tashqari

ot 1. Bino, uy, hovli va shu kabilarning atrofidagi joy; tash.

Tashqariga qarang, qorongʻi, hech narsani koʻrib boʻlmaydi. — Sh. Rashidov, Boʻrondan kuchli

Darvoza ochildi, tashqaridan saman otini yetaklab, Hasanali kirdi. — A. Qodiriy, Oʻtgan kunlar

Tashqarida sevalab oʻtgan mayin yomgʻir ham tindi. — N. Aminov, Suvarak

2. etn. Tashqi hovli (hovli-joyning erkak mehmonlar va umuman erkaklar uchun xos, koʻcha darvozaga yaqin tomondagi xoli qismi; qiyos. ichkari 2.

Boyning tashqarisi-da Yoʻlchidan boshqa hech kim yoʻq. — Oybek, Tanlangan asarlar

Keng tashqari gʻarbga choʻzilgan boʻlib, darvozadan kirgan kishiga u kaftday koʻrinib turardi. — M. Ismoiliy, Fargʻona tong otguncha

Tashqari hovlidagi naqshli mehmonxonaning birida qat-qat koʻrpachalarda Mirzakarimboy oʻtirar edi. — Oybek, Tanlangan asarlar

3. sft. Tashqi tomondagi, tashqi, sirtqi.

Tashqari darvoza.

4. (ch.k. bilan) koʻm. vzf. Boshqa, boʻlak.

Bundan tashqari. Undan tashqari.

Bu yil hosil miqdoridan tashqari, tola sifatiga ham alohida eʼtibor beriladi. — Gazetadan

Aʼzam koʻrinib turgan husni, barvastaligidan tashqari, oʻz ichki fazilatlarini ham ochib tashladi. — Shuhrat, Jannat qidirganlar

Uning gapidan Bashorat ishchilarning ishdan tashqari vaqtda ham ishlashga ahd qilishganini angladi. — A. Muxtor, Opa-singillar

Bino, uy va sh.k.ning atrofidagi joy.DIŞARI, HARİÇ

1. внешняя, наружная часть

kunduzi tashqari, kechasi ichkari загадка днём наружу, ночью вовнутрь (Дверь, калитка)

tashqari sovuq во дворе холодно

tashqariiga chiqmoq выйти во двор

2. вне, за (пределами)

3. ист. ташкары (наружный двор в узбекском доме; ср. также ichkari 2)

n outside, outward, external, outer

1. sırt, tısqarı

2. sırtqı

3. basqa, bólek

präp. außer D.

adv. außen