shibbalamoq

fl. 1. Shibba yoki boshqa narsa bilan urib, bosib, tuproqni zichlamoq, tigʻizlamoq. Poydevor oʻrnini shibbalamoq.

[Lutfulla] Suvdan chiqib, har ikkala qirgʻoqdan quruq tuproq qazib, loy ustiga tashlab, oyogʻi va ketmon orqasi bilan shibbalab, suv koʻtarib keta olmaydigan darajada mustahkamladi. — S. Ayniy, Esdaliklar

Ot-arava, mashina yuraverib shibbalab yuborgan tekis yoʻldan sal yurganimizdan keyin, orqamizdan sotuvchi yigit halloslab yetib keldi. — S. Ahmad, Choʻl burguti

Boʻyradek joyni tanladi. Uni kaftdek tekislab, shibbaladi. — S. Karomatov, Soʻnggi barham

2. Bosib, tiqib zichlamoq, tigʻizlamoq.

Somonni qanorga shibbalamoq.

— Choʻrtkesar boʻlsa, yotigʻi bilan tushuntiring-da, — dedi qanorning ichiga tushib, paxta shibbalayotgan zveno boshligʻi. — A. Hayitmetov, Poʻlat barmoqlar

Ochiq usulda bostirila-yotgan silos maydoniga koʻkpoya ortgan avtomashinalar ketma-ket kelib turibdi, traktor va buldozerlar silosni shibbalamoqda. — Gazetadan

1. Shibba yoki boshqa narsa bilan urib, bosib tuproqni zichlamoq, tigʻizlamoq.DÜZLEMEK

2. Bosib zichlamoq.

уплотнять, трамбовать, утрамбовывать.

v tamp, rivet, compress the earth

stampfen vt, rammen