қўриқ

от 1. кам қўлл. Ҳимоя, мудофаа, сақлаш.

Башарти, қотил мен бўлиб кўринганимда ҳам, молим ва жоним қўриғида ўғриларни ўлдирганлигим учун яна гуноҳкор бўлмас эдим. — А. Қодирий, Ўтган кунлар

2. Соқчилар турадиган ва улар ҳимояси-да қўриқлаб, сақлаб туриладиган жой.

Кўкча қўрғонлари қўриғида анови қўрғонларникидек мудофаалар кўп бўлмаса ҳам, ёʻқ эмас эдилар. — А. Қодирий, Ўтган кунлар

3. Экин ёки дарахт экилган, шунинг учун ҳам қўриқлаб туриладиган ер майдони; экинзор, боғ ва шу кабилар

Сув талашган бўлсак, сиз ҳам, мен ҳам ўз қўриғимиз учун эмас, колхоз, халқ манфаати учун талашдик. — Ойбек, Олтин водийдан шабадалар

4. Илгари ёки қачонлардир экин экилган, кейинча экилмай ташлаб қўйилган ер.

Қорабулоқда бекор ётган эгасиз, қақраб ётган кўриклар кўп. — М. Исмоилий, Фарғона тонг отгунча

Не-не умидлар билан олинган ер, болалар ёш ва Анзират холанинг ўзи дардчил бўлгани учун, экувсиз қолиб, қўриққа қўшилиб кетди. — А. Қаҳҳор, Қўшчинор чироқлари

Ёшлигимни қўмсаб, китоб очгандай, Минг йиллик кўрикнинг бағрин очаман. — С. Акбарий

5. Ҳали ишланмаган, деҳқончилик қилинмаган, аммо экишга яроқли жойлар; бўз ер.

Қўриқ ва бўз ерларни ўзлаштириш.

Кўкламда она-бола тоғ этагидаги қўриқликка чиқиб, белкурак билан ер ағдариб, лалми буғдой экишди. — П. Қодиров, Уч илдиз

6. шв. Ҳалқа қилинган арқон.

Шериги кўлига кўрик олади, Қўриқлигин Ойчинор не билади. — Ойсулув