от 1. Одам ва ҳайвонларда калланинг тишлар ўрнашган суяги.
Устки (тепа) жағ. Пастки жағ.
Отақўзининг кўзлари қисилиб, жағ пайлари туртиб чиқди. — О. Ёқубов, Диёнат
У [Қаландар ака], кўзлари бир нуқтага қадалиб қотиб қолгандай, қимир этмай турар, фақат жағи титрар эди. — С. Кароматов, Эътиқод
Вакил қулочкашлаб жағимга урди. — Т. Мурод, От кишнаган оқшом
2. Оёқ кийимининг юзи билан тагчарми бирлашган ери, олд ёнлари.
Аксарининг уст-боши юпун, маҳсиларининг йиртиқларидан кир пайтавалари осилиб туради, кимларда похол тиқилган эски калиш, кимларда жағи йиртиқ кавуш, лекин улар шод. — Ойбек, Танланган асарлар
У ўзининг пахтаси оқиб ётган қизил чит тўни, жағи ажралган кавуши, пилталари чиқиб кетган дўпписи билан бошқа болалардан ажралиб турарди. — Ойдин, Ҳикоялар
3. махс. Баъзи асбобларнинг қисадиган, кесадиган қисми.
Омбир жағи. Қайчи жағи.
4. Киши, одам; нонхўр.
Бир ишловчига уч жағ эдик, бойга ортиқчалик қилиб қолдик. Ҳ. Нуъмон ва А. — Шораҳмедов, Ота
Лекин оилада жағ кўпайгач, шундоқ ҳам қўл учида, табибчилик билан тирикчилик қилиб келаётган Ибн Ямин қийналиб қолди. — К. Яшин, Ҳамза
- Жағи очилмоқ 1. Жаҳлланиб тапира бошламоқ. Шу важдан кампирнинг жағи яна очилди, Сидиқжоннинг ўтмишини, қизининг қилмишини яна таъна қила бошлади. — А. Қаҳҳор, Қўшчинор чироқлари;Я на душман пулемётларининг жағи очилди, бир неча жангчи йиқилди. — Т. Рустамов, Мангу жасорат
- Жағи очиқ 1. Кўп гапирадиган, вайсайверадиган; вайсақи; Жағи очиқ бола.
- Жағи тинмайдиган 2. Доим овқат чайнайдиган, овқатдан оғзи бўшамайдиган.
- Жағ тиш
- Жағ урмоқ Ҳадеб гапиравермоқ.