dogʻ

доғ

6 ta lugʻatda uchraydi JSON Shevalarda Barcha qidiruv natijalari

Izohli lugʻat

dogʻ I

ot 1. Narsalarning betidagi boshqa rangda, boshqa tusda ajralib, farqlanib turgan kichikroq joy, tabiiy belgilar.

Badandagi qizil dogʻlar. Quyosh dogʻlari. Oyda ham dogʻ bor. — Maqol

Eʼzozxon yuzini nafis dogʻlar qoplagan bu qoracha juvonni sevib yurarkan. — H. Gʻulom, Mashʼal

Tunsiz kun yoʻq, dogʻsiz lola yoʻq. — Oybek, Navoiy

Yuzdagi dogʻlarni yoʻqotish uchun betni oqartiradigan dorilar va turli xil usullar qoʻllanadi. — Saodat

2. Narsalarning boshqa biror modda, narsa tegib bulgʻangan, ifloslangan, kirlangan joyi.

Siyoh dogʻi.

Shilinib, timdalanib, qon dogʻi bilan qoplangan yuzi va yirtilgan koʻylagini koʻrganda, barchani dahshat bosdi. — P. Tursun, Oʻqituvchi

Oyimxon dogʻ bosgan dasturxonni sandalga yozib, patnisda toʻrtta singib pishgan non keltirib qoʻydi. — P. Tursun, Oʻqituvchi

Bashirjonning qora korjomasida ohak va boʻyoq dogʻlari qotib qolgan. — N. Aminov, Qahqaha

3. koʻchma Isnod keltiruvchi, yomon taassurot va taʼsir qoldiruvchi, yomon nom; isnod.

Yomondan dogʻ qoladi, yaxshidan bogʻ qoladi. — Maqol

Yaxshi bola yogʻ keltirar, Yomon bola dogʻ keltirar. — Maqol

Toza qalbda dogʻ boʻlmas. — Maqol

Sevgiga tushgan dogʻni daryo qadar koʻz yoshi toʻkish bilan tozalab boʻlarmishmi? — N. Safarov, Hayot maktabi

Qoʻrqoqlik dogʻini oʻlim ham yuvolmaydi. — A. Muxtor, Asarlar

Bu gap maktabimiz shaʼniga dogʻ. — E. Rayimov, Ajab qishloq

Yaxshi soʻz — yurak yogʻi, yomon soʻz — yurak dogʻi. — Maqol

Kiyim dogʻini yuvib ketkazsa boʻladi, lekin qalb dogʻini yuvib boʻlmaydi. — Gazetadan

5. koʻchma Gunoh, kamchilik, nuqson.

Oʻtgan yilgi dogʻimizni, albatta, bu yil yuvamiz, planni bajarmay qoʻymaymiz. Oʻzbekiston qoʻriqlari

Oʻz vijdonim oldida umrimning dogʻi yoʻq. — A. Muxtor, Asarlar

6. koʻchma Asorat, salbiy taʼsir.

Urush dogʻlarini hali yuvib tugata olmayman. — Oydin, Hikoyalar

Ohu ketsa agar, togʻi qoladi, Yara yomon bitsa, dogʻi qoladi. — Yo. Mirzo, Oʻgʻil mehri

Dogʻ tushirmoq 1. Isnod keltirmoq, badnom qilmoq, bulgʻamoq. Nomiga dogʻ tushirmoqErkak otaga, farzandlar nomiga munosib boʻlishi, ularga dogʻ tushirmasligi lozim. — GazetadanYurt shaʼniga dogʻ tushirib ketdi zangʻar. — H. Gʻulom, Mashʼal;Husniga dogʻ tushirmoq.

dogʻ II

ot Oʻta qizitilgan, qizdirib, maʼlum meʼyorga yetiltirilgan (yogʻ, moy haqida).

Dogʻ boʻlmoq. Dogʻ qilmoq.

Farida yogʻ dogʻ qildi. — Sharq yulduzi

Qoʻying-chi, sabzi toʻgʻrashni ham, yogʻ dogʻ qilishni ham bilmagandan keyin, nima ham deysiz. — Guldasta

dogʻ III

ot 1. Ogʻir musibatdan, qaygʻu-kulfatdan koʻngilda qolgan alam.

Bu charxi bemuruvvatdin koʻngul dogʻ oʻldi, dogʻ oʻldi. — Uvaysiy

Masturaning sevgisi, chidami, hijron dogʻlari uning oʻziday pok, samimiy. — O. Yoqubov, Er boshiga ish tushsa

Koʻzlari koʻr boʻlib ketmaydimi shoʻrlik ona sening dogʻingda. — I. Rahim, Chin muhabbat

Bulbul oshno boʻlar eram bogʻiga, Qursin oʻlim, kim chidaydi dogʻiga. — Ravshan

2. Armon, hasrat.

Nega eski dogʻlarni ochding, Dogʻ ustiga ogʻular sochding?. — Olimjon

Oʻzbekcha-turkcha izohli lugʻat

DOGʻ

1. Narsalarning betidagi boshqa rangda, boshqa tusda ayrilib turgan kichikroq joy.LEKE

2. Ogʻir musibatdan, qaygʻu kulfatdan koʻngilda qolgan alam.

Ruscha-oʻzbekcha va oʻzbekcha-ruscha lugʻat

dogʻ I

прям. и перен. пятно

moy dogʻi сальное пятно
nomiga dogʻ tushirmoq запятнать его имя

dogʻ II

горе, печаль, скорбь

yaxshidan bogʻ qolur, yomondan dogʻ от доброго сад останется, а от худого чад останется; соотв. худому делу - худая слава, а доброму делу - добрая память