aynimoq

fl. 1. Rang-tusi, sifatini yoʻqotmoq, eskirmoq; oʻngmoq.

Aynigan eski gimnastyorkasi ham suvga chayqalganday jiqqa hoʻl. — Oybek, Oltin vodiydan shabadalar

2. Asl belgi-xususiyatini, sofligini yoʻqotmoq (nav, nasl va shu kabilar haqida).

Ilgarigi qizilurugʻ, bosvoldi qovunlar yoʻq. Hammasi aynigan. Nasl aynimasin desang, har uch yilda qoʻchqorni almashtir. — S. Ahmad, Yulduz

3. Sof (odatiy) holati yomon tomonga oʻzgarmoq.

Havo aynidi.

Zamona aynidi. — K. Yashin, Hamza

4. Isteʼmolga yaroqsiz boʻlmoq; buzilmoq (yegulik-ichkiliklar haqida).

— Yoʻq, — dedi onasi, — choy aynib qoladi, kelishgandan keyin damlarsan — Oydin, Oʻzidan koʻrsin

Tursunboy ota, echkining goʻshti aynib qolmasdan, xotiniga mushkulkushod oʻqitgani eshon ayani uyiga chaqirgandi. — S. Ahmad, Hukm

5. Toʻgʻri fikrlash, soʻzlash qobiliyatini yoʻqotmoq, shu jihatdan ahvoli ogʻirlashmoq.

Bemorning ahvoli durust edi, lekin kechga borib aynidi.

Bu aynigan cholni olib borib, zindonga solinglar. — Yusuf va Ahmad

6. Xulq-atvori, odob-axloqi jihatidan yomonlashmoq, yomon tomonga oʻzgarmoq; buzilmoq.

[Muzaffar Dadavoyga:] Vaqtida juda xursand boʻlganmiz! Siz bilan faxrlanganmiz. Ammo keyingi yillarda aynib qoldingiz, dimogʻingiz koʻtarilib ketdi, koʻzingizni yogʻ bosdi. — Uygʻun, Navbahor

7. Odob-axloq chegarasidan chiqib ketmoq, odob-axloq chegarasidan tashqari gaplarni gapira boshlamoq.

Buni qarang, yomgʻirda qolgan mushukning hidi keladi! — Aynima, aynima! — dedi yoʻgʻon bir tovush.— Yomgʻirda qolgan mushukni hidlab koʻrganmisan?A. — Qahhor, Qoʻshchinor chiroqlari

8. Fikrini, niyatini oʻzgartirmoq, niyatidan, soʻzidan qaytmoq.

— Oʻrtoq komandir tankist boʻlar emishlar,— dedi Tojixon kulib — Uchuvchi boʻlishdan aynibdilar. — A. Qahhor, Yillar

Arslonqul baʼzi ogʻaynilarini qidirmoqchi boʻldi, lekin yana aynidi. — Oybek, Navoiy

Hoji xola pulni koʻrdi-yu, yana aynib qolmasin deb, qoʻlidan yulib oldi. — M. Ismoiliy, Fargʻona tong otguncha.

9. Aloqani uzmoq, kechmoq.

Bizdan aynib, boshqa ishga oʻtib ketdi. Mijozlar aynib, kelmay qoʻyishdi.

1. Tozaligini, sofligini, asilligini yoʻqotmoq, buzilmoq.BOZULMAK

2. Odob-axloq chegarasidan chiqib ketmoq, odob-axloq chegarasidan tashqari gaplarni gapira boshlamoq.EDEPSİZLEŞMEK

1. линять, менять цвет

2. портиться, разлагаться

asil aynimas, aynisa ham chirimas (букв. драгоценность не меняется, а меняется, так не гниёт) драгоценность остаётся драгоценностью

3. раздумать, передумать

4. разочаровываться

v 1. spoil

2. change

3. become worst

4. go bad (taom haqida)

5. decay (tish haqida), rot

uning feʼli aynib turibdi he is losing his good spirits

aynıw, ózgeriw, góneriw, buzılıw, iyisleniw

verderben vi, s, faulen vi, s, (ob-havo) sich verschlechten