Поиск

fl. 1. 1 Biror yoʻnalishda oyoqlar bilan juda tez harakat qilmoq, yugurmoq.

Koʻpincha Azizxon smenadan chiqardi-yu, adir yoqalab Qirgʻizovulga chopardi. — S. Ahmad, Ufq

Katta tezlik bilan qiyalab chopayotgan Fozil aka duch kelgan xarsangdan hatlayotib, qoqilib tushibdilar. — M. Xidir, Qirgʻoqlar

2. Otga mingan holda uni yugurtirmoq.

Buvisi buvasi bilan yonma-yon ot chopib, dushman bilan olishgan ekan. — Oʻ. Umarbekov, Boboyongʻoq

3. Koʻpkari musobaqasida qatnashmoq, ishtirok qilmoq.

Uloq chopmoq.

Koʻpkarini chopib yotir Oʻn ikki mingcha boybachcha. — Gulshanbogʻ

4. koʻchma Biror maqsadni amalga oshirish uchun tegishli joylarga bormoq, harakat qilmoq.

— Uyoqqa chopdim, bu yoqqa chopdim, oxiri ishimni bitirdim, — dedi xola. — Gazetadan

5. Irgʻimoq, oshmoq (erkak hayvon haqida).

ot 1. Novda, shox boʻlagi; ingichka, uzun tarasha, yogʻoch parchasi.

Ota uzun choʻp bilan shisha tubini kovlashtira turib, savolomuz tikildi. — Yoshlik

Davron togʻa yaktagi yoqasidan zirk daraxti choʻpidan yoʻnilgan tishkovlagichni olib tish kovlashga tushdi. — N. Aminov, Qahqaha

2. Biror maqsad uchun maxsus tayyorlangan tayoq(cha).

Nogʻora choʻp. Langar choʻp. Gugurt choʻpi.

[Nogʻorachi] Nogʻora choʻpi bilan nogʻorani emas, xuddi oʻziga oʻxshash bir yigitning qalbini savalaganini bilmay qoldi. — Oʻ. Hoshimov, Qalbingga quloq sol

3. Molga ovqat boʻladigan quruq oʻt, xas-xashak (beda, pichan va shu kabilar).

Uy egasi Muqimiyni yotqizib, dargʻaning otiga yana picha choʻp solgach, koʻcha eshikni tambalab, oyoq uchida ichkariga kirib ketdi. — S. Abdulla, Mavlono Muqimiy

4. Oʻsimlik, giyoh.

Norinda suv bor ekan, Choʻllar suvga zor ekan. Choʻp bitmagan biyobon, Suv kelsa, gulzor ekan. — Qoʻshiqlar

Men bu kun doʻstlarimga afsus-nadomat bilan Yerga choʻp qadamagan amirlardan soʻylayman. — A. Oripov

qa. Chopa-chok

ot tar. Davlat ahamiyatiga ega va oshigʻich xabarni yetkazish uchun yuborilgan otliq, suvori.

Namozgar payti Qoʻqondan chopar kelib, noma tashlab ketgandi. — X. Toʻxtaboyev, Yillar va yoʻllar

Ana, chopar, suyunchi deb, Eralixonga yetti. — Yusuf va Ahmad

ot q.x. Oʻsimliklarning tagi, yon-atroflarini chopib yumshatish.

Gʻoʻza chopigʻi. Tesha chopiq.

Paxta olma pishdi, shotut qizardi, Uchinchi chopiqni boshladik kecha. — Gʻ. Gʻulom

Nihollar oʻzini tutib olguncha shu xilda uch marta chopiq qilish kerak. — A. Koʻchimov, Halqa

ot 1. Kiyim ustidan kiyiladigan, ichiga paxta solib qavilgan uzun milliy kiyim; toʻn.

Beqasam chopon. Paxtali chopon. Zarbof chopon. Chopon kiygizmoq.

Baʼdazon osh tortilib, andin soʻng faqirga zarrin chopon va yana jigʻalik salla keldi. — A. Qodiriy, Kichik asarlar

Ziyrak chol uyqudan uygʻonib sahar, Yangi choponini tashlar yelkaga. — Mirtemir

Yusufbek hoji egnida kimxob chopon bilan oʻrdadan chiqdi. A. — Qodiriy, Oʻtgan kunlar

2. k. Toʻn.