от 1. Қилмишидан таъзир еб ёки пушаймон бўлиб, уни қайтармаслик учун қилинган азм-қарор, берилган ваъда ёки қилмиши учун сўралган узр.
Менинг тавбамни лоақал ўзларингиз учун қабул қилингиз! — А. Қодирий, Ўтган кунлар
Аммо халқ бундай ёлворишларга, тавба, тазарруларга қулоқ солмади, чунки иш ўтган, ғишт қолипдан кўчган эди. — А. Қодирий, Ўтган кунлар
2. унд. с. Таажжубланиш, ҳайронликни билдиради.
Тавба, одам яқин кишисидаги камчиликни кўрмас эканми, деб қўйдим. — Ҳ. Назир, Ёнар дарё
Уз уйида ўтирган қиз бир кечада ёʻқ бўлсин, тавба! Ошек, — Танланган асарлар
3. Бирор ғайритабиий нарса, ҳодиса олдида истиғфор айтиш, худодан кечирим сўраш маъносида қўлланади.
Ҳадеб: “Ўзинг кечир”, тавба, астағфирулло деяверасиз-а — Гулдаста
Тавба денг, болам, бўйдоқсиз, яна шундай таннозлардан бирига учраб — Гулдаста
Худоё тавба, денглар, икки дунё-да эшитмайлик! — П. Турсун, Ўқитувчи
4. дин. Тасаввуфда: соликнинг тариқат сари қадам қўйишидан олдин қилган барча гуноҳларидан тавба қилиб, келажакда бирор гуноҳ ишни қасддан қилмасликка азм-у қарор қилиши.
- Тавба қилмоқ Тавбани билдирувчи сўзларни, шунингдек, тавба сўзининг ўзини айтмоқ. Э худо, тавба қилдим! Осий бандангни ўзинг кечир! — Мирмуҳсин, МеъморСобирнинг қиёфасида танбеҳ еб, тавба қилиш эмас, ўз истагидан қайтмаслик ҳисси барқарор эди. — Ф. Мусажонов, ҲимматҚарол, хизматкор бўлиб ишлашга тавба қилдим, киши бир марта алданади-да. — Ойбек, Танланган асарлар
- Тавбасига таянмоқ Қилмишидан ниҳоятда пушаймон ҳолатда, таъзирини еган ҳолатда бўлмоқ, шундай ҳолатга тушмоқ. Балки ўзи инсофга келгандир, тавбасига таянгандир — М. Хайруллаев, Тилда маржон— Хўп, кетаман. Лекин билиб қўйинг пушаймон ейсиз, тавбангизга таяниб қоласиз, — деди Анвар. — З. Фатхуллин, Сўнмас юлдуз