пеш

pesh

3 та луғатда учрайди ЖСОН Шеваларда Барча қидирув натижалари

Изоҳли луғат

пеш И

1. Баъзи нарсаларнинг олдинга қараган томони, лаби, чети, қирғоғи.

Айвоннинг пеши.

— Аяжон, айёмингиз муборак! — деб совға-саломни айвоннинг пешига қўйди-да, онасига кифтини тутди. — К. Яшин, Ҳамза

У қопидан кетмонини олиб, пешини эговлай бошлади. — Шарқ юлдузи

2. Кийимнинг олд этаги, бари.

Камзулингнинг пешини боссам, гард бўлар, Ошиқлик деганинг қийин дард бўлар. — Қўшиқлар

Арғуншоҳ тиз чўкиб, подшоҳнинг этакларини юзига суртмоқчи бўлганди, Шоҳрух унинг қўлидан пешини тортиб олди. — Б. Аҳмедов, Улуғбек

Енглари шимарилган Комилжон, этагининг пешини қайириб олган Давронов энг олдинда борарди. — И. Раҳим, Ихлос

Пеш келтирмоқ Далил қилиб кўрсатмоқ, исбот сифатида фойдаланмоқ. — Агроном илми ҳам, ер ҳайдасанг — куз ҳайда, куз ҳайдамасанг — юз ҳайда, дейди, — деди халқ мақолини пеш келтириб Сотиболди ота. — Н. Сафаров, Хадича Аҳророва
Пеш қилмоқ Мақтаниб гапирмоқ, дастак қилмоқ, рўкач қилмоқ. Ўз хизматларини пеш қилмоқ.Халққа туҳмат қилманг. Сиз меҳнаткаш халққа нима каромат кўрсата қолдингизки, унга дўстлигингизни пеш қиласиз? — К. Яшин, ҲамзаКимдир пеш қилганда найзанинг кучин, Алишер қаламни кўрсатган, холос. — А. Орипов, Юртим шамоли

пеш ИИ

ф. — олдинда; ёнида,яқинида

рвш. (бирин-кетин содир бўладиган иш-ҳаракатни билдирувчи икки феъл олдида такрорланганда) Фурсат утмасдан, дарров, дарҳол, пешма-пеш.

Пеш терилган пахтани пеш топшириб турмоқ.

[Иқбол сатанг] Ҳовли саҳнини кўздан кечирди. Ҳамма ёқ чиннидек. Шунча дарахт-у, тагида битта барг кўринмайди. Пеш тушганини пеш олиб турадими дейман, — ўйлай кетди у, — қачон қарасанг, [Меҳринисонинг] ҳовлиси ёғ томса ялагудек. — Р. Файзий, Ҳазрати инсон

Эгнингиздан пеш тушган кийимни пеш ювиб турган бўлсак — С. Аҳмад, Юлдуз

Русча-ўзбекча ва ўзбекча-русча луғат

пеш