qabziyat

ot 1. Ich qotishi, uzoq vaqt ich kelmasligi yoki qiyinchilik bilan kelishi.

Echki goʻshti ham parhez, uni qabziyat boʻlganda yeyilsa, ichni suradi. — K. Mahmudov, Oʻzbek tansiq taomlari

Qabziyat vaqtida isteʼmol qilingan ovqat moddalari ichaklarda uzoq, — bir necha kun turib qoladi. — N. Ismoilov, Kasallarni parvarish qilish

2. esk. Diqqat oshgan, yurak siqilgan holat; dilgirlik.

Toshkent Oʻrta Osiyoning eng jonli bir shahri tomosha qilib, vaqtingni chogʻ qilish mumkin, biroq, menda nimadandir diqqatlik, qabziyat hamma yogʻimni oʻrab olgan. — Mushtum

Men alamzada shoʻrlikni ogʻir qabziyatda koʻrgan kampir turq-tarovatingizni koʻrib, har kuni chorak etdan tushyapman, deb meni bisyor tanglikka soldi. — Gʻayratiy, Dovdirash

n constipation

1. ish qatıw, qatalaw

2. dilgirlik