poy

пой

встречается в 3 словарях JSON В диалектах Все результаты поиска

poy

ot 1. esk. kt. ayn. Oyoq 1.

Pirnazar polvon qiziga bir elandi-yu, boshini chetga burdi. Ota yuzini ters burgach, Yorqinoy battar ezildi, endi u dadasining poyini quchoqlab yigʻladi. — R. Rahmon, Mehr koʻzda

Poyiga yiqilib: — Momo-qiz, men senga nima yomonlik qilib edim, — deyman. — T. Murod, Yulduzlar mangu yonadi

2. (egalik va oʻ.-n. k. affiksi bilan) Birovning ixtiyorida, qoʻlida yoki oyogʻi ostida.

Lekin aslo qilma armon, Armon qilma, gul jamol, Poyingdadir yorugʻ jahon, Keng jahonga nazar sol. — H. Sharipov.

3. Biror narsaning quyi qismi, tagi, etagi.

Ulugʻ shoir haykali poyiga mehr-muhabbat va chuqur ehtirom ramzi sifatida gullar qoʻyilmoqda. — Gazetadan

Faqat daryo labi gezarib, Yopib yotar togʻning poyini. — U. Qoʻchqor, Hayajonga koʻmilgan dunyo

Sahna-yu minbar poyida ijod ahli bilan uchrashuvga talpinib kelgan kishilar — Gazetadan

4. Juft holda ishlatiladigan narsaning har biri, bir toqasi (asosan poyabzal haqida, odatda bir soʻzi bilan ishlatiladi).

[Bir] poyi yoʻq etik. Mahsining bir poyi.

Uning bir poy paytavasi osilib, yurishga xalaqit berardi. — S. Karomatov, Oltin qum

Ochil Sharopov oʻgirilib, poygakdagi poyabzallar ichidan bir poy kavushni olib koʻrsatdi. — Sh. Xolmirzayev, Soʻnmas oʻt

Nozima dahlizda yotgan bir poy tuflisiga koʻzi tushdi. — Yoshlik

Poyi piyoda Yayov yurib; yayov, ot-ulovsiz. Mashhur hofiz va mashhur oʻyinchi chol oʻn kilometr masofadagi Urganchgacha poyi piyoda yoʻl oladilar. — M. Qoʻshjonov, DiydorShopur bu shahardan chiqib, poyi piyoda kallasi oqqan yoqqa ketib borayotib edi. — Bahrom va GulandomUlar koʻchaga chiqib, uy oldidagi uzun yoʻlakdan poyi piyoda odimlasha boshlashdi. — O. Muxtor, Egilgan bosh
Xoki poy Oyoq ostidagi tuproq. Narzining iziga tushgim kelaverdi. Uning xoki poyini topib, koʻzimga surtsam. — N. Safarov, Olovli izlarOʻgʻli borning egalidir qalʼasi, Xoki poyin surtar mendek enasi. — Erali va Sherali