Қидирув

сфт. 1. Меъёридан ортиқ туз солинган, таъми ўт-кир (овқат, таом ҳақида).

Шўр овқат. Паловни шўр қилиб қўймоқ. Аччиқ-чучукни шўр қилиб юбормоқ.

[Қодиржон:] Ҳали ош вақтида, ошнинг тузини паст қилиб қўйиб-сан ёки шўр қилиб қўйибсан, деб баҳона қиламан-да, катта жанжал чиқараман. — Ҳамза, Туҳматчилар жазоси

2. Тузланган.

Шўр балиқ. Шўр карам.

3. Таркибида туз моддаси кўп бўлган, шўр босган.

Шўр денгиз. Шўр кўл. Шўр тупроқ. Шўр сув.

Айниқса, эрта баҳорда бороналаш шўр ерларда катта фойда беради. — Газетадан

4. от Тупроқ таркибида тузнинг кўплигидан ер бетида ҳосил бўлган туз моддаси.

Ернинг шўрини ювмоқ.

Ерда ҳали шўр кўп. Сотиболди отам ҳам менинг фикримни тасдиқлаяптилар. — Н. Сафаров, Хадича Аҳророва

Ўрмонжон шўр босган ердан илон изи бўлиб ўтиб, тўқайга кириб кетган тупроқтепани қамчининг сопи билан кўрсатиб: — Канал! — деди. — А. Қаҳҳор, Қўшчинор чироқлари

5. Тернинг уст-бошга тепишидан кийимда ҳосил бўладиган туз, оқ доғ.

Эрта-ю кеч тош майдалаб елкаларини бир эллик шўр босган йигитлар [дарвишга:] Ёʻлингдан қол-ма! дейишибди. — С. Анорбоев, Оқсой

От ёʻрттириб Юсуф Мадёров келиб қолди. У ҳамон темирёʻлчи кийимида — эгнида қора кител, терининг шўри елкасида оқариб ётарди. — Ш. Тошматов, Эрк қуши

от Ташландиқ ерларда, экин майдонларида ғовлаб ўсадиган, баргларининг усти ялтироқ, ости кулранг ёввойи ўт.

Ариқнинг нариги ёнида какра, супурги, шўра, сассиқ-капа, яна аллақандай ёввойи ўтлар ғовлаб ётарди. — А. Мухтор, Опа-сингиллар

Эрта баҳор Ёрқиной кўк териб юрибди. Қўлидаги сирланган тоғорани у ердан бу ерга сурар, у ён-бу ёнига эланиб, отқулоқ, исмалоқ, жағ-жағ, момақаймоқ, ялпиз, шўра қидирарди. — Р. Раҳмон, Меҳр кўзда

от 1. 1 Совет ҳокимиятининг (советларнинг) 20-аср 20-40-йилларигача ўзбек ва бошқалар тур-кий тилларда ишлатилган номи (1990 йиллар охирида ўзбек тилида яна қўллана бошлади).

Керенский ҳукумати ағдарилиб, шўролар ҳукумати тузилди. — Н. Сафаров, Оловли излар

Шўролар ҳокимияти бойнинг мол-мулкларини мусодара қилди. — Ҳ. Ғулом, Замин юлдузлари

2. Ўша даврларда сайлаб ёки тайинлаб қўйиладиган бошқарув-раҳбарлик, давлат ёки жамоат органи ва у жойлашган жой.

Давлат план комиссияси ташкил қилиниб, унга нозирлар шўроси раиси муовини Турсунхўжаевни бошлиқ қилиб тайинлашди. — Ж. Шарипов, Хоразм

Қишлоқ шўроси Учқулоқ қишлоғига жойлашган. — А. Қодирий, Обид кетмон

Genellikle bazı sporları yaparken giyilen, paçaları dizlerin yukarısında başlayan kısa pantolon.КАЛТА ШИМ (шортик)