hisob

ot 1. Son, miqdorni belgilash uchun raqamlab atash; sanoq, sanash.

Ogʻzaki hisob. Hisobda yanglishmoq.

Yasovulboshi hisobidan yanglishmay, oʻlim kaltagini sanaydi. — S. Siyoyev, Yorugʻlik

Qirmoqdaman fashist oʻgʻrini, Hisobimda hozir yuz oʻttiz. — R. Bobojon.

Sening hisobingga toʻgʻri keladimi? Agar olgan hisobimiz toʻgʻri chiqsa, bu gal uning [Otabekning] Margʻilonga quruq qatnab yurishining yettinchi qaytasi edi. — A. Qodiriy, Oʻtgan kunlar

2. Hisobda boʻlgani; miqdor, sanoq.

Hasharda qatnashayotganlarning hisobi. Fermadagi qoʻylarning hisobi. Olarda hisobi — toʻqqiz, Berarda sanogʻi — oʻttiz. — Maqol

Rus shaharlariga borib savdo qiluvchilar Turkistonda juda oz hisobda boʻlib — A. Qodiriy, Oʻtgan kunlar

3. Kimsa yoki narsalarning mavjudligini, miqdorini belgilash roʻyxatidagi, unda qayd etiluvchi majmui; qayd etiluvchilar (etilganlar), borlar guruhi, qatori.

Inventar hisobi. Hisobga kiritmoq. Hisobdan chiqarilmoq.

Hali bu hisobga fuqarodan oʻldirilgan bechoralar kirmaydi. — A. Qodiriy, Oʻtgan kunlar

Boyagisi oʻn bittamidi? Mana shu soʻnggisini hisobga yozing — Shuhrat, Shinelli yillar

4. ayn. Hisob-kitob 5.

U [Otabek] oʻzining dushmanlarini oʻldirish uchungina Margʻilonga qatnab yurgan ekan, hisobini tugatdi-da, bedarak ketdi-qoldi. — A. Qodiriy, Oʻtgan kunlar

5. Oʻzaro kelishuv, bitimga koʻra olinadigan ulush, haq.

Margʻilondan arava minib keluvchi yollangan kishi boʻlib, Toshkentga kelishining ertasi kuni hisobini olgan edi. — A. Qodiriy, Oʻtgan kunlar

6. (asosan egalik, joʻnalish kelishigi va chiqish kelishigi qoʻshimchalari bilan) Kimsa, jamoa va boshqalar tasarrufida, uning ixtiyorida boʻlgan narsa, moddiy boylik, oziq-ovqat, pul va shu kabilar

Gapning qisqasi, oʻzga xalqlar hisobiga yashadi. — S. Karomatov, Oltin qum

Endi komandirovkaga ham oʻz hisobingizdan borib kelasizmi? — S. Nurov, Narvon

7. Koʻpchilikka yoki kimsaga qilingan, boʻlgan ishlar haqida beriladigan maʼlumot.

Keyin qoʻli bilan peshonasini siqdi-da, hisob berishga boshladi qaltiragan koʻllari bilan choʻt qoqdi. — Oybek, Tanlangan asarlar

Otni bir oz sovitdim, beda soldim, —

Qobil, birov undan: Nima qilib yuribsan? deb soʻrayotganday, hisob berdi. — H. Gʻulom, Mashʼal

Mehmonxonalardan birida Mirzakarimboy oʻz gumashtasidan hisob olar edi. — Oybek, Tanlangan asarlar

8. kam qoʻll. ayn. Hisobot.

Rahbarning yarim yillik hisobi.

Mening ikki oyogʻimni bir etikka tiqib, hisobimni qoʻyishlari mumkin. — Sh. Rashidov, Boʻrondan kuchli

9. esk. ayn. Arifmetika.

Yangi maktablar ochib, Qurʼoni karim va boshqa diniy darslar bilan birga, jugʻrofiya, tarix, hisob kabi ilmlarni ham taʼlim beraylik. — Oybek, Tanlangan asarlar

Ikkinchi darsda Zohidov degan yoshgina bir yigit hisobdan dars berdi. — P. Tursun, Oʻqituvchi

10. maxs. Hisoblash, hisoblab chiqish natijasi.

Baʼzan u uzundan-uzoq handasaviy hisoblarni qogʻozga yozib qolar, yana oʻychanlik bilan qamish qalam orqasini gʻajiy boshlardi. — Mirmuhsin, Meʼmor

11. I Biror narsa uchun toʻlanadigan pul summasi qayd etilgan hujjat.

Har bir student-qurilish otryadida iqtisod va hamkorlik shaxsiy hisoblari ochilgan. — Gazetadan

12. bux. Biror muassasa, tashkilot va shu kabilarda buxgalteriya ish-muomalasini olib borish (yuritish) uchun xizmat qiluvchi moliyaviy operatsiya, shuningdek, hujjatlar.

13. Sport oʻyinida tomonlar ochkosini belgilovchi raqamlar (raqamlarda ifodalanuvchi sonlar) nisbati.

Oʻyinda hisob tenglashdi — 2:2. Bu gal 5:2 hisobi bilan mehmonlar gʻalaba qilishdi.

14. Gap oxirida (kesim tarkibida) desa boʻlgudek, deyarli maʼnosini bildiradi.

Gaz quritadigan sakkizta nasosning hammasi montaj qilib boʻlindi hisob. — Gazetadan

Na xotin, na bola-chaqa. Dunyodan toq oʻtdik hisob. — Oybek, Tanlangan asarlar

Elchiyev Roʻziyev bilan unchalik yaqin emas, osh-qatiq boʻlgan joyi ham yoʻq hisob. — E. Aʼzam, Javob

15. Biror ish, xatti-harakatning qanoatlanarliligini, oʻrniga oʻtishini bildiradi.

Oyogʻingizga qoʻy soʻysak arziydi, Yusufjon aka. Bu hisob emas, hovliga boramiz — K. Yashin, Hamza

16. s. t. Iloj, chora; imkoniyat.

Daryodan oʻtishning hisobi bormi?

Qaytay desam — quvadi, oʻtib ketishning sira hisobi yoʻq — A. Qahhor, Qoʻshchinor chiroqlari

Dardim ichimda. Bir oldingizga borib, yuragimni yozib kelaman deyman, sira hisobini qilolmayman. — R. Fayziy, Hazrati inson

17. folk. Nima qilish, ish-faoliyat rejasi, ish olib borish yoʻli.

Bu soʻzni qiz eshitib, aqlini yitirib, hisobini yitirib, shoshib qoldi. — Murodxon

18. 3-sh. egalik va j.k. shaklida — (hisobiga) koʻm. vzf. Asos, sabab, qarashlilik kabi munosabatlarni ifodalaydi; evaziga, uchun, tufayli.

Katta mehnat hisobiga shunday natijalarga erishildi.

Bu yil uzumdan birinchi marotaba davlat hisobiga hosil yigʻib olindi. — Oʻzbekiston qoʻriqlari

Ogʻir minutlarda biz faqat soldatlarimizning mardligi va qatʼiyligi hisobiga dushmanni tutib turardik. — N. Safarov, Olovli izlar

1. Predmet hisobini sanab aniqlash, sanash.HESAP, ENVANTER

2. Kimsa yoki narsalarning mavjudligini, miqdorini belgilash uchun qilinadigan ishlar majmui.

1. счёт, подсчёт, исчисление

hisobi yoʻq нет счёта

yil hisobi летосчисление

hisob qilmoq подсчитывать

2. учёт

hisobga olmoq брать на учёт; учитывать

hisobkitob qilmoq рассчитываться, производить расчёт

3. перен. выход, способ, путь

ogʻir ahvoldan qutulish hisobini topdik нашли выход из трудного положения

5. почти, можно сказать

ishimiz bitdi hisob наша работа почти закончена

uning umri bekor oʻtdi hisob его жизнь прошла, можно сказать, напрасно

n 1. calculation

2. account

3. score

• hisobni ochmoq score a goal; score an account
• hisob bermoq account, give an account (of)

hisob necha boʻldi? what is the score?

esap, sanaq, sanaw

1. Rechnen n, Zählen n

2. bux. Konto n, Rechnung f

arithmetic, account(ing), stocktaking, calculation, bill, invoice

Счет