Поиск

fl. Yugurmoq feʼlining orttirma nisbati.

fl. 1. Irgʻishlab, biror yoʻnalishda tez harakat qilmoq; chopmoq.

Bor kuchi bilan yugurmoq. Bola yugurib, tepalikka chiqdi.

Shu mahal bir toʻda bola chugʻurlashib, guzar tomonga yugurib ketdi. — M. Ismoiliy, Fargʻona tong otguncha

Gulnor bilan Unsin tanchada oʻtirib, bir-biriga mehribon egachi-singilday soʻzlasharkan, bolalardan biri yugurib keldi. — Oybek, Tanlangan asarlar

2. sprt. Yugurish bilan shugʻullanmoq; yugurishda qatnashmoq.

Qayerdadir muzika yangrar, maydon chetidagi yoʻlkalarda maykachan qizlar yugurishardi. — Oʻ. Hoshimov, Qalbingga quloq sol

3. koʻchma Biror ish yoki maqsadni amalga oshirish uchun harakat qilmoq; harakatida boʻlmoq, urinmoq.

Oʻqishning ketidan yugurmoq. Yugurganniki emas, buyurganniki. — Maqol

Rais Umurzoq otaga oʻxshash obroʻli, tajribakor paxtakorlarni qoʻlga olish niyatida ozmuncha yugurmadi. — Sh. Rashidov, Boʻrondan kuchli

4. Biror joy, tomonga oshigʻich, tez harakatda boʻlmoq, yoʻl olmoq.

Bugun Gavharning telegrammasini olish bilan vokzalga yugurdi. — Oʻ. Hoshimov, Qalbingga quloq sol

Bu Otabekni Toshkentdan uylantirib, boshini bogʻlamasak, kun sayin uning Margʻilon yugurishidan qutula olmasmiz. — A. Qodiriy, Oʻtgan kunlar

5. koʻchma Tezlik bilan harakatlanmoq (suv, shamol kabilarning harakati haqida).

Qishloq oʻrtasidan oʻtadigan ikki soy toshlardan toshlarga urilib, koʻpirib, uzoq paxta dalalariga qarab yuguradi. — Mirmuhsin, Hamzaobodda

Mirzachoʻlning och bagʻriga Yugurganda Sirdaryo Oʻylaganmi edi shunday Chamanlar yaratishni. — T. Toʻla

6. koʻchma Paydo boʻlmoq, namoyon boʻlmoq, koʻrinmoq (biror xususiyat, belgi, holat va shu kabilar haqida).

Uning yuziga qon yugurdi.

[Ibn Sino] Nazari satrlar oralab yoʻrgʻalarkan, yer ostidan xazina topgan kishidek, qoʻllari asta titraydi, yuziga gʻalati tabassum yuguradi. — M. Osim, Kitobga ixlos

Malohat Karimovaning yuzlariga qizil yugurdi, yuzidagi kuldirgichlar husniga husn qoʻshdi, koʻzlari charaqlab ketdi. — Oydin, Asl yor

Endi har ikkovining ham yuziga jiddiyat yugurdi. — H. Shams, Dushman

yugurmoqрусскийбежатьанглийскийrun

Azïb yügrür erdim ayu berdi yol Yoʻldan ozib har tomonga yugurar edim, U (Alloh) menga yoʻlni koʻrsatdi – Заблудившись, я бегал, он объяснил дорогу – Lost my way, I ran each side, he explained the road

yugurtirmoqрусскийбежатьанглийскийrun

Qapuyqa kelib bir oylan yügürtti tilin söz iδib Bir oʻgʻlon eshik oldiga kelib, soʻz aytib, tilini yugurtirdi — QBN, 52₅

Qapuyqa kelib bir oylan yügürtti tilin söz iδib Подойдя к двери, он заставил малого сбегать и сообщить — QBN, 52₅

Qapuyqa kelib bir oylan yügürtti tilin söz iδib Coming to the door, he made the small run and tell — QBN, 52₅

ot 1. Tez yuguradigan, chopadigan; chopqir, chopagʻon.

Kepak yegan ot yugurik boʻlmas. — Maqol

Choʻloq odam uchun xizmatkorlik qiyin, boyoqish Qambar bu kamchilikni bildirmaslik uchun yugura-yugura yugurik boʻlib qolgandi. — Oybek, Tanlangan asarlar

— Hayot misli bir yugurik daryo, oqadi-ketadi, surgan kayf-u safongiz qoladi, — quv koʻzlarini suzib iljaydi — Eshonxon. Oybek, Ulugʻ yoʻl

Ikkov minib tulpor otti, Chopmoqqa havasi ketdi, Kimning oti yugurik, deb. — Erali va Sherali

2. Ildam, tez harakat qiladigan; chaqqon, tez (oyoq, qoʻl, til haqida).

Yugurik barmoqlar. Yugurik oyoq. Qoʻl yugurigi — oshga, Til yugurigi — boshga. — Maqol

U [Abdishukur] bolalik chogʻida dadasi bilan birga yangi shaharda rezavor sotib yurgandayoq, ruschaga tili yugurik boʻlib qolgan edi. — Oybek, Tanlangan asarlar

n collection

ot 1. Birovga xizmat qilib turadigan shaxs; xizmatkor, malay.

U [Yoʻlchi] soʻramasa ham, choyxonachining yugurdagi choy qoʻyib ketdi. — Oybek, Tanlangan asarlar

Ibodilla, boy bolasi boʻlgani bilan, otasining yugurdagi, xolos. — H. Gʻulom, Mashʼal

2. Yordamchi, dastyor.

Mana, oyim, sizga yana bir dastyor — yugurdak topib keldim. Oydin, — Hazil emish

3. esk. Biror idoraning xat-xabarlarini tegishli kishilarga yoki muassasalarga tashuvchi xodim; xat tashuvchi.

Madraimni selsovet [qishloq kengashi]ning oʻsha vaqtdagi raisi rayonga olib borib, ijroqoʻm yugurdagi qilib qoʻydi. — A. Qahhor, Qoʻshchinor chiroqlari

4. salb. Birovning buyrugʻini yoki topshirigʻini xushomadgoʻylik bilan bajaruv-chi; laganbardor, malay.

Amaldorlarning yugurdaklari koʻcha-koʻylarda odam oʻldirishga kirishdilar. — S. Ayniy, Jallodlar

5. ayn. Yugurik 2.

Yugurdak oyoqqa kavush topilar. — Maqol

Gulshan degani shakkokroq, tili yugurdak, oʻzi ziyrak-tuygʻun edi. — H. Shams, Dushman

ot Yugurmoq feʼlidan sifatdosh.

ot Biror ogʻir va shoshilinch ishni amalga oshirish vaqtida yuz beradigan ovoragarchilik, hovliqib u yoqdan bu yoqqa chopish; chop-chop.

Shuncha yugur-yugurdan hech qanday natija chiqmadi.

Koʻchada yugur-yugur, shovqin, itlar vangillagan, tovuqlar qiyqillab qochgan. — A. Qahhor, Bashorat

ot Yugurdak ishi, vazifasi.

Yoʻldagi azob-uqubat, dastyorlik, yugurdaklikdan tinkasi qurigan Doʻsmat aka Qobulga yetganda, qattiq kasal boʻlib, toʻsatdan vafot etdi. — Tuygʻun, Shoir haqida haqiqatlar

Koʻchada qolgan birovning xizmatida yugurdaklik qiluvchi bolalar ozmuncha emasdi. — P. Tursun, Oʻqituvchi

fl. Yugurmoq feʼlining birgalik nisbati.

fl. Yugurtmoq feʼlining majhul nisbati.

fl. Yugurmoq feʼlining orttirma nisbati.

fl. s. t. Tez-tez yugurmoq, chopqillamoq.

Yigitlar yugurgilagan bolaning orqasidan kichkina koʻchaga qayrilishdi. — Oybek, Quyosh qoraymas

Yormat bilan Nor-mat yugurgilab, suyunchiga chiqib ketishdi. — A. Muxtor, Chinor

fl. Yugurtirmoq feʼlining majhul nisbati.

Бли ҚК

Yigitcha keksa kishining (kimning?) oldiga yugurib keldi.

Avtomobil gʻildiragiga suyanadigan sinov devorining aylanuvchi qismi

Gʻildirak aylanganda yoʻlning qattiq, silliq yuzasi bilan aloqada boʻluvchi shina protektori yuzasidagi qism

арабскийعندي إسهال, 'indiy ishaalрусскийУ меня поносанглийскийI have a diarrhea