sepmoq
сепмоқsepmoq
fl. 1. Sochmoq, purkamoq, sachratmoq (suyuqliklar haqida).
Har oqshom ayasi hovliga koʻloblatib suv separdi. Keyin rayhon isi bilan oʻtkir tuproq hidi butun hovlini tutib ketardi. — Oʻ. Hoshimov, Qalbingga quloq sol
Usta vishillatib atir sepgach, mijozining yuzini yelpib, soʻng artib qoʻyadi. — E. Raimov, Ajab qishloq
2. Bir tekisda sochmoq (kukun holidagi narsalar haqida).
Chuchvaraga murch sepmoq. Goʻshtga tuz sepmoq.
Xolnisa yoziq xamirga bir oz urvoq sepdi-da, oʻqlogʻini aylantirib, yana yoyishda davom etdi. — S. Nurov, Narvon
Bu odam shoshmasdan tuxumni archidi, hafsala bilan tuz sepib, ogʻziga soldi — A. Qahhor, Asarlar
3. q.x. Bir tekisda tarqatib sochmoq; ekmoq (don-dun, urugʻ, oʻgʻit va shu kabilar haqida).
Mehnat qilmay rohat koʻrmas, urugʻ sepmay ekin oʻrmas. — Maqol
— Hoy chol, manavi yer oʻlgur shunday yotmasin Ozgina sabzi urugʻi sepib qoʻysangiz-chi? — dedi Toʻxtabuvi. — E. Raimov, Ajab qishloq
4. koʻchma Tarqatmoq, sochmoq.
Yogʻdu sepmoq.
Kechaning oltin chechaklari ogʻochlar orasidan nur sepadi. — Uygʻun, Asarlar
Keng, tekis koʻchaga uzoqdan chiroqlar tuman ichida xira, sovuq nur sepadi. — Oybek, Tanlangan asarlar
- Suv sepganday (yoki quyganday) Jim, jimjit. Hamma yoq suv sepganday.Suv sepganday jimjit. Onda-sonda poliz atrofidan bedananing shirali ovozi keladi. — I. Rahim, Chin muhabbat
- Suv sepmoq 1. Yuragi oʻrtangan gʻamli, alamli kimsaga bir oz taskin-tasalli bermoq, dardini yumshatmoq; sovitmoq. Gapga xotima bermay, boshqa taraflardan ham kamchiliklar topib, asosli suratda qutidorning Otabekka tomon haroratlanayozgan yuragiga suv sepmoqchi boʻldi. — A. Qodiriy, Oʻtgan kunlarJiringlagan telefon alanga ola boshlagan munozara oloviga suv sepdi. — GazetadanBirinchi muhabbat alangasiga suv sepgan beburd, yolgʻonchi qizni [Haydar] shu tobda achchiq, alamli soʻzlar bilan chaqib olgisi kelardi. — S. Ahmad, Oydin kechalar
- Yarasiga tuz sepmoq Gap yoki xatti-harakat bilan dardini kuchaytirmoq. Bolam, shu mushtipar, shu baxtsiz onangning yarasiga tuz sepmasang, yurak-bagʻrini qon qilmasang, dadang keltirgan xabarni aytaman. — Oybek, Tanlangan asarlar
- Urugʻini sepmoq Biror jarayonning avj olishi, keng yoyilishi uchun harakat qilmoq. Yaxshilik urugʻini sepmoq.Nizomulmuluk fitna urugʻini uzoqni moʻljallab, juda maxfiy sepmoqda. — Oybek, Navoiy
- Oʻtga (yoki olovga) kerosin sepmoq Gap yoki biror ish-harakat bilan kimsaning alamiga alam qoʻshmoq; kayfiyatini battar buzmoq. Qodirqul turqini buzmay, yana Hasan akaning oʻtiga kerosin sepdi. — A. Muhiddin, Inson qalbi otash
SEPMOQ
Suyuqlikni kukunlatib, maydalab yoki yoyib biror narsa betiga urmoq.SEPMEK SERPMEK, SAÇMAK
sepmoq
1. брызгать, плескать, поливать
koʻchaga suv sepmoq поливать улицу
2. сеять, высевать
don sepmoq высевать зёрна
3. сыпать, посыпать
qushlarga don sepmoq насыпать зерна птицам
- yaraga tuz sepmoq сыпать соль на рану
- dardga suv sepmoq (букв. залить горе водой) 1) успокаивать; 2) успокаиваться, забывать о горестях.
sepmoq
v 1. splash, sprinkle, spatter (urug')
2. sow, drill
SEPMOQ
sebiw, sewiw, shashıw, búrkiw
sepmoq
bespritzen vt
sepmoq
Бсиз ҚК + устига Бсиз ТК русскийпосыпать ТП ВПанглийскийto power smth. with smth.немецкийstreuen A auf A
Mening opam pirog ustiga (nimaga?) shakar (nima?) sepdi.
Моя сестра посыпала сахаром (чем?) пирог (что?).
My sister has powered the cake (what?) with sugar (what with?).
Meine Schwester streute Zucker (was?) auf den Kuchen (worauf?).