kutmoq

кутмоқ

8 ta lugʻatda uchraydi JSON Shevalarda Barcha qidiruv natijalari

Izohli lugʻat

kutmoq

fl. 1. Moʻljallangan narsa yoki shaxsning paydo boʻlishini, kelishini yoki uchrashini umid qilgan, unga koʻz tikkan holda maʼlum vaqt biror joyda turmoq; poylamoq.

Samolyot kelishini kutmoq. Seni koʻp kutdim.

Yusufbek hoji sipohlardan birining qoʻltiqlashi bilan otiga minib, narida kutib turgan Hasanaliga qarab yurdi. — A. Qodiriy, Oʻtgan kunlar

Barno yoʻq ekan, bir oz kutdi, kelavermagach, oʻtirishga sabri chidamay, idoradan chiqdi. — O. Yoqubov, Er boshiga ish tushsa

2. Biror narsaning boʻlishini eʼtibor-da tutib, nimadandir oʻzini tiyib, toʻxtatib turmoq.

Avaz zaldagi pichir-pichirlar tinishini kutib, bir oz jim qoldi-da, davom etdi: — Mirzayev Charosning tirnogʻiga ham arzimaydi. — Oʻ. Hoshimov, Qalbingga quloq sol

U Vaqqos otaning taklifini kutmay, Abdubilolni ichkariga boshladi. — S. Yunusov, Kutilmagan xazina

Ahmadjon pulemyotni darhol okop boʻyiga oʻrnatdi va nemis piyoda askarlarining yaqinroq kelishini kutdi. — A. Qahhor, Oltin yulduz

3. Keluvchini hurmatlab, yoʻliga, istiqboliga chiqmoq.

Gʻulomjon hokimni kutgani bormadi. — M. Ismoiliy, Fargʻona tong otguncha

Uni hech kim kutgani chiqmadi. — S. Ahmad, Ufq

Erta bilan vokzalga keldi. Yoʻq, uni kutadigan ham, kuzatadigan ham odami yoʻq edi. Shunchaki boshi aylanib kelib qoldi. Oʻ. Hoshimov, — Qalbingga quloq sol

4. Birovning (masalan, mehmonlarning) koʻnglini olish uchun xizmatida boʻlmoq; uni ziyofat qilmoq, xursand qilish uchun unga xizmat qilmoq, koʻnglini olmoq.

Mezbon mehmonlarni yaxshi kutdi.

Pechak-guldek boʻlib, eriga chirmashganini koʻrarmiz hali, xudo koʻrsatsa; bor, oʻynab-kulib, mehmonlaringni kut! — A. Qodiriy, Oʻtgan kunlar

[Hoji, javob kutmasdan:] — Qudalaringni nima bilan kutishni boʻlsa, oʻzing bilasan: tuya soʻyib chorlaganingda ham kelmaydirgan kishilar! — dedi. — A. Qodiriy, Oʻtgan kunlar

Bizning eshigimiz doim ochiq. Shu uyga kelibmanki, mehmon kutaman. — H. Gʻulom, Feruza

5. Biror narsaning boʻlishini umid qilmoq, shunday boʻladi deb oʻylamoq; ilinjida boʻlmoq.

Yaxshilik kutmoq. Nodondan aql kutma, beburddan — nomus. — Maqol

Adovat urugʻini sepib, adolat mevasini kutma.

Kotib xatni oldi-yu, Elmurod kutgandek, oʻqib oʻtirmadi. — P. Tursun, Oʻqituvchi

Gulsum ona bunaqa gaplarni kutmagani uchunmi, sarosimaga tushib, Fyodorovnaga koʻz tashladi. — O. Yoqubov, Er boshiga ish tushsa

6. koʻchma Yoʻlida, hayot yoʻlida roʻpara boʻlmoq, istiqbolida boʻlmoq; qarshilamoq.

Darhaqiqat, bizning qarshimizga yoʻlbars chiqsa, biz qattiq qoʻrqamiz, chunki bizni oʻlim kutadir. — A. Qodiriy, Oʻtgan kunlar

dehqonlarning bu isyoni yaxshilikka olib kelmasligini, qonun, qurol sipohiylar qoʻlida ekanligini, isyonchilarni beshafqat jazo kutishini ham biladi. — S. Siyoyev, Avaz

Kutib olmoq Qarshi olmoq, qarshilamoq. Yubileyni yaxshi kutib olmoq.Darvoza oldida hazrati Alisherni qoʻlida supurgi ushlagan jikkakkina faqir bir chol kutib oldi. — N. Aminov, SuvarakChoyxonachi uni IAvazni] ayricha iltifot bilan kutib oldi. — S. Siyoyev, Yorugʻlik

Oʻzbekcha-turkcha izohli lugʻat

KUTMOQ

Poylamoq, muntazir boʻlmoq.BEKLEMEK

Ruscha-oʻzbekcha va oʻzbekcha-ruscha lugʻat

kutmoq

погов.

1. ждать, ожидать

2. принимать, ухаживать, встречать

mehmonlarni yaxshi kutmoq хорошо ухаживать за гостями
kutganga kutmoq kun uzoq для ожидающего день долог; соотв. ждать да догонять – нет хуже
kutilmagan mehmon – mezbonning izzati нежданный гость – это честь хозяину (гость приходит не только ради угощения, а желая увидеться, поговорить и оказать свое почтение хозяину)