табиий

tabiiy

9 та луғатда учрайди ЖСОН Шеваларда Барча қидирув натижалари

Изоҳли луғат

табиий

сфт. 1. зид. Табиатнинг ўзида мавжуд бўлган, инсон таъсири бўлмаган; сунъий.

Табиий бойликлар. Табиий шароит. Табиий газ.

Туз табиий конлардан ва шўр сувлардан олиниши маълум. — Фан ва турмуш

Унинг фикрича, сунъий шохлатилган ғўзанинг юзта сунъий кўсагидан кўра шохлатилмаган ғўзанинг ўнта табиий кўсаги афзалроқ — оғир ва пахтасининг толаси узун бўлиши керак эди. — А. Қаҳҳор, Қўшчинор чироқлари

Иссиқкўл соҳилларини табиий шифобахш маскан, дея бежиз айтишмайди. — Газетадан

2. Табиатнинг ўз асл ҳолати, қонун-қоидалари билан боғлиқ бўлган, боғлиқ ҳолда юз берадиган.

Табиий танланиш. Табиий ўзгаришлар.

Бобурнома ни варақлар экансиз, ўрни-ўрни билан табиат манзаралари чизилган лавҳаларга, табиий ҳодисалар тасвирига дуч келасиз. — Фан ва турмуш

Бу табиий офат [эр қимирлаши) кишиларнинг иродаси мустаҳкам, бир-бирига мададкор эканлигини яна бир бор исботлади. — Газетадан

3. Аслида (яратилишида) бор бўлган, туғма.

Лабидаги табиий холи ўзига ярашган.

Табиий ҳолати бузилмаган тупроқнинг унумдорлиги тупроқнинг табиий унумдорлиги деб аталади. — Фан ва турмуш

4. кесим взф. Одатга, мантиққа тўғри (келадиган), бўладиган ҳол.

Янги йил арафаси-да ҳар бир қалбда энг дилбар орзулар ошиб-тошади, бу — табиий. — Саодат

Катта иш бажараётганда, одам майда-чуйда камчиликларга ёʻл қўйиши табиий. — Ф. Мусажонов, Ҳиммат

Киши оғир дамларда қадрдон дўстларини ёдга олар экан, юртини қўмсаши табиий. — Назармат, Жўрлар баланд сайрайди

5. мод. с. Албатта, ўз-ўзидан, шубҳасиз, аниқ.

Табиий, Хушрўйнинг феълини яхши билган ота-она унинг раъйини олмасдан туриб, бир иш қилмоқдан қўрқардилар. — А. Қодирий, Ўтган кунлар

Сўзамол, бадавлат қари тоғанинг бирдан кўз юмиб, сукутга ботишининг сабабини, табиий, Ёʻлчи тушунмади. — Ойбек, Танланган асарлар

Кеч. Табиий, бу чоғ кишилар ором оғушида. — Н. Сафаров, Оловли излар

Табиий фанлар Нега ўрта асрларда табиий фанлар жаҳонни ҳайратга соларли даражада тараққий этиб, Беруний, Хоразмий, Ибн Сино каби алломалар етишиб чиқди? — С. Кароматов, Олтин қум

Ўзбекча-туркча изоҳли луғат

ТАБИИЙ

1. Кишининг асл табиатига хос, ясама бўлмаган; чин.DOĞAL, TABİİ

2. Ўз-ўзидан келиб чиқадиган, мантиққа, ақлга тўғри.

Русча-ўзбекча ва ўзбекча-русча луғат

табиий

1. природный, натуральный, естественный, нормальный

2. стихийный

3. геогр. физический

Инглизча-ўзбекча, ўзбекча-инглизча луғат

табиий

а natural