ора
oraора
от 1. Икки нарса ёки нуқта ўртасидаги масофа.
Москва билан Тошкент ораси 3500 километр. Колоннада машиналар ораси.
Ора узоқ, қарийб бир километрча келар эди. — М. Исмоилий, Фарғона тонг отгунча
2. Нарсалар ўртасидаги жой, бўшлиқ, майдон; очиқ ёки тешик жой.
Ғўза қаторлари орасини юмшатиш.
Сени унда, мени мунда яратди. Орамизда оқар дарё яратди. — Қўшиқлар
Супаларнинг ораларига, атрофига анвои гуллар экилган. — А. Қаҳҳор, Асрор бобо
Булутлар орасидан ойнинг бир парча кумуши кўриниб қолди. — Ойбек, Танланган асарлар
3. Нарсаларнинг бир-бирига туташган жойи, ўртаси.
Этаги эшик орасига қисилиб қолди.
Саман отлиқ, қамчисини буклаб, пиёзи чакмонининг ёқаси билан гардан орасига қистирди-да, отини қистаб, деворга яқинлашди. — М. Исмоилий, Фарғона тонг отгунча
4. Нарсаларнинг ичи, ўртаси.
Беда ораси жуда иссиқ, гўё қуёшнинг бутун олови беда ичига яширингандай. — Ойбек, Танланган асарлар
5. Қатор, саф; тўда, давра.
Орамизда ҳар хил одамлар бор. Орамиздан яқин дўстимиз кетди.
Буни ҳайданг орадан, жўралар! Яна ёлғонлар ила кўп Сизни сарсон қиладир. — Ҳамза
Қўшин Тошкентга етган баъдида бизлар ташқаридан ва сизлар ичкаридан бўлиб, Мусулмонқулни орадан кўтаргаймиз. — А. Қодирий, Ўтган кунлар
6. Икки воқеа, ҳодиса ёки пайт ўртасида ўтган, ўтадиган вақт, фурсат
Меҳмонлар жўнаб, орадан сал вақт ўтмай Асрорқул келди. — А. Қаҳҳор, Асрор бобо
Орадан тўққиз йил ўтди. Булар тўрт бола кўришди. — А. Қаҳҳор, Бошсиз одам
7. Кишилар ўртасидаги ўзаро муносабат, алоқа.
Бу ҳақда энди бизнинг орамизда гап бўлмасин, ўртоқ Нурмонов. — С. Зуннунова, Олов
— Ҳалиги гаплар ёлғонми! Орада ҳеч нарса бўлган эмасми? — сўради юмшоқланиб она. — Ойбек, Танланган асарлар.
8. 3-шахс эгалик ва ўрин-пайт келишиги қўшимчалари билан кўмакчи вазифасида ишлатилади.
- Тирноқ орасидан кир қидирмоқ
- Бу (ёки шу) 1. Орада Иккала хатга ҳам тезда жавоб кела бермади. Бу орада жанглар бўлиб, Мирзаевнинг қисми — гвардиячи қисм, ўзи гвардиячи сержант бўлди. — А.Қаҳҳор, Кўк конверт;— Бу орада Ҳомид нима қилиб юрибдир, ўзига тузуккина бой киши эмасми эди? — деди Офтоб ойим. — А. Қодирий, Ўтган кунлар
- Кун ора Кун оша, икки кунда бир, орадан бир кун ўтиб. Мулла Муҳсин, шу ҳовуздан кун ора сув ўтадими ё ёʻқ? — А. Қодирий, Кичик асарлар
- Тез орада
- Яқин орада 1. Яқин вақт ичида, яқин кунлар ичида, шу кунларда. Агар яқин орада ҳаво очилмай, сурункасига ёмғир ёғиб берса, нима қиламиз? — Н. Сафаров, Хадича АҳророваЯқин орадаги обжувоз пойкўпининг зарби ерни силкитиб, тўлқин берар эди. — А. Қодирий, Ўтган кунлар
- Ора очиқ (қилмоқ) 1. Ўзаро ҳисоб-китоб тугади. [Бой Ғофирга:} Тўй баҳонасида мендан сенга ўтиб қолган арзимаган нарсалар бор. Шуларни пулга чақиб, орани очиқ қилиб қўйсак, деган эдим. — Ҳамза, Бой ила хизматчи;Сен хато қилган бўлсанг, мен ҳам хато қилдим, ора очиқ, — деди Тўлаган қистаб келаётган кулгидан лаби пирпираб. — А. Қаҳҳор, Қўшчинор чироқлари
- Орага одам (ёки киши) қўймоқ Икки томонни битиштириш, улар ўртасидаги иш ҳақида келишиш учун учинчи бир шахсни воситачи қилиб юбормоқ. Мендан ўзи хафа бўлган бўлса, орага киши қўйса ҳам бўлар эди. — А. Қодирий, Ўтган кунлар
- Орага суқилмоқ Бошқаларнинг гапига, суҳбатига ёки ишига аралашмоқ. Дув орага суқилибди неча даллол: Барака де, барака де, сен сот, сен ол! — Ғ, Ғулом
- Орага тушмоқ (ёки кирмоқ) Ўзаро мунозара қилаётган, тортишаётган ёки уришаётган кишилар орасидаги ихтилофни бартараф қилиш учун уринмоқ. Эр-хотиннинг орасига эси кетган тушибди. — МақолЭр-хотиннинг орасига тушган киши баъзан ўша тобда, аксари кейинчалик сўкиш эшитади. — А. Қаҳҳор, Қўшчинор чироқлари
- Орада қолмоқ Маълум кишилар ўртасидаги воқеалар ёки гапдан бошқалар хабар топмаслигига аҳдлашмоқ. — Назар ака, — деди биринчи ёрдамчи босиқлик билан. — Гап орамизда қолди, деб ваъда бердингиз. — М. М. Дўст, Лолазор
- Орада (ёки орага)
- Орада(н) гап ўтди (ёки қочди) Икки томон ўртасида нохуш, бир-бирига қаттиқ тегадиган, айил ботадиган гап бўлди. Сиз пайқамабсиз Орада жиндай гап қочди. — А. Қаҳҳор, Миллатчилар
- Ораларидан қил (ҳам) ўтмайди
- Ора(ни) бузмоқ Кишилар ўртасидаги алоқани, муносабатни ёмонлаштирмоқ, ўртага адоват солмоқ, дўстни душманга айлантирмоқ. Бинойидек бош қўшиб турган икки элатнинг ораси яна бузилди-қуйди. — А. Мухтор, Қорақалпоқ қиссаси
- Ораси яқин бўлмоқ Ўзаро муносабати, алоқаси яхши бўлмоқ. Яхшибоев раисни лақаби билан айца ҳам, раиснинг ўзи заррача хафа бўлмасди, шундан билдимки, буларнинг ораси яқин. — М.М. Дўст, Лолазор
- Ора ойи Қамария йил ҳисобидаги шаввол ва зулҳижжа оралиғидаги ой; зулқаъда.
ОРА
Икки нарса ёки нуқта ўртасидаги масофа.ARA
ора
1. промежуток, расстояние, интервал
шаҳар билан қишлоқ ораси йигирма беш километр расстояние между городом и селом двадцать пять километров
2. промежуток (времени), тем временем, с тех пор, спустя
орадан икки йил ўтди с тех пор прошло два года
3. отношение, взаимоотношение
оралари яхши бўлиб қолди их взаимоотношения улучшились
4. внутрь, среди, между
ўқувчилар орасида аълочилар кўп среди учащихся много отличников
халқ орасидан чиққан қаҳрамон герой, вышедший из народа
- тез орада вскоре
- орани мустаҳкамламоқ упрочить взаимоотношение
- орага кирмоқ (тушмоқ) посредничать
- орани бузувчи склочник
- панжа орасидан қарамоқ смотреть сквозь пальцы
- ораларидан қил ўтмайди их водой не разольёшь
- ора (или оро) ёʻлда қолмоқ остаться на перепутье
- орада сўз (или гап) қочди между ними возникла размолвка; они поссорились; они обижены друг на друга
- орага тушмоқ посредничать; вмешиваться (в чьи-либо дела)
- оралари яқин они в близких отношениях; они на дружеской (на короткой) ноге
- орамиз очиқ мы в расчёте; мы квиты
ора
н interval, space
- тез орада soon
- яқин орада 1) not far from; here; 2) the other day
- орада among
- орага кирмоқ mediate
ОРА
1. ara, aralıq
2. ish, orta
3. qatar, sap, topar
4. baylanıs
ора
zwischen
орачора von Zeit zu Zeit, ab und zu