Hayot Foundation loyihasi
Loyiha haqida
Oʻz
Oʻz

Qidiruv

«yorish» boʻyicha 145 ta natija

Filtr
Boʻlim
Lugʻatlar Ertaklar Shevalar
Lugʻat turi
Izohli Tarjima Terminologik Frazeologik
Tildan
Oʻzbekcha Ruscha Inglizcha Turkcha
Tilga
Oʻzbekcha Ruscha Inglizcha Qoraqalpoqcha Nemischa Fransuzcha Arabcha Turkcha

← Barcha natijalar

Lugʻat maqolalari

145 ta · 1-sahifa / 8
yormoq
Izohli lugʻat · yana 5 ta lugʻatda

fl. 1. Chopib, kesib, boʻlaklarga ajratmoq, boʻlmoq.

Toʻnka yormoq.

Kimdir qars-qars oʻtin yoradi. — S. Ahmad, Hukm

Azonda otni minib, toqqa joʻnadim. Togʻamni oʻtin yorayotgan yerida topdim. — Sh. Xolmirzayev, Yoʻllar, yoʻldoshlar

2. Kesmoq, tilmoq.

Oyi, nima qilay, soʻzimga ishonmasangiz, pichoq bilan koʻksimni yorib koʻrsataymi? — Oybek, Tanlangan asarlar

U qoʻlini boʻshatgan choqdayoq Otabek Homidning qornini shir ettirib yorib yuborgan edi. — A. Qodiriy, Oʻtgan kunlar

3. Chaqa qilmoq; darz ketkizmoq.

Tuxumni yormoq. Kichkina tosh bosh yorar. — Maqol

Otam, oʻyin qizigʻida yutqazishga yutqazib qoʻyib, keyin oʻzini urdi, peshonasini yordi. — M. Ismoiliy, Fargʻona tong otguncha

4. -ib qoʻshimchali ravishdosh shaklida “oʻtmoq”, kirmoq, chiqmoq feʼllari bilan kelib, qarshilik, toʻsiq, gʻov va shu kabilarni yengish maʼnosini ifodalaydi.

Toʻdani yorib kirmoq. Qurshovni yorib chiqmoq.

Mirshablar orasidan uchta yosh bola yorib oʻtib, mingboshining kimxob toʻniga, oyogʻiga osildi. — M. Ismoiliy, Fargʻona tong otguncha

Norjon bilan Elmurod u yoqdan-bu yoqqa tipirchilab, oldinga yorib oʻtmoqchi boʻlishdi. — P. Tursun, Oʻqituvchi

  • Dardini (yoki koʻnglini) yormoq Sirini aytmoq; maqsadi, niyatini bayon qilmoq. Dardliman, dardimni kimga yoraman? Ayriliq oʻtida bagʻri poraman. — AlpomishAvaz ancha oʻtirib, koʻnglini yordi: — Ogʻa, oʻn kuncha boʻldi, qoʻlimga qalam olmadim. — S. Siyoyev, Avaz
  • Dimogʻini yormoq Badboʻy hiddan koʻngli behuzur boʻlmoq. Murdalar yotmaydi muzli koʻllarda, Dimogʻni yormagay badboʻy qon isi. — MirtemirDimogʻlarni yoradi murdalar isi. — Gʻayratiy
  • Pix(ini) yorgan
  • Tilni yoradi Taʼmi nihoyatda shirin. Kuz. Bogʻlar tillarang. Uzumlar tilni yoradi. — Yo. Shukurov, Uch savolOlinglar, biram shirin chiqdiki jonivor, tilni yoradi. — M. Ismoiliy, Fargʻona tong otguncha
  • Tish yormoq 1. Tish(i) chiqmoq; — Xoʻp, mayli, aytsam aytay, ammo hech kimga tish yormaslik sharti bilan, — dedim men nihoyat rozi boʻlib. — F. Nasriddinov, Tundagi voqeaBu toʻgʻrida qoʻshnimizga tish yorgan edim, u: — Bitta, yarimtasini yogʻlamapsiz-da, — dedi. — Mushtum
  • Yurakni yormoq Qattiq qoʻrqitmoq, choʻchitmoq.
  • Qilni qirq(qa) yoradi
  • Qornini yorsang, alif chiqmaydi
Toʻliq maqola →
yor
Izohli lugʻat · yana 7 ta lugʻatda

f. jL — doʻst

1. Dilga yaqin kishi; Xamdam, doʻst, muhib; yordamchi. m . . Ajdodlarimiz qissasi

Ziyofatga oʻrtoqlar, yor va birodarlar kelishdi

Ostimizda oʻynar otlar, Har kim oʻz koʻnglini shodlar, Doʻstu yor, yaxshi ulfatlar, Nuktadonlar, xush qol endi — "Erali va Sherali"

nihoyat, zafar ularga [massagetlarga] yor boʻlib, dushmanni orqaga sura boshlashdi — M. Osim

Arvohlar yor, pirlar madadkor boʻlib, ovimiz baroridan kelsin — Hamza

2. Sevgili, maʼshuq, maʼshuqa

Vafodor yor

Yor, muncha zor etding meni? — S. Abdulla, Tohir va Zuhra

Men keltirgan atlasni Yorim solmas sandiqqa — "Qoʻshikdar"

Toʻliq maqola →
yorimoq
Izohli lugʻat · yana 2 ta lugʻatda

fl. 1. Yorugʻ, ravshan boʻlmoq; charogʻon boʻlmoq.

Sham nuridan xona ichi yoridi.

Oʻrdaning charogʻchisi darboza yaqinidagi mashʼala yogʻochiga oʻt berib, butun oʻrda ichi yorib ketdi. — A. Qodiriy, Oʻtgan kunlar

2. Yorishmoq (tong haqida.

Subh azoni aytilib, sekin-sekin tong yorib bordi. — A. Qodiriy, Oʻtgan kunlar

  • Ichiga chiroq yoqsa, yori(sh)maydi Dard-dunyosi qorongʻi, oʻta xafa. — Shu chogʻda ichimga chiroq yoqsalar ham, yorimaydi-da! — dedi va koʻziga jiq yosh oldi [Oftob oyim]. — A. Qodiriy, Oʻtgan kunlarIqbolxon, ikki hafta boʻlibdiki, ichiga chiroq yoqsa, yorishmaydi. Oʻ. — Usmonov, Sirli sohil
  • Koʻzi yoridi 1. Tanidi, bildi, angladi. Koʻzimiz yoridi: koʻrdik olamni, Shunchalar jamoli bor ekan yerning. — Gʻ. Gʻulom;Ayol tun boʻyi azob chekib, tongotarga yaqin koʻzi yoridi — P. Tursun, OʻqituvchiAksiga olib, kampiri koʻzi yorigan kelininikiga ketgan. — S. Ahmad, Laʼli Badaxshon
Toʻliq maqola →
yorishmoq
Izohli lugʻat · yana 4 ta lugʻatda

fl. 1. Yorugʻ boʻlmoq, yorimoq.

Kun yorishdi.

Hamma yoq sutdek yorishdi. — S. Ahmad, Hukm

Tong allaqachon yorishib, koʻchalar odamga toʻlgan. — M. Ismoiliy, Fargʻona tong otguncha

Oftob yana yorishdi. — A. Qahhor, Ming bir jon

2. koʻchma Xursandlik, shodlik alomati paydo boʻlmoq (yuzda va koʻzda).

Murzin xuddi shu soʻroqni kutib turgandek yorishib ketdi. — Shuhrat, Shinelli yillar

— Ha-a, Joʻraxon! — dedi birdan yorishib Gʻulomjon. — M. Ismoiliy, Fargʻona tong otguncha

3. Yengil tortmoq; tuzalmoq, sogʻaymoq.

Qutidor qizning peshonasini ushladi: — Ey-ha Kumush, hali issigʻing bor, — dedi u. —Oʻzingni teja, qizim, oʻrningni qalin qilib, burkanib yot, terlasang, yorishasan, qizim. — A. Qodiriy, Oʻtgan kunlar

[Joʻrabek] Dushanba, seshanba kunlari safro tashlab, ruhi yorishgan kishidek ancha yengil tortdi. — Mirmuhsin, Qulamas qoya

  • Koʻngli (yoki dili, chehrasi) yorishmoq Kayfiyati koʻtarilmoq; xursand boʻlmoq. Uning [Saodatxonning] koʻngli yorishib, qadami dadillashdi. — S. Zunnunova, Yangi direktorToʻra ovqatni ishtaha bilan ichar ekan, koʻngliga kelgan bir fikrdan dili yorishib ketdi. — N. Fozilov, DiydorTalʼat Gavharni esladi-yu, chehrasi yorishib ketdi. — Oʻ. Hoshimov, Qalbingga quloq sol
Toʻliq maqola →
Yorish toʻlqini

– gidrodinamik avariyaning asosiy shikastlovchi omili, uning taʼsir etishi koʻp jihatdan havo zarb toʻlqinining taʼsir etishiga oʻxshash, ammo bunda harakatlanayotgan jism suvdir. Bu GTI ning vayron boʻlishi natijasida hosil boʻladigan va yoʻlidagi barcha narsani supurib tashlab katta tezlikda harakatlanadigan baland va kuchli suv oqimidir.

Toʻliq maqola →
YORT=

yurmoqruschaидти, ходитьinglizchago, walk

Yayiqa qali yortsa sü bašlar er Lashkarboshi dushmanga qarshi yurish qilsa –Если предводитель войска двинет войска двинет войско на врага – If the leader of the army moves troops to move the army on the enemy

Toʻliq maqola →
yoʻrgʻa
Izohli lugʻat · yana 4 ta lugʻatda

ot 1. Mayda qadam tashlab, tez yuradigan (ot, eshak haqida).

[Mingboshi] Eng yaxshi zar choponini kiyib, tilla kamarini bogʻlab, uzun qilichini osib, saman yoʻrgʻani minib, yoʻlga chiqdi. Choʻlpon, — Kecha va kunduz

Gulnoraning dadasi qishgacha minib yura qol, deb yoʻrgʻa eshagini bergan. — S. Siyoyev, Yorugʻlik

2. Shunday tarzdagi yurish.

Joʻra, bu qaynoq hayotni koʻrmaganday, koʻchaning bir chetidan ot yoʻrgʻasiga mahliyo boʻlib borardi. — H. Shams, Dushman

Yakka otning yoʻrgʻasidan chiqarmi chang? — Gʻ, Gʻulom

  • Yoʻrgʻasi chiqmoq Polvonga jir bituvdiki, yoʻrgʻasi chiqib qoldi — H. Nazir, Oʻtlar tutashganda
  • Yoʻrgʻa chiqarmoq [Hojar:] Bu qora yer yutkurning yoʻrgʻa chiqarishini yetti uxlab tushida kim koʻribdi? — Hamza, Paranji sirlari
Toʻliq maqola →
yoriq
Izohli lugʻat · yana 6 ta lugʻatda

sft. 1. Yorilgan, darz ketgan.

Yoriq qovun.

2. ot Darz ketgan, yorilgan joy; tirqish, oraliq.

Devor yorigʻi.

Qozonga yopilgan tuvoqning yoriqlaridan bugʻ koʻtariladi. — S. Anorboyev, Oqsoy

Yerning yoriqlaridan vashillab gaz chiqib, yonib yotibdi. — P. Qodirov, Erk

Toʻliq maqola →
yorma
Izohli lugʻat · yana 4 ta lugʻatda

ot 1. Oqlab tuyilgan butun don, oqlangan gʻalla mahsuloti.

Bugʻdoy yormasi.

— Yangamga aytsangiz, bugʻdoy boshoqlaridan bir oz sindirib olib, toʻqmoqlab, yorgʻuchoqda yorma tortsa boʻlmaydimi? — dedi Safar. — S. Ayniy, Qullar

2. Shunday mahsulotdan tayyorlangan ovqat.

Surxonboy musofirlarga atab oqshomda chiqarilgan biror kosa yovgʻon uvra yoki yorma bilan kun oʻtkazadi. — I. Rahim, Taqdir

U [Abu Siroj] ertalab uyidan nim piyola yorma atala ichib chiqqan edi. — R. Rahmon, Mehr koʻzda

Toʻliq maqola →
yoron
Izohli lugʻat · yana 2 ta lugʻatda

ot kt. Yaqin kishilar, doʻstlar.

Ey yoronlar, birodarlar, Dunyodan armonli ketdim. — Oqolma, qizil olma

Otamurod qori ham, dar qatori yoron deganday, Kamoliy taxallusi bilan gʻazal bitardi. — S. Siyoyev, Yorugʻlik

Toʻliq maqola →
yorti
Izohli lugʻat · yana 1 ta lugʻatda

ot esk. Yarim, yarimta; chala.

Ikki yorti — bir butun. — Maqol

Toʻgʻonbek goʻyo eshitmaganday, bir qancha vaqt otning u yon-bu yoniga oʻtib, pardozlab, soʻng poʻngʻirladi: — Ish yorti qolmasin, qari shayton. — Oybek, Navoiy

Yorti emas, toʻkis — but Gʻaznalar, dunyolar bor. — Mirtemir

Toʻliq maqola →
yorugʻ
Izohli lugʻat · yana 6 ta lugʻatda

sft. 1. Yonib, qizib turgan narsadan tarqalgan yogʻdu, nur.

Sham yorugʻi.

Gʻulomjon oʻchoqdagi oʻt yorugʻida qomati xiragina koʻrinib turgan doʻstini borib quchoqladi. — M. Ismoiliy, Fargʻona tong otguncha

Elmurod palatkaga kirdi. Palatka sham yorugʻida ertaklarda uchraydigan goʻzallik va fayz kashf etgan. — Shuhrat, Shinelli yillar

2. Nur tushib turgan; ravshan, charogʻon.

Koʻchalar yorugʻ. Oyning oʻn beshi qorongʻi boʻlsa, oʻn beshi yorugʻ. — Maqol

Uy yorugʻ edi. Sergey stol lampasini oʻchirmay uxlab qolgandi. — P. Qodirov, Uch ildiz

3. koʻchma Baxtli, nurli, yorqin.

Fotima dunyoga kelib, oʻzi bilan shu qadar mehribon, xushmuomala gaplashadigan odamlar borligini, ularning birdan-bir maqsadlari uni ozod qilib, yorugʻ yoʻlga boshlash ekanini angladi. — P. Tursun, Oʻqituvchi

Bu koʻz yoshlarini gʻam va hasrat emas, aksincha, oʻsha yorugʻ hislar tugʻdirgan edi. — O. Yoqubov, Ota izidan

  • Yorugʻ dunyo 1. Yer yuzi, olam, tiriklik dunyosi. Yorugʻ dunyoning lazzati — roʻzgʻor bilan farzand. — I. Rahim, Ixlos[Gʻofir:] Bu yorugʻ dunyoga nima uchun keldik — ? Hamza, Boy ila xizmatchi;
  • Yorugʻ jahon Hozircha Feruz bu yorugʻ jahondan, bu toj-u taxtdan koʻngil uzishni oʻylagani ham yoʻq. — S. Siyoyev, Yorugʻlik
  • Yorugʻ kun Baxtli kun, daqiqa. Sen ham keladigan yorugʻ kunlar bor ekan, aylanay bolam! — M. Ismoiliy, Fargʻona tong otguncha
  • Yorugʻ yulduz 1. Katta, kuchli nur sochuvchi yulduz. Zulfiqor Badiadan qancha uzoqlashib ketsa, u yorugʻ yulduzdek shuncha yarqirab koʻrina boshladi. — Mirmuhsin, Meʼmor;Avval ustod Tabibiy yosh shoirning nuktadonligini obdan maqtadi, istiqboldan bashorat qildi, hazrati oliylarining muborak saroylariga Avaz otligʻ bir yorugʻ yulduz bosh urib kelganligini soʻzladi. — S. Siyoyev, Yorugʻlik
  • Koʻziga (yoki unga) yorugʻ dunyo qorongʻi (boʻldi) Koʻziga hech narsa koʻrinmay qoldi; koʻngli gʻash, qattiq xafa. Azizbek koʻziga hozir yorugʻ dunyo qorongʻi, bu qorongʻilik ichida boyagi shirin xayollar koʻrinmay qoladilar. — A. Qodiriy, Oʻtgan kunlar
  • Yuzi yorugʻ . I
Toʻliq maqola →