achchiq
аччиқachchiq
sft. 1. Taʼmi ogʻiz-tilni achitadigan, lovullatadigan.
Achchiq garmdori.
Fargʻona vodiysidan boshqa joylarga ekiladigan turp negadir achchiq taʼm, taxir mazaga ega boʻladi. — K. Mahmudov, Qiziqarli pazandalik
2. Nordon, tishni qamashtiradigan.
Achchiq (donali) anor.
Otasi achchiq olma yesa, oʻgʻlining tishi qamashadi. — Maqol
3. Sezgi aʼzolariga qattiq taʼsir qiladigan, oʻyuvchi.
Achchiq gaz. Achchiq tamaki. Achchiq hid.
Jiqqa hoʻl oʻtin yolgʻiz pirs-pirs qilib, achchiq zahar tutun buriqtiradi. — Oybek, Tanlangan asarlar
4. Jazillatadigan, jonni achitadigan.
Dalalarda kech kuzning achchiq shamoli esa boshladi. — S. Ahmad, Qadrdon dalalar
Tashqarida shamol uvullar, achchiq sovuq naq badanni kesib ketguday edi. — Gazetadan
[Sherbek] Toʻrigʻini egarladi. Oʻzini egar ustiga olar-olmas, otga achchiq qamchi bosdi. — S. Anorboyev, Oqsoy
5. koʻchma Kishiga qattiq tegadigan, koʻngilga ozor beradigan; qattiq, noxush.
Achchiq istehzo. Achchiq tanqid. Haq soʻz — achchiq soʻz. — Maqol
U hatto bu achchiq taʼnalarni eshitmaganday.. sur boʻlib turardi. — Mirmuhsin, Umid
6. koʻchma Gʻam-iztirobli; alamli.
Uning achchiq koʻz yoshlari har qanday odamga taʼsir qilmasdan qolmasdi. — Yoshlik
Cheki koʻrinmas bu soʻqmoq yoʻlovchining madorini, nainki madorini, jonini oladigan qismatday achchiq. — Saodat
7. ot Qahr, jahl; zarda.
Hozir mening achchigʻim ham qahrim bor. — Erali va Sherali
Bobongning achchigʻi qursin, yomondir. — Nurali
8. ot Qiyinchilik, mashaqqat; gʻam-gʻussa, gʻam-hasrat; azob-uqubat,
Achchiq bilan chuchukni totgan bilur, uzoq bilan yaqinni yurgan bilur. — Maqol
Bir achchiqning bir chuchugi bor. — Maqol
Turmushning achchiqlarini totib koʻrgan.. qadimgi batrak Abdurasul bu kunlarda oʻz muddaosining amalga oshayotganini his etar edi. — P. Tursun, Oʻqituvchi
- Achchiq choy Quyuq damlangan choy. ..chol mayingina kulib qoʻydi va xizmat qilayotganlarga bitta achchiq choy olib kelishni buyurdi. — Gazetadan
- Tili achchiq Kishiga qattiq tegadigan qilib gapiradigan, gap bilan uzib oladigan. Elmurodga rota komandiri yoqmadi: qalampir, tili achchiq, har gapni pisanda qilganday burab gapiradi. — Shuhrat, Shinelli yillar
- Achchigʻi burnining ustida (yoki uchida) Bekorga, sal narsaga jahli qistayveradigan odam haqida. — Ha, qizi tushmagur. Nafasini ham chiqarmaydi-ya. Achchigʻi ham burnining uchida, — dedi Murotali. — Sh. Rashidov, Boʻrondan kuchli
- Achchigʻi kelmoq (yoki chiqmoq, qistamoq) Jahli qoʻzgʻamoq. Goʻroʻgʻlining achchigʻi kelganini bilib.. Soqi oʻrnidan turdi. — Malikayi ayyorXurshid achchigʻi chiqdi, deb oʻyladi.. — N. Aminov, QahqahaAytsam, yana achchigʻingiz qistaydir. — A. Qodiriy, Oʻtgan kunlar
- Achchiq ustida Jahl qoʻzgʻagan paytda. Bas endi, achchiq ustida har kim har gapni aytadi. — Hamza
- Achchiq qilmoq Jahl qilmoq, zarda qilmoq. Bir talatoʻpni sotib olding, qattiq gapirding, deb achchiq qildi. — Malikayi ayyor
- Jon achchigʻida Jahd-alam bilan, jon-jahdi bilan. Ot jon achchigʻida old oyoqlarini devor baravar koʻtarib sapchidi. — S. Ahmad, UfqU [Ortiq] sapchib oʻrnidan turib.. jon achchigʻida mashina orqasiga aylanib oʻtib, brezentni ochib tashlab, oʻrindiqlar tagini titkilay ketdi. — M. Mansurov, Yombi
ACHCHIQ
1. Taʼmi, mazasi oʻtkir; ogʻizni achitadigan, achishtiradigan.ACI
2. Qahr, gʻazab, jahl; zarda.
achchiq
1. посл.погов. горький
achchiq oʻyin shirin turmushni buzar горькая шутка сладкую жизнь разрушает
shirin yolgʻondan achchiq haqiqat yaxshi лучше горькая правда, чем сладкая ложь
achchiqni achchiq kesadi горькое уничтожается горьким; соотв. клин клином вышибают
2. кислый
achchiq anor кислый гранат
- achchiq soʻzli едкий, сварливый
- dunyoning achchiq-chuchugini tatib koʻrgan kishi человек, видавший виды
- achchigʻini chiqarmoq дразнить
achchiq
n bitter
- achchiq haqiqat unpalatable truth
- achchiq koʻz yoshlar bitter tears
- achchiq tabassum sour smile
ACHCHIQ
ashshı
achchiq
1. bitter
achchiq haqiqat bittere Wahrheit
2. sauer
3. (tutun) ätzend, beißend