qarama-qarshi

rvsh. 1. Bir-biriga toʻgʻri kelmaydigan, xilof, biri ikkinchisini inkor etadigan, bir-biriga zid, xilof.

Qarama-qarshi fikrlar. Qarama-qarshi talablar.

Gʻulomjon shu xil qarama-qarshi oʻylar bilan etini yeb, uzoq oʻtirdi. Ketay desa, ilinj qoʻymaydi, ketmay desa — oʻkinch. — M. Ismoiliy, Fargʻona tong otguncha

Ammo har gal ekspeditsiyalar bir-biriga qarama-qarshi, chalkash axborotlar qoldirishgan. — S. Karomatov, Oltin qum

2. Maqsad, mavqe va shu kabilar jihatdan oʻzaro teskari, qarshi holatda boʻlgan; muxolif.

Qarama-qarshi kuchlar.

3. Biri ikkinchisining roʻparasida boʻlgan, bir-biriga qarab turgan, roʻbaroʻ.

Qarama-qarshi binolar. Qarama-qarshi joylashtirmoq

4. Biri ikkinchisiga qarshi yoʻnalgan, qarshi yoʻnalishdagi.

Qarama-qarshi shamol.

Odamlar hamon keti uzilmay, bir qismi xiyobon tomon, boshqa qismi qarama-qarshi tomonga oshiqardi. — S. Karomatov, Oltin qum

Yoʻlning chetidan katta soy oqib yotardi. U yoʻlga qarama-qarshi oqardi. — K. Yashin, Hamza

Bir-biriga toʻgʻri kelmaydigan, xilof, zid.KARŞI, ZIT

противоположный, противоречивый.

prep. opposing, facing each other

qarama-qarsı, dusma-dus

dawider, zuwider, entgegen, gegen, kontra

counterweight, opposite, contrary, opposed, opposing, contradictory, inconsistent

русскийпротивоположный, противоречивыйанглийскийoppositeфранцузскийopposé, à la rencontre de, contraireарабскийمُوَاجِهٌ, مُقَابِلٌ, مُتَبَايِنٌ