kalit

ot 1. Qulfni ochish yoki berkitish uchun ishlatiladigan metall asbob.

Uyning kaliti. Sandiqning kaliti. Eshikning kaliti.

Mamarayim afandi Teshaboydan omborlarning kalitlarini olgandan keyin, u yerdagi mollarni yaxshilab koʻzdan kechirib chiqdi. — M. Ismoiliy, Fargʻona tong otguncha

2. Biror mexanizmni burab yurgizish, ishga tushirish uchun ishlatiladigan metall asbob.

Devor soatning kaliti. Oʻyinchoqning kaliti.

Ilhomjon tezda domkrat va kalitlarni oldi. — N. Aminov, Yolgʻonchi farishtalar

3. tex. Gayka va boltlarni burab qattiqlash yoki boʻshatish uchun ishlatiladigan uzunchoq dastali yoki dastasiz jagʻli metall asbob.

4. mus. Besh qatorli nota chizigʻining birortasiga qoʻyiladigan va shu chiziqdagi nota nomi va balandligini bildiradigan maxsus belgi.

5. maxs. Test sinovlarida berilgan test topshiriqlarining eng toʻgʻri javoblarini aks ettiruvchi jadval; toʻgʻri javoblar roʻyxati.

6. koʻchma Biror narsaga erishish yoki uni tushuntirish (anglash), topish, egallash yoʻli, vositasi, imkoniyati.

Baxt kaliti. Gʻalaba kaliti.

Magʻrur ovoz berar odam degan soʻz! Tilsimlar kaliti uning qoʻlida. — T. Toʻla.

Hayotda shunday kishilar boʻladiki, qalb kaliti ularning qoʻlida. — Yo. Shukurov, Xalq bilan hamnafas

Hosilning kaliti deb atalmish bu boylik [mineral oʻgʻit] qor, yomgʻir ostida kuchini yoʻqota boshlagan. — X. Toʻxtaboyev, Oʻgʻitdan togʻlar

Qulfni ochish va berkitish uchun ishlatiladigan metall asbob.ANAHTAR, AÇKI

Kalit oʻtkazuvchanligi yuqori boʻlganda tutashgan holatda, yoki oʻtkazuvchanlik past boʻlganda ajratilgan holatda boʻlishi mumkin boʻlgan elektr zanjirning ikki qutbli elementi.

посл. ключ

baxt sandiqda, kaliti osmonda счастье в шкатулке (сундуке), а ключ на небе.

gilt

Schlüssel m

арабскийمفتاحрусскийКлючанглийскийKey