan turli ichimliklar yaqqol koʻrinib turibdi. — S. Azimov, O, Laylo
Abduvali aka deraza tokchasiga omonatgina oʻtirdi. — S. Zunnunova, Yangi direktor
Ular [kiyiklar] besh-olti gaz pastda — tokchada, ikki tomon esa tik devor. — Sh. Xolmirzayev, Bodom qishda gulladi
- Kir tokcha Odatda, taxmonlar orasi, eshik yoki deraza yoniga ishlangan, boshqa tokchalarga nisbatan kichik, yuqoriga tomon uzun boʻlgan tokcha (turli mayda-chuyda narsalar qoʻyiladi). Ikki taxmon oʻrtasidagi kir tokcha tepasida choy qutisining zar qogʻozlaridan qirqib yopishtirilgan Madinaning tasviri. — S. Ahmad, Saylanma
TOKCHA
Mahalliy uylarda idish-tovoq va boshqa anjomlar qoʻyish uchun devorda oʻyib ishlangan maxsus joy.RAF
tokcha
полка
- tokchama-tokcha, azamat xoʻja загадка «богатырь», бегающий по полкам (Мышь)
- tokchaga chiqarib qoʻymoq поставить на свое место, проучить
tokcha
n shelf, niche
TOKCHA
úylerde ıdısh-tabaq hám basqa da zatlardı qoyıw ushın diywalda kvadrat yaki basqa formada islengen arnawlı orın.
tokcha
Nische f, Alkoven m, Regal m