илгари
ilgariилгари
рвш. 1. Ўтган вақтлар(да), ҳозирги вақтдан олдин; бурун.
Шаҳарда илгари кўнкани от сургар эди. — Ойбек, Танланган асарлар
Илгари жуда қулай бўлиб кўринган нарса, энди атрофлича ўйлаганда, ҳазилакам эмаслиги равшанлашди. — Ойбек, Танланган асарлар
Урганч шаҳрига илгари фақат туя карвонлари билан борилар эди. — Газетадан
2. Биринчи навбатда; олдин, аввал.
Қўрқоқ илгари мушт кўтаради. — Мақол
Аширбек илгари, Вафобек кейин, Оқлабди қирқ йигит берган тузимни. — Юсуф ва Аҳмад
3. Олдинги ўринда; олдин(да).
Кетаётир Ойпари ҳамма қиздан илгари. — Фолклор
Ҳудайчи Азизбекдан илгарироқда қўриқчиларни огоҳлантириб борар — А. Қодирий, Ўтган кунлар
4. Олға томон; илгарига, олд томонга.
Ўлган, ярадор бўлганларга қарамай, қўзғолончилар катта сурон билан илгари отилиб, тошбўронни кучайтирди. — Ойбек, Танланган асарлар
Қудрат билан Ғуломжон ҳам бир неча одим илгари юрди. — М. Исмоилий, Фарғона тонг отгунча.
Қўрғон устида ясов тортган қаҳрамонлар қўл боғлаб, икки букилгансимон таъзим билан Азизбекни илгарига ўтказа бошладилар. — А. Қодирий, Ўтган кунлар
5. кўм. взф. Нарса, ҳодисанинг ўзи боғланиб келган сўз, сўз бирикмаси билдирган вақт, хатти-ҳаракат ва шу кабилардан олдинга оидлигини (шундай муносабатни) билдиради.
Тўйдан илгари ноғора чалмоқ. Ҳаммадан илгари эшитдим.
Амирга инқиёд этишдан илгари шу тўғрида жавоб берсангиз. — А. Қодирий, Меҳробдан чаён
Бундан бир неча соат илгари қайғудан бошқа овқатни танимаган бу икки ёр энди севиниб, иштаҳа билан ея бошладилар. — Ойбек, Танланган асарлар
- Илгари босмоқ Яхши томонга ўзгармоқ, юришиб кетмоқ. Иши ўрин олди илгари босиб, Ёʻлим бўлди, деди кўнгли ўсиб. — Баҳром ва Гуландом
- Илгари куни Бугундан икки кун олдинги кун. Илгари куни кечаси чопар келгандан бошлаб кеча кечаси ҳокимнинг кўнглини олгунча ўзини қилкўприк устида сезган мингбоши, мана, эндигина эркин нафас олди. — М. Исмоилий, Фарғона тонг отгунча
- Илгари сурмоқ Янги фикр-мулоҳаза билдирмоқ, уни кун тартибига қўймоқ. Абулвафо Хуросонда таваллуд этганлар ҳисоб-у ҳандаса соҳаларида янги илмий масалаларни илгари сурдилар ва талай рисолалар яратдилар. — Мирмуҳсин, МеъморБиз илгари сураётган тахминлар фандаги илмий фаразлардек гап. — С. Кароматов, Олтин қум
ИЛГАРИ
Ўтган вақтлар(да), ҳозирги вақтдан олдин; аввал, бурун, бошда, дастлаб.ÖNCELERİ, ESKİDEN, ÖNCE, EVVEL
илгари
1. (олдин)früher, vor, eher, bevor
2. (қадимда)früher, ehemals, einst
илгари
1. раньше, прежде, вперёд
2. досрочно
- илгари бўлмаган раньше не было, небывалый
- илгари суриб қўймоқ сдвинуть (подвинуть) вперёд
- илгари ўтиб кетмоқ опередить
- вақтдан илгари преждевременно
илгари
адв 1. forward
2. in the future, henceforward
3. before, previous, former
- илгари замонда in a previous time, formerly
ИЛГАРИ
1. ilgeri, burın, ótken
2. birinshi gezekte, aldın, áweli
3. alda, aldında, aldınǵı orında
4. alǵa, aldıǵa