Qidiruv

fl. 1. Tizmoq 1 feʼlining majhul nisbati.

Marvarid donalari ipga tizildi. Tokchalarga tizilgan olma, anorlar.

Endi otishmalar yaqqol eshitilibgina qolmay, yon-verimizga oʻq yogʻilar, iz qoldiruvchi oʻqlar marjondek tizilib uchardi. — A. Ubaydullayev, Qonli izdan

Sahna oldiga tizilgan skameykalarni turli tashkilot va maktablardan kelgan vakillar va boshqa mehmonlar toʻldirgan. — P. Tursun, Oʻqituvchi

2. Tizmoq 2 feʼlining oʻzlik nisbati.

Soldatlar safga tizildi. Qaldirgʻochlar elektr simiga tizilib oʻtirishibdi.

Mayin esayotgan shamol uning [Saodatning] betidan marvarid donalari singari tizilib yotgan terlarni yalab ketdi. — N. Safarov, Saodatning qissasi

Yoʻlda, terakzorda mashinalar, mototsikllar, otlar, velosipedlar tizilibdi. — H. Gʻulom Senga intilaman

3. koʻchma Birin-ketin gavdalanmoq, koʻrinmoq, qatorlashib oʻtmoq.

Kambagʻal eri bilan koʻrgan kunlar, besh bola bilan beva qolib tortgan azob-uqubatlari koʻz oʻngidan bir-bir tizilib oʻtdi. H. Nuʼmon va — A. Shorahmedov, Ota

4. shv. Tomoq yoki ichakdan tiqilib oʻtmoq, toʻxtab qolganday tuyulmoq.

Haligi ovqat koʻkragimda tizilib turibdi.

Sensiz oʻtmas, hatto suv ham tizilar! Kulib goho, nazar solmasang boʻlmas! — S. Abdulla, Tohir va Zuhra

fl. 1. Ip, sim va shu kabilar narsalarga oʻtkazib shodalamoq; termoq.

Marvarid donalarini ipga tizmoq. Marjon tizmoq. Goʻsht burdalarini sixga tizmoq.

Katta-katta munchoqdan tizib, tasbeh qilib beribdi — Oltin olma

2. s. t. Kimsa yoki narsalarni yonma-yon yoki birin-ketin joylamoq, termoq, saf yoki qator qilmoq; saflamoq, qatorlamoq.

Soldatlarni safga tizmoq. Tokchalarga anor, olma, behilar qator-qator tizib tashlangan.

Traktor parkidagi barcha agregat va mexanizmlar sifatli sozlanib, start chizigʻiga tizib qoʻyilgan. — Gazetadan

3. koʻchma Biri ketidan boshqasini, birin-ketin, uzluksiz keltirmoq, qatorlashtirmoq, qalashtirib tashlamoq.

Maʼruzachi quruq raqamlarni tizdi.

Qulay payt kelsa, [Elmurod] ilhomi qaynab, qizning koʻzlariga tikilganicha, gaplarni tizib tashlar edi. — P. Tursun, Oʻqituvchi

Mehnatning taʼrifini yozgan kitoblar, Mardlar nomin harfma-harf tizgan kitoblar. — M. Shayxzoda

koʻchma Tiz choʻkmoq 1) tizzalarini bukib, oyoqlari ustiga oʻtirmoq; choʻk tushmoq; choʻkkalamoq. . Mirmuhsin, Meʼmor; 3) kishi izmiga yurmoq, irodasiga boʻysunmoq

Yormat kirib, eshikni yopdi. Qizining oldiga tiz choʻkib, yuziga tikildi, peshonasidan asta siladi — Oybek, Tanlangan asarlar; 2) gavdani shunday tutgan holda iltijo-iltimos bilan yolvormoq

Lekin undagi shuhratparastlik, tama oldida podshohlarga tiz choʻkishdan ham, oʻzgalar manfaatini bosib-yanchib oʻtishdan ham qaytmasligini koʻpchilik bilardi

Ana shu Surxon jilovi ham jasoratli xalqimiz izmida, u qanchalik pishqirmasin, oʻkirmasin, bari bir, inson oldida tiz choʻkadi — "Uzbekistan qoʻriqlari"

oʻzbekchatizilmoqruschaставить в рядinglizchabe gathered

Tizilmiš tetir teg učar yelgürär Tizilmish tuya karvonidek uchar, qanot qoqar – Летят подобно выстроившимся в цепочку верблюдам, порхают – They fly like a chain camel, flutter

ot 1. Ip, sim va shu kabilarga terilgan narsa; shoda.

Bir tizim marvarid. Bir tizim marjon. Bir tizim pomidor qoqi. Bir tizim qalampir.

Biz ishni choʻzmaslik uchun har quvurni alohida emas, ikki-uchtasini bir tizim qilib burab olar edik. — P. Qodirov, Erk

2. Bir soha, muassasa va shu kabilarga oid yoʻnalish, ish-faoliyat kabilar majmui.

Bank tizimi. Xalq taʼlimi tizimi. Xavfsizlik tizimi.

Mehnat vazirligi tizimida ishlayotganingizga ham ancha boʻlibdi. Tizim va uning joylardagi boʻlimlarida xo-tin-qizlarning faoliyati qanday? — Tizimimizda ishlayotgan xotin-qizlarning olib borayotgan ishlari yaxshi. — Mehnat

Mamlakatimizning tashqi iqtisodiy munosabatlarida muhim oʻrin egallagan tashqi savdo tizimidagi tub oʻzgarishlar sust amalga oshirilmoqda. — Fan va turmush

3. Oʻzaro bogʻliq va uzviy tartibda boʻlgan narsa, hodisalar birligi, majmui.

Barcha boʻgʻindagi davlat idoralari faoliyatining huquqiy asosi boʻlib xizmat qiladigan qonunlar tizimini barpo etish lozim. — Gazetadan

4. Oʻzaro bogʻliq qismlardan tashkil toptan tuzilma, ijtimoiy, siyosiy va boshqalar jihatdan tuzilish shakli.

Ular, bizga maʼlum sabablarga koʻra, Markaz deb ataluvchi eski tizimdan nihoyatda bezillab qolishgan. — Gazetadan

Jumhuriyatlarda bugun mutlaqo bir-biriga oʻxshamaydigan turli xil ijtimoiy-siyosiy tizimlar vujudga kelmoqda. — Gazetadan

5. Biror ish-faoliyatni tashkil etish, amalga oshirishning shakl va tartib-qoidalari majmui.

Baholashning reyting tizimiga oʻtildi. — Maʼrifat

mehnat unum-dorligini taʼminlovchi omillarning muntazam tizimini yaratish tarafdorimiz. — Gazetadan

ot 1. Birin-ketin yoki yonma-yon joylashgan; qator.

Ochil Zarafshon tizma togʻi etagida, chorvador va bogʻdor qishloqda oʻsgan. — P. Qodirov, Uch ildiz

Uylar ikki qavatli boʻlib, trassadan ancha yuqori, tizma qum adirlar ustida saf tortganlar. — J. Abdullaxonov, Toʻfon

2. Xarakteri, tabiati, munosabati va shu kabilarga koʻra bir-biriga bogʻliq boʻlgan, ketma-ket yoki yonma-yon sodir boʻladigan voqea va hodisalar tizilmasi majmui; tizim.

Asar-da ishtirok etuvchi qahramonlarning xarakterini, ularning oʻzaro munosabatlarini ochib beradigan, bir-biriga bogʻlangan voqealar tizmasi asarning syujeti deyiladi. — Adabiyot xrestomatiyasi

Biz Jizzax nasos stansiyalari tizmasi qurilayotgan boshqa uchastkalarga yoʻl oldik. — Oʻzbekiston qoʻriqlari