маъно

maʼno

10 та луғатда учрайди ЖСОН Шеваларда Барча қидирув натижалари

Изоҳли луғат

маъно

а. — мазмун, тушунча, ғоя

от 2. Сўзнинг мазмун томони, сўз билан ифодаланган тушунча.

Сўзнинг тўғри маъноси. Сўзнинг кўчма маъноси.

Мен, одатим бўйича, сўзларнинг маъноларини ва номларнинг номланган нарса билан муносабатини билишга қизиққанимдан: — У қишлоқни нега Тезгузар деб атаганлар? — деб сўрадим. — С. Айний, Эсдаликлар

3. айн. Мазмун.

Гавҳар бу гапдан қўлимдан келса, ёрдамимни аямайман деган маънони уқди. — Ў. Ҳошимов, Қалбингга қулоқ сол

Унсин қошини чимириб, ялт этиб Гулнорга қаради, лекин сўнгги жумланинг маъносини, нечундир, сўрамади. — Ойбек, Танланган асарлар

4. Баъзи хатти-ҳаракат ва шу кабилардан англашиладиган нарса; ифода.

Хотин унинг ҳаракатидан ўпич бер деган маънони англади-да: — Шуни тўғри айта қолсангиз, нима бўлар экан! — деди. — А. Қаҳҳор, Майиз емаган хотин

Унинг важоҳатидан нега келдинг, деган маъно борлигини Азиза тушунди. — Ў. Ҳошимов, Қалбингга қулоқ сол

5. Бирор нарсанинг моҳияти, нима эканлиги; моҳият.

Самандаров заҳарханда қилди: — Бу қанақа мусобақа бўлди? Мусобақанинг маъносини тушунасанми ўзинг? — А. Қаҳҳор, Қўшчинор чироқлари

Демак, ирсиятнинг маъноси — оқсил синтез қилиш қобилиятининг наслдан наслга ўтишидир. — Фан ва турмуш

Бундан маъно чиқмайди Бундан фойда, натижа чиқмайди.
Маъно бермоқ Тушунмоқ, талқин қилмоқ. Замиранинг дами чиқмай қолганига Очил ўзича маъно берди. — П. Қодиров, Уч илдиз
Маъноси ёʻқ Фойдаси ёʻқ. водород билан кислородни арабчага таржима қилиб ўтиришдан маъно ёʻқ. — П. Турсун, Ўқитувчи

Ўзбекча-туркча изоҳли луғат

МАЪНО

Сўз билан ифодаланган тушунча.ANLAM, MANA

Педагогик атамалар луғати

Маъно

хоҳлаган нарса ёки ҳодисанинг ички, чуқур асоси, унинг туб мағизи, ядроси. Ҳаётда маъно инсонлар томонидан жонли билим сифатида тушунилиб ва қабул қилинганлиги сабабли чуқур илдиз отган. Бу билим ўзлаштирилиши мумкин эмас. У фақатгина инсоннинг ўзи орқали тузилиши мумкин.

Русча-ўзбекча ва ўзбекча-русча луғат

маъно

смысл, значение