shovqin

шовқин

10 ta lugʻatda uchraydi JSON Shevalarda Barcha qidiruv natijalari

Izohli lugʻat

shovqin

ot 1. Qattiq gap-soʻzdan eshitiladigan, shuningdek, turli harakat, hodisalar tufayli yuzaga kelib, qoʻshilib ketadigan tovushlar.

— Oqlaymiz! Oqlaymiz! — choyxonani ishchilarning shovqini bosib ketdi. — I. Rahim, Chin muhabbat

Arkda jang toʻxtaydi. Ammo orqada hamon shovqin. Uygʻun va I. — Sulton, Alisher Navoiy

Namoz asrga yaqin kuyov olomon bilan keldi. Toʻrt karnay, olti surnayning shovqini koʻkni tutdi. — Oybek, Tanlangan asarlar

Unda-bunda sayyor attorlarning ip ketdi kabi qichqiriqlari shahar shovqiniga madad berib turadi. — M. Ismoiliy, Fargʻona tong otguncha.

Chor atrof sayilchilarning gʻovur-gʻuvuri, tramvay-trolleybuslarning shovqini bilan toʻlib toshgan. — Oʻ. Hoshimov, Qalbingga quloq sol

2. Baland ovoz bilan boʻlayotgan janjal, toʻpolon; shovqin-suron.

— Hay, bu nima shov-qin? — kampir koʻcha tomonga quloq soldi. — Oybek, Tanlangan asarlar

Mavlono Fazliddin shovqin kelayotgan tomonga quloq solib turib, qoʻrqib ketdi. — P. Qodirov, Yulduzli tunlar

3. tib. Odam organizmiga salbiy taʼsir etadigan va uning ishlashiga, dam olishiga xalaqit beradigan begona tovushlar majmui.

4. tlsh. Ogʻiz boʻshligʻida un ishtirokisiz hosil boʻladigan tovush.

Faqat shovqindan hosil boʻlgan k, p, s, t, f, sh, ch, q, x, s, h tovushlari jarangsiz undosh tovushlardir. — Oʻzbek tili darsligi

Shovqin koʻtarmoq 2. Biror xabarni keng yoymoq, bu haq-da jar solmoq. — Yolgʻon, tuhmat! — deb boshqa dehqonlar ham shovqin koʻtardilar. — S. Ayniy, Qullar;Nega matbuot shovqin koʻtarmaydi. — A. Qaxhor, Sarob
Shovqin solmoq 2. Qattiq (guvullagan, shovullagan va shu kabilar) tovush chiqarmoq. Faqat ichkaridan mastlarning qiyqiriqlari, allakimning boʻgʻiq alyori eshitiladi; ashula, qichqiriq aralash yana allakim shovqin solib soʻkinadi. — H. Gʻulom, MashʼalShovqin solib soy oqar Qorabogʻ qishlogʻidan. — X. SalohBu tinchlikni faqat Oqsoygina buzadi kech kirganda, goʻyo ataylab qattiqroq shovqin solardi. — S. Anorboyev, Oqsoy
Shovqin qilmoq Birovga qarata qattiq ovoz bilan, baqirib gapirmoq. Bittang gapir!Bit-tang! Hammang baravar shovqin qilasan, gap uqib boʻladimi? — Choʻlpon, Kecha va kunduz

Oʻzbekcha-turkcha izohli lugʻat

SHOVQIN

Kuchli ovoz va tovushlar.GÜRÜLTÜ

Axborot-kommunikatsiya texnologiyalari izohli lugʻati

shovqin

1. телеком. Liniyada signallarning butligiga xalal beruvchi toʻsiq. Shovqin turli manbalardan chiqishi mumkin, shu jumladan, radiotoʻlqinlar, yaqinda joylashgan elektr simlari, chiroqlar va sifatsiz ulanishlar. Optik tolali kabellarning metall kabellarga nisbatan afzalligi shundaki, ular shovqin taʼsiriga kamroq moyildir.inglizchanoiseruschaшум

2. Signalni yoki xabarni sof uzatishga toʻsqinlik qiladigan hamma narsa. Masalan, onlayn forumdagi shovqin, forum mavzusiga aloqasi boʻlmagan koʻp sonli xabarlar mavjudligini bildiradi.

Transport terminlarining izohli lugʻati

Shovqin

Signal qabul qilishga xalaqit qiluvchi, turli xil fizik xarakterdagi betartib akustik tebranish

Elektron texnika va radioelektronika lugʻati

Shovqin

Har qanday fizik tabiatli kattalikning xaotik tashkil etuvchisi (fluktuatsiya).ruschaшум, Хаотические составляющие величины любой физической природы (флуктуации).inglizchanoise