otilmoq

fl. 1. Otmoq 1, 3, 5-6, 9-12 feʼllarining majhul nisbati.

Yaqinda uchta boʻri otildi. Aytilgan soʻz — otilgan oʻq. — Maqol

Ogʻzi katta qora toʻplar Otildi maydon ichinda, Mard yigitning shirin joni Sotildi maydon ichinda. — Ravshan

2. Otmoq 3 feʼlining oʻzlik nisbati.

Shu vaqt komanda berildi: Saflan! Normat Adolatning shirmoy yuzidan oʻpdi va ona bagʻriga otildi. — I. Rahim, Chin muhabbat

Qamariddin otilib kelib, uning boʻyniga pichoq sanchdi. — Yoshlik

3. Oʻzini biror tomonga urmoq.

Yoʻlchi keskin harakat bilan qayrilib, tashqariga otildi. — Oybek, Tanlangan asarlar

4. Shiddat bilan yuqoriga koʻtarilmoq.

Qaynab chiqar neft buloqlari. Fontan boʻlib otilar tikka. Oʻ. — Mirzo

Sharillab otilib chiqayotgan artezian suviga boshini tutib turdi. — S. Ahmad, Ufq

5. koʻchma Oʻz ixtiyori bilan talabgor boʻlib chiqmoq, safarbar boʻlmoq.

U birinchi otilib chiqib, paranji tashlagan xotin.

Xalqqa erk uchun, non uchun, madaniyat uchun kurashga otilmoq kerak. — Oybek, Nur qidirib

Oʻzini biror tomonga urmoq.ATILMAK

страд. от otmoq 1. быть брошенным, броситься, рвануться, ринуться

2. выстрелить

3. быть застреленным

v 1. rush (to)

2. have (take) a shot (at), fire (a shot) (at), shoot (at)