chop
чопchopmoq I
fl. 1. 1 Biror yoʻnalishda oyoqlar bilan juda tez harakat qilmoq, yugurmoq.
Koʻpincha Azizxon smenadan chiqardi-yu, adir yoqalab Qirgʻizovulga chopardi. — S. Ahmad, Ufq
Katta tezlik bilan qiyalab chopayotgan Fozil aka duch kelgan xarsangdan hatlayotib, qoqilib tushibdilar. — M. Xidir, Qirgʻoqlar
2. Otga mingan holda uni yugurtirmoq.
Buvisi buvasi bilan yonma-yon ot chopib, dushman bilan olishgan ekan. — Oʻ. Umarbekov, Boboyongʻoq
3. Koʻpkari musobaqasida qatnashmoq, ishtirok qilmoq.
Uloq chopmoq.
Koʻpkarini chopib yotir Oʻn ikki mingcha boybachcha. — Gulshanbogʻ
4. koʻchma Biror maqsadni amalga oshirish uchun tegishli joylarga bormoq, harakat qilmoq.
— Uyoqqa chopdim, bu yoqqa chopdim, oxiri ishimni bitirdim, — dedi xola. — Gazetadan
5. Irgʻimoq, oshmoq (erkak hayvon haqida).
- Baxti (yoki omadi) chopmoq Baxti, omadi kelmoq. Oʻylab koʻrsam, ukam, baxting chopibdi. — OysuluvAyollar bobida omadim chopmagan. M. M. — Doʻst, Lolazor
- Betga (yoki yuzga) chopmoq Raʼy-andisha qilmay, qattiq, shartta gapirmoq. Bechora Zebi Qanchadan-qancha zahru zaqqum yutdi-yu, hech kimning rahmi kelmadi. Yordam qilish oʻrniga, yuziga chopdilar, noloyiq xotin, qoʻshnimizning tengi emas, dedilar. — Sh. Rashidov, Qudratli kuch
- Koʻngli chopmadi Biror xatti-harakatni amalga oshirishga yuragi betlamadi, yuragi dov bermadi.
chopmoq II
fl. 1. Tigʻli asboblar bilan zarb berib parchalamoq, yormoq, kesmoq.
Sevargul xayoli chalgʻib, tashqariga quloq soldi: onasi goʻshtkundada goʻsht chopyapti. — N. Qilichev, Chigʻiriq
[Tolibjonning qoʻshnilaridan ] Biri xodalarning poʻstlogʻini shiladi. Biri poytesha bilan toʻsin chopadi. — S. Ahmad, Jimjitlik
2. Tigʻli asboblar bilan zarb berib oʻldirmoq, kesmoq.
Yurtdan ayrilganni yov chopar. — Maqol
Odamlar gʻuj boʻlib, bir-biriga nayza sanchar, qilich bilan chopar edi. — M. Osim, Karvon yoʻllarida
3. Oʻsimlik tagi va atrofini, umuman, yerni ketmon va shu kabilar bilan ishlamoq, yumshatmoq; chopiq qilmoq.
Gʻoʻzalarni chopmoq.
Ketmon chopdim, ter toʻkdim, Arpa, bugʻdoy — don ekdim. — Q. Muhammadiy
Oyim molga qaraydi qulupnay pushtalarini chopadi, tert qoradi. Oʻ. — Hoshimov, Ikki eshik orasi