Поиск

ot 1. Goʻzallik; husn, koʻrk.

Muhabbat chiroy tanlamas, uyqu — oʻrin. — Maqol

Acpop, qirqqa borgan boʻlsa-da, chiroyini, tarovatini yoʻqotmagan bu ayolning kipriklari uzun koʻzlariga qarashga botinmay, yerga boqqancha, “ha, koʻrdim“, dedi. Yoshlik

2. Koʻzga yoqadigan koʻrinish, koʻrkamlik, koʻrk, qiyofa.

Shahar chiroyi.

Bino tayyor boʻlgandan keyin unga chiroy berish, nafislik bilan ichiyu tashiga koʻrk bagʻishlash — sanat. — Saodat

Chol koʻzida oʻzgarar har on Qishlogʻining chiroyi, tusi. — H. Olimjon

sft. 1. Husni odatdagidan ortiq; goʻzal; koʻrkam.

Chiroyli qiz.

Cholning kelini chiroyli, oppoq, koʻzga yaqin juvon edi. — Yoshlik

Shaharda shunday chiroyli qizlar bor — koʻrsang, ogʻzing ochiladi. — Yoshlik

2. Koʻrinishi, tashqi qiyofasi koʻzga yoqimli koʻrinadigan.

Eng chiroyli qush deganda, hammaning koʻz oʻngiga oqqush kelishi tabiiy. — Gazetadan

Bilasizmi, dunyoda chiroyli narsalar shunday koʻpki! Oʻrmon, kapalak, tong, oʻtloq, tun — A. Muxtor, Davr mening taqdirimda

3. Manzarasi koʻzga yoqimli; koʻrkam.

Fargʻonadan yoʻlga chiqqan yengil mashina chiroyli asfalt yoʻlda uchib borardi. — Mirmuhsin, Umid

— Markaz chiroyli boʻlib ketdi-a, odam suyunadi, — dedi Charos mamnun jilmayib. — Oʻ. Hoshimov, Qalbingga quloq sol

4. Yaxshi; oʻrinli; manzur.

Chiroyli gap. Chiroyli toʻy.

Chiroyli maʼruzaga mahliyo boʻlib, ruhiyatimda sustkashlik boshlandi. — X. Toʻxtaboyev, Yillar va yoʻllar

Ming afsuski, hozir toʻylarda oʻyin-kulgi, chiroyli anʼanalar sanʼatini namoyish qilish emas, isrofgarchiliklar meʼyoridan oshib ketadi. — Mirmuhsin, Umid

Har bir ota-ona orziqib koʻrgan farzandiga chiroyli va mazmundor ism qoʻyishga harakat qiladi. — Gazetadan

5. rvsh. Yoqimli, jozibali, batartib; oʻrniga qoʻyib.

Chiroyli gapirmoq. Chiroyli qadam tashlamoq. Chiroyli kiyinmoq.

— Voy, shunaqami? — Oftob oʻspiringa qarab, chiroyli jilmaydi. — M. Mansurov, Yombi

Biror ishni puxta va chiroyli qilgan odamni tangri doʻst tutadi. — Fan va turmush

sft. Koʻrimsiz, xunuk.

русскийкрасота, миловидность, прелестьанглийскийbeautifulness, charmingness, handsomeness, prettinessфранцузскийbeautéарабскийجَمَالٌ, حَسَنٌ, فَيْضٌ, جَاذِبِيَّةٌ, فِتْنَةٌ