Qidiruv

sft. 1. Moyi bor, moy olish mumkin boʻlgan.

Moyli oʻsimliklar.

2. Moylangan, moy berilgan.

Moyli qogʻoz.

3. Sermoy, yogʻli.

Tursunoy tuxum bilan qovurilgan moyli qoʻy goʻshtini bir xitoy laganda keltirib, sandal ustiga qoʻydi. — Oybek, Tanlangan asarlar.

Fazliddin oldinroq moyli somsani koʻproq yeganidan mantini oz yedi. — Oybek, Tanlangan asarlar.

4. Koʻchma Daromadi yaxshi; serdaromad.

Moyli ish izlab yuribdi.

Bu oila tinch, moyli makon qidirib, qishloqqa koʻchib kelgan — Oybek, Tanlangan asarlar.

5. Moyi chiqqan; kirlangan.

Yoqasi moyli boʻlsin, etagi loyli boʻlsin. — Boychechak

ot 1. Chorva mollari va baʼzi jonivorlar toʻqimalarida boʻladigan, tarkibida yogʻ boʻladigan narsa.

Bir qumaloq bir qorin moyni chiritar. — Maqol

Echkiga jon qaygʻu, qassobgamoy qaygʻu. — Maqol

Quyonning moyi qoʻy va qoramol moyiga nisbatan tez eriydi. — Fan va turmush

2. Shunday narsadan va baʼzi oʻsimliklarning urugʻi, guli va mevasidan olinadigan, suvda erimaydigan modda; yogʻ.

Hayvonot moylaridan tayyorlangan yogʻ mahsulotlari ham yaxshi dogʻlashni talab etadi. — Gazetadan

Yongʻoqning tarkibida moy, oqsil moddalari behisob. — J. Abdullaxonov, Oriyat

soyadan yaxshi hosil olishimiz, oziq-ovqat sanoati uchun soya moyi ishlab chiqarishimiz mumkin. — Gazetadan

Inson gullardan efir va sanoat moyi va dorivor olishga ham oʻrgangan. — Gazetadan

3. Yumshatish, harakatni ravonlashtirish, pardoz va boshqalar maqsadlarda ishlatiluv-chi moddalarning umumiy nomi.

Korjomasi va qoʻllarigacha moy boʻlganidan, bilagini tutib soʻrashdi. — R. Fayziy, Asad libosi

Mullajon amaki haligi kishining yuziga suqma moy surtdilar-da, hafsala bilan ishqaladilar. — E. Raimov, Ajab qishloq

moy surtmasang, aravaning oʻqi ham gʻirchillaydi. — Mushtum

4. s.t. kam. qoʻll. Boʻyoq.

Politsiya eshigi berk: yashil moy bilan sirlangan yogʻoch panjaralar oldida tutaqqan xalq qaynaydi. — Oybek, Tanlangan asarlar.

Moylangan dvigatel tizimidagi moyni yoki boshqa transmissiya agregatlarini sovitish uchun xizmat qiluvchi radiator

Если в ведре масло, оно видно снаружи.

Oyoq ostiga toʻshalgan yumshoq gilam poyandozlarida bora turib Qoplonbek qora marmar zinalarga, naqshli ustunlarga kishi bilmas qaradi. Moyli chelak sirtidan maʼlum, deb koʻnglidan oʻtkazdi. Капланбек шел по мягкой ковровой дорожке и незаметно для чужих глаз поглядывал на темные мраморные ступеньки, на расписные колонны. «Если в ведре масло, оно видно снаружи», — подумал он про себя. — Шуҳрат, Жаннат қидирганлар.

ot 1. Urgʻochi tuya.

Bir qari nor poʻpaklini koʻrdingmi? — Bizning elda qolgan uchta moyasi. — Nigor va Zamon

2. kt. Biror narsaning asosini tashkil qilgan modda, asos boʻlgan narsa; oʻzak; biror guruhning, jamoaning asosini tashkil qilgan shaxslar.

U [Abdurahmon] kutgan asosiy moyalar, yaʼni mudarris, peshvolar ziyoratchilar orasida koʻz ogʻrigʻi uchun ham koʻrinmadilar. — A. Qodiriy, Mehrobdan chayon.

ot 1. Tovuqning tuxum qilishi kerak boʻlgan yerga qoʻyiladigan tuxum yoki tuxumga oʻxshash narsa.

[Fotima:] Kelinposhsha, tovuqlaringizga moyak qoʻydingizmi? — A. Qahhor, Ogʻriq tishlar

2. shv. Tuxum.

Bir guruh bola moyak urishtiryapti. — T. Murod, Ot kishnagan oqshom

3. Erkaklarning yorgʻoq ichida joylashgan bir juft jinsiy bezi; urugʻdon (spermatozoid va erkaklar jinsiy gormoni ishlab chiqaradi).

m ruschaсредство, способoʻzbekchamablagʻ, uslub, usul

rvsh. 1. Mayli, koʻngli bor, koʻngil qoʻygan.

Ilmga moyil odam.

Qoʻshnisi qishloqdagi bir dehqonning Nurjamol ismli qizini yaxshi koʻrarkan. Qiz ham unga moyil ekan. — M. Xayrullayev, Koʻngil

Ammo yoshlar odam zotin ayirmas. Koʻngil moyil boʻlsa — shuning oʻzi bas! — M. Ikrom, Koʻngil guli

2. Yaqinlashib boruvchi, yaqin.

Olti-yetti yoshlar chamasi doʻndiqqina, oqqa moyil yuzchasi isiqqina bu jajji qiz qoʻgʻirchoqqa oʻxshar edi. — M. Ismoiliy, Fargʻona tong otguncha.

Berdiyorning boʻyi ham novcha, oʻzi sariqqa moyil. — Sh. Xolmirzayev, Ogʻir tosh koʻchsa

Raʼno tabassumga moyil jodu koʻzlari bilan Anvarga ohista bosh koʻtarib qaradi. — A. Qodiriy, Mehrobdan chayon

Yer bagʻirlab turgan imoratlar koʻngilda gʻashlikka moyil bir his uygʻotadi. — E. Usmonov, Yolqin

3. Biror narsa taʼsiriga beriluvchan, yaqin.

Boʻrijarning shahar chekkalaridagi sohillari eroziyaga moyil boʻlib turibdi. — Gazetadan

Bilimsiz kishilarning koʻngli xurofotga moyil boʻladi. — Gazetadan

ot Baʼzi hayvonlar (masalan, suvsar, tulki, ondatra va boshqalar)ning kiyim-kechakka ishlatiladigan junli terisi.

Tulki moʻynasi.

Sarkardalarning bosh kiyimlari savsar moʻynasidan boʻlib, pogonlari oltin edi. — S. Ayniy, Esdaliklar

ot s. t. Maosh.

Bir oylik moyana. Moyana olmoq. Moyana toʻlamoq.

ot 1. Yuqori labning ustini qoplagan moʻylar, murt.

Abdishukur qisqa moʻylovining ikki uchini ingichka burab, burnining kataklariga yetkizgan oʻttiz besh yoshli oriqqina kishi. — Oybek, Tanlangan asarlar

2. s. t. Moʻylov qoʻygan, moʻylovi bor (shaxs).

Oʻrtada chordana qurib oʻtirgan moʻylov — Roʻzi polvon. — T. Murod, Qoʻshiq

— Ha-ya, — dedi Toʻqsonov, hamon derazadan moʻralagan holda va yana soʻradi: — Haligi moʻylovingiz koʻrinmay qoldi. — P. Tursun, Oʻqituvchi

3. Baʼzi hayvonlarning ustki labi ikki chekkasidan oʻsib chiqqan, sezish uchun xizmat qiladigan moʻylari.

Mushuk moʻylovi.

4. Baʼzi hasharotlarning boshidagi hid bilish va sezish qobiliyatiga ega boʻlgan tuklari.

Chumoli moʻylovi.

shımshıq tárizlilerge kiriwshi kishkene qus

Biror bir yuzaga yogʻning surilishi

sft. Moyana beradigan, moyana toʻlaydigan.

Qani endi men ham siz qatori moyanali bir ishga kirsam. — M. Osim, Tilsiz guvoh

ot 1. Moyil ekanlik.

[Zulfiqorning] Oʻz qiziga moyilligini sezib, Hirotdan uzogʻlashtirdi.

2. Ichki intilish, mayl.

Yoshlikdan mening romantikaga, sarguzashtlarga moyilligim bor edi. — Yoshlik

ot Oʻsimlik urugʻidan moy olinadigan juvoz va shu juvoz joylashgan joy.

Senga oʻxshash objuvozi, moyjuvozi borlar soliq toʻlamasa, mullajiring qayoqdan tushadi? — P. Tursun, Oʻqituvchi

fl. 1. Moy surkamoq, moy bermoq.

Mashinani moylamoq. Etigini moylamoq.

Moʻylovdor bir yigit deraza moylayotgan ekan. — S. Ahmad, Saylanma

2. yoki Ogʻzini (tomogʻini) moylamoq Pora tariqasida mehmon qilmoq yoki pora bermoq.

Xumparning ogʻzi burnini moylab, qoʻlga olib boʻlmasmikin? Doridan ichar? — dedi Olaxoʻja. — P. Tursun, Oʻqituvchi

Ular xoʻjayinning tomogʻini moyladik, deb non zuvalasidan bir siqim bir siqim uzib qolaverdilar. — Mushtum

sft. Moʻylovi bor, moʻylov qoʻygan.

Tushga yaqin moʻylovli bir yigit Zaynabni chaqirib, ichkariga olib kirib ketdi. — Mirmuhsin, Chodrali ayol

ot Moʻynadan kiyim tikuvchi usta.

Ulgurji, chakana savdogarlar, attorlar, bazzozlar, moʻynadoʻzlar karvon kelib tushgan saroylar atrofida uymalashib qoldilar. — M. Osim, Oʻtror