soat

ot 1. Sutkaning yigirma toʻrtdan bir ulushiga teng vaqt va shu muddatni koʻrsatuvchi vaqt oʻlchovi.

Bir soat — oltmish minut. Oradan uch soat oʻtdi.

Otabek Margʻilonga har nimadir bir soat ilgariroq yetish uchun oshiqar edi. — A. Qodiriy, Oʻtgan kunlar

Ellik qadamcha yoʻlni, nazarimda, bir soatda bosganday boʻldim. — S. Siyoyev, Yorugʻlik

2. Tush paytidan yoki yarim kechadan bosh-lab shu oʻlchovda hisoblanadigan vaqt oraligʻi; payt.

Qutidor, odatiga qarshi, bozordan kunduz soat uchlarda qaytib keldi-da, Otabekni soʻradi — A. Qodiriy, Oʻtgan kunlar

Majlis roppa-rosa soat birda boshlandi. — Oʻ. Hoshimov, Qalbingga quloq sol

[Hasanali] Uxlamay kutib oʻtirdi. Ammo [Otabek] tungi soat oʻn bir boʻlsa ham kelmas, oʻn ikkida ham daraksiz edi. — A. Qodiriy, Oʻtgan kunlar

Solih ish vaqti tugashiga ikki soat qolganda narsalarini yigʻishtirdi. — O. Moʻminov, Xiyobondagi uch uchrashuv

3. Vaqtni sutka davomida shu oʻlchovda oʻlchaydigan asbob.

Oltin soat. Choʻntak soat. Devor(iy) soat.

Charm kamzulli yigit yon choʻntagidan zanjirli soatini oldi, qopqogʻini qirs etkizib ochdi. S. — Siyoyev, Yorugʻlik

Vrach Mamlakatning tomir urishini soatiga qarab oʻlchadi. Oʻ. — Usmonov, Sirli sohil

4. Oʻquv mashgʻuloti uchun belgilangan 40 minutli yoki 45 minutli vaqt, dars.

Oʻzbek tili uchun haftada toʻrt soat ajratilgan.

Bir oʻquvchining bir soat dars qoldirishi ham uning bilimiga taʼsir qiladi. — Gazetadan

5. Umuman, vaqt, fursat, payt, on.

Tole soatini kutmoqdan oʻzga ilojimiz yoʻq [dedi podshoh Navoiyga]. — Oybek, Navoiy

Bu kungi kech Otabek bilan Homidning qaysi birlarining soʻng soatlari yetganligi shu qorongʻi tun kabi qorongʻi edi. — A. Qodiriy, Oʻtgan kunlar

Meʼmor boʻlsa ikki shogirdning sap quyushqondan chiqib, taltayishayotganidan ensasi qotib kelardi: koni shundoq yaxshi soatlarda uning yonida oʻgʻli Nizomiddin ham boʻlsa! — Mirmuhsin, Meʼmor

6. Maʼlum maqsad uchun belgilangan, xos vaqt.

Qabul soatlari. Ish soati.

Oʻrdaga aloqasi boʻlmagan kishilar bogʻga kirolmaslar, faqat haftada bir kun koʻngil ochish soatlarida, baʼzi mustasno zotlar uchun bogʻning yoʻli ochiq boʻlar edi. — A. Qodiriy, Mehrobdan chayon

7. Soat (erkaklar ismi).

Sutkaning yigirma toʻrtdan bir ulushiga teng vaqt va shu muddatni koʻrsatuvchi vaqt oʻlchovi.SAAT

1. час; время

soat necha? который час?

2. часы

qoʻl soat ручные часы

n 1. watch (qo‘l cho‘ntak soat), clock (stol ustida turadigan yoki osma soat)

2. hour (vaqt ma'nosida)

• ikki soat mobaynida during two hours

soat olti it is six o'clock

soat necha boʻldi? what time is it?

1. saat

2. waqıt, payıt, mezgil

3. sabaq (40 yamasa 45 minutlıq sabaq)

Uhr f

• qoʻl soati Armbanduhr f
• devor soati Wanduhr f

hour, time