Поиск

ot 1. din. 1 Shariatda barcha musulmonlar uchun bajarilishi majburiy boʻlgan diniy amallar.

Haj islomiy farzlarning beshinchisi va soʻnggisidir. — Gazetadan

musulmonlar uchun xudoning aytgani farz boʻlib, unga shak keltirish, undan zorlanishning oʻzi ham gunoh hisoblanadi. — UTA

2. Bajarilishi zarur boʻlgan axloqiy-maʼnaviy vazifa, burch.

Yoshning hurmati — qarz, qarining hurmati — farz. — Maqol

Qarz, qarzni berish farz. — Maqol

Keksalardan koʻngil soʻrab turish, kezi bilan koʻmak berish yoshlarga farz-u qarz. — Gazetadan

ot Shaxmat oʻyinida eng kuchli dona, sipoh.

Farzinni yurmoq.

Azimov qora farzinni qoʻlida bir oz ushlab turib, taqillatib bosdi-da, Shax! dedi. — I. Rahim, Chin muhabbat

ot 1. Bitta ota-onadan dunyoga kelgan bola; oʻgʻil yoki qiz (ota-onaga nisbatan); bola.

Farzand aziz, odobi undan aziz. — Maqol

Davlatning boshi — farzand. — Maqol

Ota-onang — davlating, Farzandlaring — savlating. — Maqol

Farzand — bu kelajak, farzand — oʻtgan ajdodlarni kelajak avlodlar bilan abadiy bogʻlaydigan halqa. — K. Yashin, Hamza

Asrorqul farzand koʻrdi bolaning otini Yodgor qoʻydi. — A. Qahhor, Asror bobo

2. kt. koʻchma Oʻz Vatani yoki xalqiga manfaat keltiradigan, unga astoydil xizmat qiladigan kishi; vatanparvar, elsevar.

Vatanning sodiq farzandlari. Millat farzandi.

Mustaqil davlat farzandi ekanligimdan boshim osmonga yetdi. — Gazetadan

3. koʻchma Biror jamoa, ijtimoiy-siyosiy, gʻoyaviy guruh, harakat yoki hududga mansub, unga aloqador shaxs.

Musulmon farzandi.

— Musulmon farzandisiz, dilingizdagi vasvasani haydang. — K. Yashin, Hamza

Qaylardadir fisq-u fasod, hasad, xusumat Insoniyat farzandlarin tortmoqda dorga. — A. Oripov, Yillar armoni

4. koʻchma Biror maʼnaviy, ruhiy faoliyat mahsuli.

Sheʼr — ilhom farzandi. Aql — ehtiyoj farzandi.

sft. Farzandi bor, farzand koʻrgan; bolali. Farzandli ayol.

Farzandli uy doim boʻlar lolazor — Erali va Sherali

Dugonamning oʻgʻli bir qiz bilan sevishib, turmush qurdilar, farzandli boʻldilar. — Gazetadan

ot Farzand maqomida boʻlish, farzandning burch va majburiyatlarini ado etish; biror kimsaga farzand boʻlish.

Farzandlik burchi. Farzandlik salomi.

Biz farzandlik burchin oʻylab, tanladik aʼmol. — A. Sher, Qadimgi kuy

sft. Farzandi yoʻq; befarzand, bolasiz.

Ikkovi ham katta boʻldi. Boysari — boy, Boyboʻri shoh edi. Ikkovi ham farzandsiz boʻldi. — Alpomish

Erining farzandsiz beva ammasi uni [Munisni] juda sovuq kutib oldi. — S. Ahmad, Xotin