ўгирмоқ

фл. 1. Асл (турган) ҳолатидан бирор томонга қаратмоқ, бурмоқ.

Раъно юзини четга ўгириб, бошидаги рўмоли билан юзини артди, узун энтикди. — А. Қодирий, Меҳробдан чаён

У киргач, хотин бошини ўгириб қаради-да, шу қараганича кўзлари хиралашиб, секин юмилди. — А. Қаҳҳор, Олтин юлдуз

Баширжон дарҳол хотинига орқа ўгириб, бармоғини қалин лабларида ҳўллаб олиб, санашга тушди. — Н. Аминов, Суварак

2. Ўйинда: ошиқ, гугурт каби нарсаларни (бирор ҳолатда, мас, тикка туришини мўлжаллаб) думалатиб, ерга ташламоқ.

Бола ошиқ ўгирди.

3. Тўй-ҳашам ва шу кабиларда қўшиқчи, ўйин-чи бошидан пул айлантириб ташламоқ, пул қистирмоқ.

Пулдор хотинлар бир-бирларидан қолмасликка тиришиб, пул ўгирдилар. — Ойбек, Танланган асарлар

4. дин. Азиз-авлиёларга атаб боши ёки устидан пул ёки бирор буюмни айлантириб садақа қилмоқ (бирор эзгу тилакка эри-шиш учун ёки бирор бахтли ҳодиса муносабати билан).

Маҳалладаги қушноч хотин беморнинг бошидан бир қора товуқни ўгириб бир эчкини сўйиб, худойи қилишни буюрди. — М. Осим, Тилсиз гувоҳ

Офтобойим эрининг бу сўзини эшитиши билан Хўжа Баҳовуддин ёʻлига ўгириб қўйган етти танга пулини Тўйбекага бериб, дарров эшонникига жўнатди. — А. Қодирий, Ўтган кунлар

5. Таржима қилмоқ.

оригиналдаги асар лейтмотивини ифодалайдиган дўстлик, қўшиқ, рақс, висол сўз ва ибораларни қойил қилиб ўгирган. — ЎТА

Асадулла хаёлидаги ўзбекча шеърни форсийга ўгириб ёзди. — Шарқ юлдузи

1. Бирор томонга қаратмоқ, бурмоқ.ÇEVİRMEK, DÖNDÜRMEK

2. Таржима қилмоқ.ÇEVİRMEK (BİR YAZILI ESERİ)

1. umdrehen vt, (um)kehren vt, wenden vt

2. (таржима қилмоқ)übersetzen vt

поворачивать, повернуть

юзингни ўгир повернись

в turn, change

1. burıw, baǵıtın ózgertiw, basqa tárepke qaratıw, bet aldın ózgertiw

2. domalatıp jerge taslaw (oyın haqqında)

3. toylarda qosıqshı, oyınshınıń basınan pul aylandırıp taslaw, pul qıstırıw

5. awdarıw (basqa tildegi tekstti óz ana tiline yamasa jáne basqa bir tilge awdarıw)