Qidiruv

ot Qattiq qilib, qotirib tayyorlangan.

Kampir bir necha qotirma kulchani zoʻrlab Bektemirga tutqizdi — Oybek, Quyosh qoraymas

fl. 1. Nami, suvi qochib, qattiq holga kelmoq, qattiq boʻlmoq; zid. yumshamoq.

Alebastr tez qotadi. Yelim qurib, qotib qolibdi. Qotgan non. Xamir toshdek qotibdi.

Ular oʻz qadamlarining tarashaday qotgan yer bilan urishib taraqlashidan boʻlak sharpa eshitmasdilar. — P. Tursun, Oʻqituvchi

— Xizmat haqini allaqachon olganmiz, — dedi kurakchasidagi qotib qolgan loyni tozalarkan. — N. Aminov, Suvarak

2. Qimirlash, harakatlanish xususiyatini yoʻqotmoq (tana aʼzolari haqida).

Gardani qotmoq.

Ertalabki gimnastika shalpayish va qotib qolganlikni yoʻqotadi, qon aylanishini tezlashtiradi — Gazetadan

Kela-kelguncha mashinada oʻtiraverib, beli qotib ketgan Hojimurod u yoq-bu yoqqa yurib, chigilini yozmoqchi boʻldi. — S. Ahmad, Jimjitlik

3. koʻchma Qoʻrquv, hayrat va boshqalar sabab bilan harakatini toʻxtatib, qimir etmagan holda boʻlmoq.

U na yurishini, na yurmasini bilmay, joyida tek qotdi. — M. Hazratqulov, Jurʼat

Saratonda muallaq qotgan havo gʻubori shabnam bilan yana oʻz onasi — tuproq ogʻushiga ohista choʻkdi. — Saodat

Oxund bilan qori boshlari yerga teggudek boʻlib, taʼzimda qotgan edilar. — S. Siyoyev, Avaz

4. koʻchma Harakatsiz, rivojlanishsiz holda boʻlmoq.

Adabiyot qotib qolgan narsa emas.

U eski, sunʼiy yoʻldan yurgan, sheʼrda qotib qolgan, hozirgi hayot maʼnosini tushunmaydigan qalbaki shoirlarga qamchin sola boshladi. — Oybek, Nur qidirib

Bu domla [Salimxon Obidiy] qotib qolgan odam., professor unvonini oʻsha vaqtda olib qoldi-yu, yigirma yildan buyon hech nima qilgani yoʻq. — Mirmuhsin, Umid

5. Qattiq sovqotmoq, toʻngmoq, muzlamoq.

Sovuqdan bolaning oyoq-qoʻli qotib ketibdi.

Qotib oʻlasanmi, haromi, isinmasang nima qiladi? — Oydin, Hazil emish

6. Pishiqmoq, chiniqmoq.

Uning tani quyoshda qoraydi, muskullari qotdi.

7. koʻchma Toʻxtovsiz, qattiq kulmoq yoki yigʻlamoq.

Uning gapiga rosa qotdik. Bola qotib-qotib yigʻlar edi.

Aleksey va Elmurod uning hikoyasini huzur qilib tinglab, kula-kula qotdilar. — P. Tursun, Oʻqituvchi

Bobom kulgidan qotib qoladi. — Oybek, Bolalik

8. Qattiq uyquga ketmoq; dong qotmoq.

bizning qism komandiri mehmondorchilikdan sahar paytida kelib, qotib qolgan ekan. — T. Rustamov, Mangu jasorat

9. shv. Aralashtirmoq, qorishtirmoq, qormoq.

Borib kirsam maydonga, Achchigʻim tarqatsam, deb. Dushmanlarning qonini Boʻz tuproqqa qotsam, deb. — Ravshan

10. Juda ozmoq, oriqlamoq.

Bolam bechorani tinch qoʻyasanmi, yoʻqmi? Yegan-ichgani tatimay, kundan-kunga turnadek qotib ketyapti oʻzi. — O. Husanov, Nay

ot ayn. Qotirma.

ot Odam oʻldiruvchi yoki oʻldirgan kishi.

Yomon shifokorning qotildan farqi yoʻq. — Oʻ. Hoshimov, Nur borki, soya bor

Demak, Boysunqur mirzo bizning izimizga qoʻyilgan qotilni payqab, muhofaza sifatida ovchi yigitlarini yoʻllagan. — Mirmuhsin, Meʼmor

Uning qonini daʼvo qiladigan kishisi boʻlmaganidan, hukumat uning qotilini topish uchun ortiqcha harakat qilmadi. — S. Ayniy, Esdaliklar

ot 1. Badanda pufakchalar hosil qilib, qattiq qichishtiradigan yuqumli teri kasalligi.

Tiqilinch va iflos joylarda, yotoqlarda yashovchi kishilar turli terlama, qoʻtir va boshqa shunga oʻxshash yuqumli kasalliklarga duchor boʻladilar. — N. Ismoilov, Kasallarni parvarish qilish

2. Shunday kasallikka yoʻliqqan.

Qoʻtir bola. Qoʻtir echki.

Pismiq, egasidan xoʻp kaltak yeb, yana biltanglab qolgan qoʻtir itdek, egilib-bukilib, yerga sirpangandek boʻlib inqilladi. — M. Ismoiliy, Fargʻona tong otguncha

sft. 1. Badani kamgoʻsht, ammo pishiq.

U [vakil] qop-qora, qotma, vujudi pay bir yigit boʻlib, aftidan yoshini chamalash qiyin edi. — A. Qahhor, Qoʻshchinor chiroqlari

Tosh supachada qotmadan kelgan novcha bir kishi xayolga choʻmib oʻtirar edi. T — uygʻun, Naychining qalbi

2. Terisi suyagiga yopishgan; ozgʻin, oriq.

Saltonbu gʻam-u gʻussadan, muhtojlik va doimiy ochlikdan soʻlishib ketgan qotma yuzini choʻzgʻilovchi kulgidan oʻzini tutolmay kular edi. — M. Ismoiliy, Fargʻona tong otguncha

beqasam toʻnning oldi ochilib qotma koʻkragi koʻrinib turar edi. — N. Aminov, Qahqaha

ot 1. Birga boqilayotgan katta qoʻy toʻdasi; qoʻy podasi; suruv.

Shu kecha tushimda choʻpon boʻlibman, Qoʻtonimni qirning toʻrida koʻribman. — Islom shoir

May-donga bir qoʻton qoʻyni haydab kelishdi. — Gʻ. Rasul, Toʻngʻich oʻgʻil

2. Qoʻy yoki mol qamaladigan katta qoʻra yoki maxsus bino; qoʻyxona, molxona.

Umarqul ertalab, yerdan qirov koʻtarilay degan-da, qoʻylarni qoʻtondan haydab chiqardi. — O. Husanov, Hayot ishqi

— Ovoragarchilikni aytmaysizmi, — dedi paqir ushlab turgan novcha kishi, — qishda qishloqqa, yozda yaylovga mol haydaymiz. Shu yerga qoʻton qurilsa boʻlmaydimi? — I. Rahim, Ixlos

ot Markaziy Osiyoning baland togʻli hududlarida yashaydigan, hoʻkizlar kenja oilasiga mansub kavsh qaytaruvchi hayvon.

Qoramolning togʻ sharoitiga moslangan eng kuchlisi va mahsuldori sanalgan qoʻtosni armani qishloqlarida koʻp uchratdik. — H. Nazir, Maftuningman, Ozarbayjon

haydamoqruschaизгонятьinglizchapursue

Esizlärni tutma eliŋdän qotur Yomonlarni saqlama, ularni yurtingdan quv

Esizlärni tutma eliŋdän qotur Неимейделасплохимилюдьми, гониихизсвоейстраны

Esizlärni tutma eliŋdän qotur Do not deal with bad people, drive them out of your country — QBK, 70₁

ot Qatqaloq yoki muzlagan qattiq yer.

Eshak yurar qotqoqda, maʼlum boʻlar botqoqda. — Maqol

ot 1. Qotil boʻlish, qotil ekanlik.

Qotilligini boʻyniga olmoq.

Zahar bermoq uchun saylandi Mansur, Nechuk insonki, qotillikka magʻrur. — Habibiy

2. Odam oʻldirish.

Qotillikda ayblanmoq.

josuslik, diversiya., qotillik kabi jinoyatlar uchun oʻlim jazosi boʻlishi mumkin. — Gazetadan

fl. 1. Qotmoq feʼlining orttirma nisbati.

Non qotirmoq. Sovuqqa qotirmoq.

Goʻshtni, pishirmay, qotirmay, uchalamiz yeb boʻldik. — Ertaklar

Goho togʻ tomondan quruq va achchiq izgʻirin esar va quyoshda shilta boʻla boshlagan qishloq koʻchalarini daranglatib qotirib tashlar edi. — P. Tursun, Oʻqituvchi

Yomgʻir yerni qotirib, zaxlatib qoʻydi. — Oʻzbekiston qoʻriqlari

2. koʻchma s. t. Oʻrniga keltirib ijro etmoq, juda yaxshi bajarmoq, qoyil qilmoq; oʻrinlatmoq, doʻndirmoq, boplamoq.

Ishni qotirmoq. Gapni qotirmoq.

Felyetoningizni oʻqidim. Juda qotiribsiz! — O. Yoqubov, Bir felyeton qissasi

Uch joyga qotirib uy-joy qurdim — Mushtum

Men unday qildim, men bunday qildim, qotirdim, doʻndirdim, deb osmondan keladi. — A. Muhiddin, Chap choʻntak

ot tex. Turli metall va metallmas moddalarning erigan holda oʻzaro qoʻshiluvi yoki aralashuvidan hosil boʻlgan modda.

Mis bilan nikelning qotishmasi. Mis bilan qalay qotishmasi.

Qotishma tayyorlash uzelida qishga yaxshi tayyorgarlik koʻrilmagan. — Mushtum

sft. ayn. Qotma.

Hagerheit f, Sehnigkeit f

ot Togʻli yerlarda oʻsadigan, yogʻochi ogʻir, qattiq, mevasi yeyishli daraxt yoki buta; tosh daraxt.

fl. 1. Qotmoq feʼlining birgalik nisbati.

Ular xandon urib qotishdi. Sovuqda qotishdi.

Qiziq bir vaziyatda bir zumgina qotishardi. — Oybek, Navoiy

2. tex. Qotishma hosil qilmoq.

3. Oʻzaro munosabatga kirmoq; aralashmoq, suqilmoq, qoʻshilmoq.

Tinib-tinchimaydi. Uz ishi yetmaganday, boshqalarning ishiga ham qotishib yuradi. — H. Nazir, Uzr, otaxon

fl. Qotirmoq feʼlining majhul nisbati.

ot Mantiqiy usulda yechishni talab qiladigan jumboq.

1. Potensial xavfli ilova boʻlib, ishlash uchun tizimning ulkan resurslarini (kanallarning oʻtkazish qobiliyati, xotira va h.k.) talab qiladi. Qandaydir resursni egallab (baʼzan monopol tarzda) olgach, bunday ilova boshqalarini siqib chiqarishga (“oʻldirishga”) qodir.inglizchakiller applicationruschaприложение-убийца

2. Aloqa xizmatlari bozoridagi yangi taklif, u tezda ommaviylashib ketadi va boshqa, uncha ommaviy boʻlmagan ilovalarni siqib chiqaradi.