kirmoq

fl. 1. asosan j. k. bilan Yurib yoki siljib, biror narsaning ichiga, ichki qismiga oʻtmoq, oʻzini ichkari qismga olmoq.

Uyga kirmoq. Gʻorga kirmoq.

Ahmadjon boʻsh laganni dasturxoni bilan koʻtarib, qushbegi kirgan eshikdan chiqdi. — A. Qodiriy, Oʻtgan kunlar

Bektemir tezdan oʻzini pastlikka tashladi, yugura-yugura, oʻrmonga kirdi. — Oybek, Quyosh qoraymas

Yoʻl ustidan chiqib qolgan chaqqon kaltakesaklar oʻqday otilib, kavaklarga, tosh oralariga kirib ketadi. — A. Qahhor, Maston

2. Narsaning orasiga, ichki qismiga yorib, teshib oʻtmoq, suqilmoq; sanchilmoq.

Kuliga tikan kirdi. Yer shunday qattiqki, qoziq qoqsang ham kirmaydi.

Tosh uchlangan qirrasi bilan bekning boshiga tushib, yarmigacha oʻyib kirib ketdi. — A. Qahhor, Koʻr koʻzning ochilishi

Ayamay nayzani uradi Ikki emchak oʻrtasiga, Gʻarchillab nayza kiradi. — Gulshanbogʻ

3. Ich tomonga botmoq.

Ertalabdan beri hech narsa yemagan mollarning qorinlari ich-ichiga kirgan.

Novcha, ikki lunji ichiga kirib ketgan. — S. Siyoyev, Yorugʻlik

4. Orasidan, qatoridan joy olmoq; qoʻshilmoq.

Bu maqola toʻplamning ikkinchi jildiga kirgan.

Ikkitasida Azimboyvachchaning oti yozilib, keyin oʻchirilgan, oxirgisida mutlaqo roʻyxatga kirmagan. — S. Ahmad, Hukm

Bu kasbni qoʻy, uka, sartaroshlik qil devdim, mana u ham odam qatoriga kirib oldi. — Guldasta

5. Ish, xizmat, oʻqish, jamiyat va shu kabilarga qabul qilinmoq; joylashmoq.

U dastavval institutga laborant boʻlib kirdi. Partiyaga kirmoq. Zavodga slesar boʻlib kirmoq.

Ammo biz ishga kirgan odamlarni joylarga ularning istagi bilan emas, idora ehtiyoji bilan yuboramiz. — S. Karomatov, Oltin qum

6. Sanoq son yoki baʼzan yosh soʻzi bilan birga qoʻllanib, shu son bildirgan yilcha umr koʻrganlikni bildiradi.

Otam oltmishga kirdi. Qiz oʻn yetti yoshga kirdi.

Rahmat, yuzga kir, uvali-juvali boʻl, oʻgʻlim. — Oybek, Tanlangan asarlar

7. Payt, oy, fasl bildiruvchi soʻz, soʻz birikmasi bilan qoʻllanib, shu payt yoki faslning boshlanishini bildiradi.

Yodgor, umri bino boʻlib, bahorning kirib kelishini shu qadar diqqat bilan kuzatmagan ekan. — Oʻ. Hoshimov, Qalbingga quloq sol

Kechikib kirgan qish endi kun sayin sovugʻini kuchaytira boshlagan edi. — Oybek, Tanlangan asarlar

Kech kirdi. Tovuqlar gʻira-shira qorongʻida pir-pir uchib, bostirma shipidagi qoʻnoqqa chiqa boshladi. — P. Tursun, Oʻqituvchi

Mart oʻtdi, aprel kirdi. — S. Siyoyev, Yorugʻlik

8. Ayrim otlar bilan birikib, shu ot ifodalagan narsaning paydo boʻlishi yoki vujudga kela boshlaganligini bildiradi.

Koʻchatlar mevaga kirdi. Tok hosilga kirdi. Tovuq tuxumga kirdi. Yuziga rang kirmoq.

Iyun oyining oxiri. Gʻoʻzalar ayni gulga kirgan vaqt. — N. Safarov, Uzoqni koʻzlagan qiz

Ishtahaga kirdi-yu, kulcha yuziga rang yugurdi. — K. Yashin, Hamza

9. Oʻzi birikib kelgan soʻz ifodalagan holat, xususiyat va shu kabilarni kasb etish, shunga ega boʻlishni bildiradi.

Kasal uyquga kirdi. Koʻm-koʻk osmon birpasda kulrang tusga kirdi.

Siz kelsangiz, hovlimizga oftob chiqqanday fayz kiradi. — K. Yashin, Hamza

Uy bekasi oʻzining asl ruhiga kirdi, jangchilarni qiyom va pechenye bilan mehmon qildi. — Oybek, Quyosh qoraymas

Sevgilimni chiroyli yigit qiyofasiga kirib olgan sehrgar iblis qoʻltiqlab kelayotganidan yonib ketdim. — X. Toʻxtaboyev, Shirin qovunlar mamlakati

Uning [Beruniyning] tartibsiz, joʻshqin fikrlari muntazam bir shaklga kirib, voyaga yetdi. — M. Osim, Jayxun ustida bulutlar

10. Oʻtmoq, oʻtib oʻzlashmoq.

Bu odatlar qardosh xalqlardan kirgan. Sut bilan kirgan jon bilan chiqar. — Maqol

Ruscha “kandidat”, kandidatura soʻzlarining ekvivalentlari sifatida esa tojik tilidan kirgan nomzod (hozirgi maʼnosida) soʻzi qoʻllanadi. — OʻTA

11. Ayrim soʻzlar (masalan, sezgi aʼzolarini bildiruvchi quloq, burun kabi soʻzlar) bilan qoʻllanganda, narsaning shu aʼzoga taʼsir etib, sezgi uygʻotishini bildiradi.

Gulning hidi burniga kirmoq.

Oʻylayman-u, miyaga hech narsa kirmaydi. — Guldasta

Avazning qulogʻiga uning gapi kirmas, u tarsaki yegandek, shayx Saʼdiyning shoh satriga tikilib oʻtirardi. — S. Siyoyev, Yorugʻlik

1. Yurib yoki siljib biror narsaning ichiga, ichki qismiga oʻtmoq, oʻzining ichkari qismiga olmoq.GİRMEK

2. Narsaning orasiga, ichki qismiga yurib, teshib oʻtmoq, suqulmoq.

1. eintreten vi, s, betreten vi, s, (transportga) einsteigen

Kiring! Herein!

2. (sigʻmoq)hineingehen vi, hineinpassen vi

3. (tashkilotga)eintreten vi, betreten vi

4. (oʻqishga)das Studium aufnehmen

• kuchga kirmoq in Kraft treten
• modaga kirmoq 1) in Mode kommen; 2) Mode werden

1. входить, заходить, въезжать, заезжать, поступать

2. наступать

qish kirdi наступила зима

v enter, go in, come in

1. kiriw

2. tesiw, tesip ótiw, suǵılıw

3. qosılıw

4. jumısqa kiriw, jumısqa qabıllanıw

ЖК русскийвойти в ВПанглийскийto come into smth.немецкийbetreten A

Ota oʻz oʻgʻli bilan oshxonaga (qayerga?) kirdi. Отец вошел со своим сыном в столовую (куда?).

The father came into the dining-room (where?) with his son.

Der Vater betrat mit seinem Sohn das Eßzimmer (was?).

ЖК русскийпоступать в ВПанглийскийto join to / enter smth.

Oʻrta maktabni bitirgandan keyin u universitetga (qayerga?) kirdi. После окончания средней школы он поступил в университет (куда?).

After finishing the middle school he joined / entered the university (what?).

ЖК

U yaqinda shu tashkilotga (nimaga?) kirdi.

enter, go in, come in, go, get in, join, start, march