Поиск

fl. 1. Talamoq feʼlining birgalik nisbati.

2. Oʻziniki qilish uchun tirishib yopishmoq, aytishmoq, olishmoq.

Joy talashmoq.

Talashib, tortishib, koʻproq olgan bir ayol oʻz nasibasidan Buvinisoning kosasiga ozgina solib berdi. — P. Tursun, Oʻqituvchi

Yigit, boshliq bilan pul talashib, aytishib qolgani esiga tushib, yana zardasi qaynadi. — M. Mansurov, Yombi

3. Daʼvolashib urush-janjal qilmoq, nizolashmoq, urishmoq.

Taxt talashmoq.

Nega podsholar urishadi? — Yer-suv talashib urishadi! — P. Tursun, Oʻqituvchi

Qaynsinglisining uy-joyini talashib nima qilardi? — Bunisi oʻziga ayon. — Gazetadan

4. Bahslashmoq, tortishmoq.

Devorga orqasini berib, yonma-yon turgan oʻrta yoshdagi ikki ayol nima haqidadir talashmoqda edilar. — N. Safarov, Oliyaxon Sultonova

Bahslashadilar, har kim oʻz yonidagi bilan talashadi. — A. Qodiriy, Uloqsa

fl. 1. Zoʻrlik bilan yopirilib tortib olmoq, olib qoʻymoq.

Qoʻqonni talab, bizning ustimizga qoʻshin tortib kelayotgan Sulton Ahmad mirzo esa bizning podshomiz bilan bir otadan boʻlgan ogʻa-inilar. — P. Qodirov, Yulduzli tunlar

2. Talashib-tortishib xarid qilmoq.

Yangi kitobni birpasda talab ketishdi.

3. Koʻp boʻlib, birgalashib tashlanmoq, yopishmoq.

Arilar talamoq.

Bolalar baravariga Rahimni talay boshlashdi. — H. Nazir, Yonar daryo

4. Kishi yoki narsaga davomli (takror-takror) hujum qilmoq, shu tarzda yulib-yulqimoq.

Huv anavi yalanglikka qaranglar! Unda odamzod suyagi yotibdi. Bechorani qashqir talagan boʻlsa kerak. — Mirmuhsin, Meʼmor

5. koʻchma s. t. Qattiq urishib bermoq, yulib-yulqib yopishmoq.

Kichkina bir qizchadan dakki yegan ayol Ergashoyni talab berdi. — N. Safarov, Oliyaxon Sultonova

6. koʻchma s. t. Tatalamoq, tirnamoq, gʻash qilmoq.

[Alisherning] Koʻnglini shubha, gʻazab, pushaymon hislari talar edi. — M. Osim, Zulmat ichra nur

узбекскийtalamoq, mahkam ushlamoqрусскийграбить, разорятьанглийскийsteal

Bu Afrasiyab tuttï ellär talab Bu Afrosiyob ellarni oʻz tasarrufiga olib tutdi – Этот [самый] Афрасиаб, грабя, захватывал страны – This [most] Afrasiab, plundering, seized the country

ot 1. Qatʼiyat bilan qilingan soʻrov, iltimos.

Lekin nima qilsin, rahbarning buyrugʻi, talabi. — H. Shams, Dushman

Zamira koʻpchilikning talabi bilan oʻrnidan turar ekan, qizil atlas koʻylagining rangi yuziga urganday, qip-qizarib ketdi. — P. Qodirov, Uch ildiz

2. Bajarilishi, boʻlishi shart va taqozo etiladigan narsa (narsalar).

Oliy oʻquv yurtiga kirish talablari. Standart talablariga javob bermoq.

Biroq jangning eng masʼuliyatli paytida ustav talabini bajarish imkoni boʻlmadi. — I. Rahim, Chin muhabbat

Mantiq talabi shu erur, shohim. — S. Siyoyev, Yorugʻlik

3. Ehtiyoj, istak.

Uning talabi katta. Madaniy mollarga talab kuchaymoqda.

Hozircha u bu hujjat bilan mamlakat talabini qondirishga — maorif frontiga boradi — P. Tursun, Oʻqituvchi

4. iqt. Xaridor, isteʼmolchining bozor-da muayyan tovarlarni, neʼmatlarni sotib olish istagi.

Muayyan tovarga yoki tovarlar toʻplamiga barcha xaridorlar bildirgan talab yigʻindisi bozor talabi deyiladi. — OʻzME

5. s. t. Talabgor, xohlovchi.

Talab bormi?U bilan kurashishga talab chiqmadi.

Kulich kelib yalab-yalab, Ikki yov urushga talab. — Shirin bilan Shakar

6. sft. Otlarga birikib, oʻsha otdan anglashilgan narsani istaydigan, unga muhtoj, talabgor maʼnosini bildiradi (Bunday birikmalarning aksariyati qoʻshma soʻzga aylangan).

Suv talab ekinlar. Izoh talab ibora. Chopiq talab gʻoʻzalar.

Oʻktamning qovjiroq lablari choytalab edi. — Oybek, Oltin vodiydan shabadalar

Chunonchi, Alpomish, Manas —umr boʻyi tirnoq koʻrmay, farzand talab boʻlib yurgan chol va kampirning oʻgʻillari. — Gʻ. Salomov, Tarjima nazariyasiga kirish

joq bolıw, nabıt bolıw