qiyiq
қийиқqiyiq I
ot 1. Mato, qogʻoz va shu kabilardan odatda uchburchak shaklda qiyib olingan parcha yoki ortib qolgan qiyindi, qiyqim.
Qogʻoz qiyiqlari.
Deraza oynalariga turli shaklda qiyiq qogʻozlar yopishtirilgan. — Oybek, Quyosh qoraymas
2. Bir tomoni baland, bir tomoni past; qiya, qiygʻoch, qiyshiq.
Yigʻilgan pullarni yaktagining qiyiq choʻntagiga solib, xayrlashib joʻnadi. — H. Nuʼmon va A. Shorahmedov, Ota
[Kumush] Ayvon ustuniga suyangach, qora qiyiq qoshlarini chimirib, koʻcha yoʻlak tomonga qaradi. — A. Qodiriy, Oʻtgan kunlar
3. Qisiq yoki suzuk; qisilgan yoki suzilgan, qiygʻoch (koʻz haqida).
Chorbogʻning qoq oʻrtasiga qurilgan baland shiypon zinalaridan oʻrta yoshli, miqtidan kelgan, qiyiq koʻzli bir kishi tushib kelayotgan edi. — M. Osim, Oʻtror
4. koʻchma Gapga koʻnmaydigan, tutgan yerini kesadigan; oʻjar, qaysar.
Qiyiq bola.
Mulla Ikrom qiyiq odam boʻlganidanmi yoki kasbi shuni lozim koʻrganidanmi, murosaga unamadi. — Oybek, Tanlangan asarlar
Qiyigʻimni bogʻlamadi — qiyiq ekan, Boqsam — koʻzi shoʻx-u qoshi quyuq ekan. — T. Toʻla.
5. koʻchma Kamchilik, nuqson, xato.
Agapovning seni mensimay piching qilib, gapingdan qiyiq topib oʻtirishi bejiz boʻlmasa kerak. — I. Rahim, Ixlos
Uning har bir ishidan qiyiq topishga urinar edi. — R. Azizxoʻjayev, Yashil chayla
- Qiyiq gap Boʻlmagʻur, teskari, qingʻir gap. Garchi koʻngliga qiyiq gap kelmagan boʻlsa hamki, shunday yosh juvonda oʻqish oʻzi uchun gʻayritabiiydek koʻrinar edi. — M. Ismoiliy, Fargʻona tong otguncha
- Qildan qiyiq axtarmoq (yoki topmoq) Toʻgʻri gapdan, ishdan xatolik izlamoq; yoʻq joydan kamchilik topishga harakat qilmoq yoki topmoq. Har qaysimiz bitta odamcha oʻlib-tirilayotgan boʻlsag-u, qildan qiyiq axtarib, zvenomizni toshbaqa qilib, gazetaga chiqarishsa. — H. Nuʼmon, Fasllar
qiyiq II
ot Odatda belga bogʻlash uchun atrofiga gul tikilgan toʻrtburchak mato; belbogʻ, qiyiqcha.
Las qiyiq. Shohi qiyiq.
[Gʻozi] Qishda beqasam toʻn ustidan shohi qiyiq bogʻlar, yozda esa pilta yoqali oq yaktakni belbogʻsiz kiyardi. — I. Rahim, Ixlos
Xadicha xola, bundan yaqin olti oy burun kelganida, bir qiyiq behi olib keldi. — A. Qahhor, Qoʻshchinor chiroqlari
QIYIQ
1. Mato, qogʻoz va sh.k.dan odatda uchburchak shaklida qiyib olingan parcha yoki ortib qolgan qiyqim.PARÇA
2. Qisiq, suzuk.
QÏYÏQ
узбекскийqiyshiq, oʻzini olib qochishрусскийуклониться
Tapïndï qïyïqča tapïy qïlmadi U xizmat qildi, ishdan boʻyin tovlamadi – Он служил как следует, службу исполнял, не уклоняясь – He served properly, he executed the service without dodging
qiyiq
1. срезанный, разрезанный
2. кривой, искривлённый
- qildan qiyiq
QIYIQ
1. qıyıq, qıyqım, qıyındı
2. qıyısq
3. qısıq (kóz haqqında)
6. belbew