Қидирув

фл. 1. Миқдор ёки ҳажм жиҳатидан кўпаймоқ; ўсмоқ; ортмоқ.

Факултетдаги талабалар сони беш юздан ошди.

Пахта йилдан йилга мўл бўлиб, фойдаси ҳам ошиб турибди. — Ойбек, Танланган асарлар

2. Ортмоқ, ортиб қолмоқ.

Харажатдан беш сўм ошиб қолди.

3. Кўтарилмоқ.

Ойим куйди-ёнди, дадамнинг қон босими ошиб, касалхонага тушиб қолди. — С. Сиёев, Ёруғлик

Саодат лабини жийириб, шишачани қайтиб узатди: — Ёʻқ, беш сўмдан ошса олмайман — Ёшлик

Ҳали офтобнинг дами қайтмаган, Қўшариқнинг катта кўчасидаги азамат тераклар толдан ошиб, ҳовлига тўрт энликкина соя ташлаган пайт эди. — С. Аҳмад, Уфқ

Ҳар кун мол нархи ошади, бозорда савдогарларнинг қулоғи тиккайган. — Ойбек, Танланган асарлар

4. Маълум бир пайт чегарасидан утмоқ; кечмоқ; оғмоқ.

Вақт ярим кечадан ошди. Соат учдан ошди. Иш бошлаганимга беш ойдан ошди. Ёшим қирқ бешдан ошди.

Соат олтига белгиланган тўй соат ўндан ошганда бошланибди. — А. Қаҳҳор, Тўйда аза

5. Мол сотиб олишда унинг баҳосини оширмоқ, нархига нарх қўшмоқ, орттирмоқ.

Бошқа бир рақиб илмасин, деган андиша билан баққол ҳам бир тангалаб олаверди. — Ойбек, Танланган асарлар

6. Кучаймоқ, зўраймоқ; янада сезиларли, таъсирли бўлмоқ.

Алами ошди. Завқим ошди. Ихлосим ошди. Кайфи ошди. Ғайрати ошди. Ишга ҳаваси ошди.

Уйда ўтиравериб, Муроднинг хуноби ошиб кетди. — Т. Ашуров, Оқ от

Искандар ич-ичидан жиғибийрони ошиб, терс бурилиб чиқиб кетди. — М. Мансуров, Ёмби

7. Такомиллашмоқ, яхшиланмоқ; юқори босқичга кўтарилмоқ.

Сотувчининг малакаси ошди. Ҳуқуқий онгимиз ошмоқда. Қадрласанг, қадринг ошар. — Мақол

Бу ҳужжатни бутун раёнга тарқатмоқчимиз, Шер, обрўйинг ошиб, чўққига кўтарилаётганингни биляпсанми?И. — Раҳим, Ихлос

8. Бирор жиҳатдан ёки бирор соҳада бошқалардан ўтиб кетмоқ, ўзмоқ, зўр чиқмоқ, орқада қолдирмоқ.

Агар енгсанг, зўр келсанг, ошсанг, Доим сени тўйга бошлайман. — Э. Раҳим, Янги қадам

9. Маълум бир тўсиқ, чегара ёки баландликдан ўтмоқ.

Довон(дан) ошмоқ. Девордан ошмоқ. Тоғ(дан) ошмоқ. Сув тўғондан ошиб тушяпти. Қимирлаган қир ошар. — Мақол

Шермат девордан ошиб, ҳовлига тушди ва оёқ учида юрганча, бурчакдаги уй олдига келди. — Ёшлик

Саломат қизлар билан боғма-боғ ошиб келиб, девор панасидан қўшиққа қулоқ соларди. — С. Аҳмад, Ҳукм

10. Қўлдан қўлга, бир ташкилотдан бошқасига ўтмоқ.

Иш терговдан судга ошди.

11. Кўпмоқ, кўпчимоқ (хамир ҳақида).

Хамир ошди.

1. Пиширилган иссиқ овқат

Угра ош. Хўрда ош. яш Совчиларни яхши сўзлар ва қуюқ-суюқ ошлар билан жўнатиб, иккинчи келишига ўйлашиб жавоб берадиган бўлдилар — А. Қодирий, Ўтган кунлар

2. Умуман, ҳар қандай овқат, таом

Ош тузи. Ошинг ҳалол бўлса, кўчада ич! — Мақол

Элга берсанг ошингни, Эрлар силар бошинг- — Мақол

Жон бўлса, жаҳон топилар, Ош бўлса, қозон топшшр — Мақол

Тўра қозон бошидан мис товоқда суюқ ош олиб келиб, чордана қурибўтирди — Н. Фозилов, Дийдор

3. айн. палов. . -Ултиринг, ўлтиринг, меҳмон! — деди уста Фарфи. —

Ош дамламоқ. яи Илгарилари лағмон ёки ош ейиш учун нуқул корхонадан ташқарига чиқишга мажбур бўлар эдик — Газетадан

Ошга сабзи босилди-пишди — А. Қодирий, Ўтган кунлар

4. этн. Баъзи муносабатлар билан ўтказиладиган зиёфатлар номининг таркибий қисми, мае

қиз оши, хотин оши, арвоҳ оши, маслаҳат оши

фл. 1. Ошмоқ 1-7, 9-10 феълларининг орттирма нисбати.

Ойликни оширмоқ. Товуқлар сонини оширмоқ. Ҳосилни оширмоқ.

Дарё сувини баҳор тоширар, одам қадрини меҳнат оширар. — Мақол

Княз сув пулини уч баравар ошириб юборибди. — А. Қаҳҳор, Қўшчинор чироқлари

Одамларнинг руҳини кўтариш, ҳосил-дорликни ошириш керак. — Т. Ашуров, Оқ от

Мавжуд корхоналарнинг ишлаб чиқариш қувватини ошириш билан янги обектлар ҳам барпо этилди. — Фан ва турмуш

2. с. т. Бировга бериб, ўтказиб юбормоқ; пулламоқ, сотмоқ. Жиноят ишини коптоксимон терговдан терговга, суддан судга ошираверди Газетадан.

Агар., қутичани бирор ерга оширган бўлсанг, ҳали ҳам яхшиликча ўрнига қайтар, — деди Ҳожи бобо Шум болага. — Ғ. Ғулом, Шум бола

[Марасул:] Хуморхон шунақа нарсаларга ўч, ўшанга оширамиз. — А. Қаҳҳор, Оғриқ тишлар

3. Бўрттирмоқ, муболаға қилмоқ.

Мақтовини оширмоқ.

— Ёʻқ, сиз жуда ошириб юбордингиз, Сайфуллахўжа, — деди бошини чайқаб, — сизларникида кунига уч-тўрт маҳал эмас, бир маҳалгина иссиқ овқат ер эдим. — П. Турсун, Ўқитувчи

Сидоров ошириб юборганини тушунди. — Э. Самандар, Дарёсини ёʻқотган қирғоқ

4. Маълум чегара ёки баландликдан ўтказмоқ.

Бу сафар Ҳабибулло полвон Куллалик полвонни елкаси узра ошириб, отиб ташлади. — Т. Ашуров, Оқ от

Тўрт-беш метр баландга етганда, инқиллаб, қанордаги тупроқнинг ярмини елкасидан ошириб тўкади-да, қолганини дўнгга опчиқиб кетади. — С. Аҳмад, Уфқ

от Хамири оширилиб, кўпчитиб тайёрланган.

Оширма нон.

Оширма, яъни хамиртуруш солинган хамирда ҳар хил нон ёпиш мумкин. — Д. Сиддиқов, Лаззатли таомлар

Якка импулсга жавобнинг чўққи қиймати ва ўрнатилган режимдаги сигнал қиймати ўртасидаги фарқ.русчапревышение, Разница между пиковым значением реакции на единичный импульс и значением сигнала в установившемся режиме.инглизчаovershoot

фл. Оширмоқ феълининг мажҳул нисбати.

Ўқитувчиларнинг малакаси оширилди.

Симхаев заводидаги ерлик ишчилар иш ҳақи оширилишини талаб этиб, иш ташладилар. — М. Исмоилий, Фарғона тонг отгунча

Иш прокуратурага оширилган эди. А. — Мухтор, Кумуш тола