Поиск

fl. 1. Qoʻrqmoq feʼlining orttirma nisbati.

Butun yuzi quloqlarigacha koʻkarib, qoʻllari yoniga shalvirab tushgan Pismiq oʻlim tusiga kirib bordi. Bu hol Soli sovuqni juda yomon qoʻrqitib yubordi. — M. Ismoiliy, Fargʻona tong otguncha

2. Yolgʻon doʻq-poʻpisa va shu kabilar bilan yuragiga gʻulgʻula solmoq.

Yosh ketaman deb qoʻrqitadi, qari oʻlaman deb qoʻrqitadi. — Maqol

Berahmlar, nahotki bolani shunchalik qoʻrqitsalaring! Sen ham shuning tovushiga uygʻondingmi? — A. Qahhor, Qoʻshchinor chiroqlari

Baʼzi bir chumchuq yuraklilarni qoʻrqitish uchun qilingan ish bu! — I. Rahim, Chin muhabbat

fl. 1. Qoʻrquv his etmoq, qoʻrquv hissiga berilmoq.

U hech narsadan qoʻrqmaydi. Qoʻrqqanga qoʻsha koʻrinar. — Maqol

Teshaboyning jahli chiqdi: — Teshganda koʻzingizni teshmaydi-ku! Muncha qoʻrqmasangiz? — M. Ismoiliy, Fargʻona tong otguncha

Kelin qoʻrqqanidan hushi ketib qoldi. — Hamza, Burungi qozilar

2. Qoʻrqoqlik, yuraksizlik qilmoq, yuragi betlamay, dov bermay qochmoq.

Qoʻrqqan oldin musht koʻtarar. — Maqol

3. Hadik olmoq: botina olmaslik, yuragi dov bermaslik; choʻchimoq.

Hayot xuddi yiqilib ketishdan qoʻrqqandek, bir qoʻli bilan tanchani ushlab, yuzini yigitdan xiyol qochirib oʻtirardi. — M. Ismoiliy, Fargʻona tong otguncha

Dardini aytibdi-yu, familiyasini aytgani qoʻrqibdi. — S. Siyoyev, Otliq ayol

qar qız

sft. Har narsadan qoʻrqaveradigan, yuragi yoʻq, yuraksiz.

Zilzila uni yanada qoʻrqoq, boʻlar-boʻlmasga choʻchiydigan qilib qoʻygan edi. — N. Aminov, Qahqaha

Qoʻrqoq oʻlmasdan burun oʻladi, oʻlikdan nima kutib boʻladi. — Uygʻun, Hayot qoʻshigʻi

Qoʻrqoqqa koʻlanka azroil, deydilar. — A. Qahhor, Toʻyda aza

n horror, terror