Поиск

fl. 1. Kuchli ovoz chiqarmoq (yigʻi ovozi haqida); hoʻngramoq.

Kutilmaganda Rixsi xolaning koʻngli yumshadi-yu, oʻkirib yigʻlab yubordi. — P. Qodirov, Qora koʻzlar

2. Baqirmoq, boʻkirmoq (inson va baʼzi yirik hayvonlar tovushi haqida).

Hokim xalqqa ming alpozda oʻkirib, hammani haqorat qilib uyiga qaytdi. — M. Ismoiliy, Fargʻona tong otguncha

Ogʻir yukli tuyalar boʻyinlarini osmonga koʻtarib oʻkirardi. — Sh. Toshmatov, Erk qushi

Jadal kelayotgan katta ayiq juda xunuk oʻkirardi. — Gazetadan

3. koʻchma Qattiq ovoz chiqarmoq (jonsiz narsalar haqida).

Tashqarida shamol hamon oʻkirar. — M. Jabborov, Sevinch yoshlari

Oʻkirib toʻxtadi soʻnggi zambarak, Jahannam xudosi qah-qahdan tindi. — Gʻ, Gʻulom

ot Qattiq yigʻi ovozi.

Oyimbibi bu oʻkirikdan bir choʻchib tushdi, keyin shoshilib oʻrnidan turdi-da, oshxonaga kirib ketdi. — S. Abduqahhor, Sanamay sakkiz dema

Haqqul ota Yuragining bir parchasi uzilganday, siynasidan qattiq oʻkirik chiqarkan, Zuhra buvi qoʻrquvdan esini yoʻqotganday boʻlardi. — H. Nazir, Suv gadosi — oqpadar

fl. Oʻkirmoq feʼlining birgalik nisbati.

fl. Oʻkirmoq feʼlining orttirma nisbati.

fl. 1. Ovozi boricha baqirmoq, hayqirmoq.

Boyib ketsang, boʻkirma, Yoʻl yurganda soʻkinma. Maqol.

Egamberdiyev mast tuyaday boʻkirdi. — A. Muhiddin, Hadya

Ollobergan tagʻin bir marta dahshat bilan: Ayt, ayt, manjalaqi! deb boʻkirdi-da, xotinining sochini boʻyniga oʻrab boʻgʻmoqchi boʻldi. — N. Aminov, Qahqaha

2. Oʻkirmoq (asosan, hayvonlar haqida).

Juma kuni, qoʻylar maʼragan, tuyalar boʻkirgan, otlar kishnagan. — Gʻ. Gʻulom, Shum bola

hoʻkiz ikki marta ustma-ust boʻkirsa, oʻlib qolsa, nima qilaman deb, kechasi bilan jin-chiroq koʻtarib chiqaman. — A. Qahhor, Qoʻshchinor chiroqlari

3. Ovozi boricha, bor ovoz bilan baqirib yigʻlamoq, uvvos tortmoq.

Bahrombek marhumning jonsiz gavdasini quchoqlab, boʻkirib yigʻlar, na xotiniga, na bolalarining faryodiga quloq solardi. — Yoshlik

Turolmadi Xoliyor, Yigʻlab berdi boʻkirib — Oysuluv

4. koʻchma poet. Qattiq, shovqinli tovush chiqarmoq (texnika va jonsiz narsalar haqida).

Ishonmasang, oʻq otib koʻrgil — boʻkirvorar sanoqsiz qoya. — Sh. Rahmon, Yurak qirralari

yel ketma-ket boʻkirar, bunga chiday olmagan shox-shabbalar qars-qars sinar, keksa yogʻochlar gʻiyq-gʻiyq etib, yolvorish tovushi chiqarar edi. — A. Qodiriy, Oʻtgan kunlar

Gaz hamon boʻkirib yonar, kuygan temirlarni chiqarish davom etardi. — P. Qodirov, Uch ildiz

Tanklar oʻkirib, avtomatlar boʻkirib, gʻiz-gʻiz oʻtib turishardi. — N. Safarov, Olovli izlar